• 19/01/2020 4:59 15

Rusesabagina na Sankara nabo ngo Leta y’u Rwanda yasabye ko bafatwa

Hagati muri Mutarama RFI yatangaje ko Leta y’u Rwanda yasohoye impapuro zo guta muri yombi Faustin Kayumba Nyamwasa, ubu ivuga ko yamenye ko atari we gusa ahubwo icyo gihe hanasohotse izo gufata Paul Rusesabagina na Callixte Nsabimana bita Sankara, nabo barwanya Leta y’u Rwanda.

Paul Rusesabagina
Paul Rusesabagina

Kayumba Nyamwasa uba muri Africa y’Epfo we yakatiwe n’inkiko za gisirikare mu Rwanda, zimwambura n’impeta ze za gisirikare zimuhamije ibyaha birimo kurema umutwe w’abagizi ba nabi. Africa y’Epfo ntiyigeze imufata kugeza ubu.

Paul Rusesabagina asanzwe azwi cyane ku isi kubera Film ‘Hotel Rwanda’ yaherewe ibihembo mpuzamahanga. Ubu ni umwe mu barwanya ubutegetsi bw’u Rwanda.

Callixte Nsabimana we yigamba ibitero byakozwe mu majyepfo y’u Rwanda umwaka ushize bigahitana abantu muri Nyaruguru na Nyamagabe.

Aba bose bashinjwa gushyira hamwe no gufatanya muri ibi bikorwa by’ubugizi bwa nabi ku baturage biheruka mu majyepfo y’u Rwanda.

RFI

UM– USEKE.RW

3 Ibitekerezo

  • Ndabona izi mpapuro ndabona zibaye nk’ ibunyobwa bwabuze abaguzi. Buri wese ni ukubonja ho. Nanjye mbahe amazina muntangire. Verediyana twatandukanye, Matiyasi wanyambuye 1000frw na Mudugudu unyishyuza buri munsi. Umushinjacyaha mukuru nanjye akankorereho ndebe ko nakwikiza abambangamiye.

  • Lol

  • RFI yatangaje ko Leta y’u Rwanda yasohoye impapuro zo guta muri yombi…Ibi ndumva bidakwiye pe. Kuki inkuru ireba abanyarwanda itangazwa bwa mbere na RFI, habura iki ngo namwe Umuseke n’abandi bakorera hano iwacu mutangaze ayo makuru ku ikubitiro? Ni Leta iyimana se cg ni mwe mutayashakashaka uko bikwiye? Mumbabarire kuko comment yanjye itavuze ku nkuru by’umwihariko.

Subiza

Your email address will not be published. Required fields are marked *