• 08/12/2019 10:30 38

Rulindo: Umukuru wa DASSO mu murenge wa Cyinzuzi bamusanze yapfuye

Mu masaha ya mu gitondo cyo kuri uyu wa Kane abaturage basanze umurambo w’umukuru wa DASSO mu murenge wa Cyinzuzi muri Rulindo uri mu ishyamba rituranye n’ibiro by’Umurenge.

Nshimiyimana wari umukuru w’abashinzwe umutekano bazwi nka DASSO avuka mu murenge wa Kisaro muri Rulindo.

Umuvugizi wa Police mu Ntara y’Amajyaruguru CIP Alex Rugigana yabwiye Umuseke ko inzego z’umutekano ziri gukora iperereza ku cyaba cyateye urupfu rwa nyakwigendera.

Ati “Ubu sindabona ibisobanuro byose birebana n’aho yaba yakomerekejwe ariko uko bigaragara bisa n’aho ari abagizi ba nabi bamwishe bakamuta mu ishyamba.”

Ubwo twandikaga iyi nkuru, umurambo wa nyakwigendera wajyanwaga i Kigali kugira ngo ukorerwe isuzuma ryo gucukumbura icyamuhitanye.

Ngo bamusanze yapfuye ari mu ishyamba ryegereye ibiro by’Umurenge wa Kinzuzi

Jean Pierre NIZEYIMANA
UMUSEKE.RW

8 Ibitekerezo

  • Diane yavuga bakamuhuriraho bamwita umusazi mbere yo kubanza kureba niba mubyo yavuze nta kintu na kimwe yadomyeho. Kandi twese tuzi. Umuntu utabariza abandi ntabwo ari umuntu mubi aba ashaka amahoro kuko ibidakemuwe mu gihe bituma haza inzika, inzigo uko imyaka igenda niko ibyo byose bigenda birushaho gukura.

    • Diane arakavuga idahiye nawe ntaho mutaniye

      • Ally, Munyakayanza na Diane urabaziza iki?! Inki iyo idahiye ubatutse?! Kuvuga ko abantu bapfa abandi bakicwa abandi bakaburirwa irengero birqje bibe icyaha rero kubwawe?! Naho se iki kinyamakuru cyo bite?!

        • Semahoro, njyewe narumiwe dusigaye tubana nabantu badashobora kwihanganira umuntu utanze igitekerezo, na rimwe kandi ngo ubu bose baraminuje ariko kwaguka mu bitekerezo bigenda birushaho kwifunga ahubwo. Namajyambere we..nkuko umucuranzi nkunda wi Gatagara yabiririmbye nibagiwe izina rye.

  • Muhere kuri iyi tatiki (18/07/2019), mwihagane dutegereze igihe imyazuro ya anketi kuri uru rupfu izatangarizwa. Ntimukarambirwe vuba mwa bantu mwe!!

    • Yego uvuze neza cyane, police ijye imenya ko abantu baba bategereje ibizava muri autopsie!

      • Bisjyire kera bizamenyekana. Ese ubabajwe n impfu agasaba ibidobanuro Leta hamwe n uvuga ngobarengera abacitse kwicumu bapfa agaceceka ntagire icyo abaza kandi nta numwe anketi yigeze igaragaza iby urupfu rwe ; nta marangamutima dushyize mugaciro ubwo ukoze neza ni ninde? Uwishe n umushyigikiye nibatabibazwa kuri iyi si, Imana izabibabaza.
        Tujye dushyira mugaciro turebe kure.
        Ese abo imiryango ivugira nibashira izaba ikivugira nde? Ubuzima bw umuntu burakomeye Nubwo yaba ari umwe.ntawabasha kumurema.
        Amahoro y Imana abana namwe

  • Twihanganishije imiryango yagize ibyago byo kubura uyu mubyeyi, lmana imwakire mubayo. Turasaba inzego z’umutekano gukora iperereza hakamenyekana aba bagizi banabi kdi bagahanwa by’intangarugero.

Subiza

Your email address will not be published. Required fields are marked *