• 08/12/2019 11:50 26

Ruhango: Ba bakozi b’Akarere bavugwagaho kwiba mudasobwa 3 barekuwe

Umuyobozi w’Akarere ka Ruhango Valens Habarurema abwiye Umuseke ko abantu babiri bari bafunzwe  n’Urwego rw’igihugu rushinzwe ubugenzacyaha bakekwaho kwiba mudasobwa eshatu bafunguwe.

Valens Habarurema  yabwiye Umuseke ko ari RIB yabarekuye ejo ariko ko igikurikirana abagize uruhare mu kwiba izo Mudasobwa eshatu.

Taliki 13, Werurwe, 2019 nibwo abakozi babiri mu biro by’Ubutaka mu karere ka Ruhango bakekwaho kwiba mudasobwa zo mu bwoko bwa laptop bafashwe bari Urwego rw’Ubugenzacyaha RIB kugira ngo bakorwego iperereza.

Munyankindi Christian na mugenzi we Dominique Nshimyumuremyi bakoraga mu Biro by’Ubutaka by’akarere ka Ruhango.

Umuyobozi w’akarere ka Ruhango, Valens Habarurema icyo gihe yabwiye umuseke ko ubu bujura bukekwa kuri bariya bakozi, bwabaye  ku manywa y’ihangu ubwo aba bakozi b’akarere basohokoga nyuma mu biro nyuma bakaza kugaruka bavuga ko ziriya mashini eshatu zabuze.

Icyo gihe yabwiye Umuseke ati: “Aba bakozi uko  ari babiri ni bo basohotse mu biro nyuma y’abandi kandi basiga bakinze.”

Umuseke wabajije umuvugizi w’Urwego rw’Ubugenzacyaha, Mbabazi Modeste iby’ifatwa ryabo atubwira ko bariya bakozi bacumbikiwe n’uru rwego kugira ngo bakorweho iperereza ku bujura bwa biriya bikoresho by’akarere ka Ruhango.

Munyankindi Christian na mugenzi we Dominique Nshimyumuremyi bari bamaze iminsi bafungiye kuri Station ya RIB mu mugi wa Ruhango.

Mu mwaka ushize muri aka Karere havuzwe amakosa nk’aya ya bamwe mu bakozi bakekwagaho kunyereza amadosiye arebana n’imitangire y’amasoko bikavugwa ko bashakaga kuzimiza ibimenyetso by’amafaranga y’umurengera  bakoresheje adahwanye n’ingano y’ibikorwa byakozwe hatangwa ayo masoko.

Ku byerekeye irekurwa ryabo, Umuseke wagerageje kuvugana n’Umuvugizi wa RIB  Modeste Mbabazi ngo atubwire niba barekuwe bidasubirwaho cyangwa niba bazakurikiranwa bari hanze ariko ntiratwitaba.

Umwe mu bafunguwe witwa Christian Munyankindi yabwiye Umuseke ko ngo mbere y’uko afungurwa hari uwo muri RIB waje amusaba urupapuro rumufunga ararumuha arangije aramubwira ngo yisohokere.

Avuga ko nta kindi yabwiwe uretse kumusaba kwitahira.

MUHIZI Elisee

UM– USEKE.RW/Ruhango

Subiza

Your email address will not be published. Required fields are marked *