• 08/12/2019 6:55 41

Rubavu: Inzu zahenze kuko ab’i Goma benshi bari guhunga Ebola bakaza kuhakodesha

Kuva Ebola ivuzwe muri Goma amakuru Umuseke ufite avuga ko abakongomani biyongereye mu gukodesha inzu muri Rubavu ahitwa Mbugangari n’ahandi. Ubu inzu yakodeshwaga ibihumbi Frw 60 ubu ngo yageze ku bihumbi Frw 90.

Mu kagari ka Mbugangari mu murenge wa Gisenyi mu karere Rubavu. Photo: Ukwezi.com

Umusore wiga muri imwe muri Kaminuza iri Rubavu yabwiye Umuseke ko iyo witegereje usanga abaturage bava I Goma baza muri Rubavu bariyongereye cyane.

Umwe mu barangira abandi inzu zikodeshwa witwa Gaspal yagize ati: “Usanga abava muri DRC baza gukodesha inzu inaha ari abifite.

Avuga ko abo yaganiriye nabo bamubwiye ko baje mu Rwanda kugira ngo bategereze ko Ebola yivuzwe muri Goma yazatangazwa ko yahashize

Joseph Rutalindwa uyobora Akagari ka Mbugangari yabwiye Umuseke ko iby’uko mu kagari ke hari abaturage ba DRC bahaje muri iki gihe kubera Ebola bakaba bakodesha inzu ari benshi bigatuma zihenda, atari byo.

Rutalindwa avuga ko muri iki gihe ahubwo abaturage ba DRC bari bari muri Mbugangari bari gutaha bagasubira i Goma.

Ati: “ Uwaguhaye ayo makuru sinamenya aho yayakuye ariko siyo. Muri iki gihe ahubwo hari bamwe muribo bari kunsezera bagasubira iwabo i Goma. Muri bo harimo abari bamaze imyaka itatu muri Mbugangari.”
Umuyobozi w’Akarere ka Rubavu wingirije ushinzwe imibereho mwiza Marie Grace Uwampayizina aherutse kubwira Umuseke ko iby’uko hari umubare w’abatuye Goma binjira I Rubavu gukodesha inzu bahunga Ebola atabizi.

Amakuru avuga ko kuva  Goma haboneka umupasiteri wishwe na Ebola ayivanye ahantu yari yagiye kubwiriza akagaruka i Goma ari kumwe n’abandi baturage muri bus, abatuye Goma bafite ubwoba bw’uko hari bamwe mu bari kumwe nawe bashobora kuyikwiza mu mujyi.

Amakuru avuga ko inzu zatangiye guhenda kubera ko abazikodesha ari benshi bigatuma ba nyirazo bazamura ibiciro

Jean Pierre NIZEYIMANA
UMUSEKE.RW

8 Ibitekerezo

  • N’iyo hataba ikibazo cya Ebola, amazu i Rubavu azagenda arushaho guhenda kuko abaturage bamaze igihe kinini batemerewe kubaka kandi biyongera ubutitsa.

  • Umugi wa Rubavu ni danger kbsa ibiciro uretse nibyamazu nibiciro byibiryo nabyo byarazamutse kubera aba ba Congoman bafite ama $ my Gosh u Rwanda ko rurimo guhenda cyane abakene tuzaba abande mwo kabyara mwe

  • Uko bahunga Goma baza gucumbika Rubavu ninako hari amahirwe menshi yo kuzana Ebola mu Rwanda. Muritonde ejo mutazatungurwa.

  • Ariko nk’uwo muyobozi w’akagari ngo ubwo aba akoze itekinika no mu bitari ngombwa!
    Ubwo se arumva gutaha kw’abacongomani bituma amazu ahenda(nk’uko biri)cyangwa ahubwo byatuma ahenduka?! (théorie de “demande-offre”)

  • Yewe muyobozi abakongomani bamaze imyaka baba ku gisenyi bumvise ko Ebola yageze igoma baza kugusezeraho ngo bagiye i Goma ese ubwo kubeshya urabikuramo iyihe nyungu. Harya niba bari bakodesheje kuki baza kugusezeraho ni wowe wari warabashyizemo cyangwa akagari kabongereraga ayu bukode?

  • Ariko iyo Gisenyi muri kuvuga banza ariyo tudayuyemo !!!!!
    Iyi nkuru rwose musubire aho mwayikuye mutohoze neza nti mugakabye .

    i Goma haratekanye abantu barakora akazi kabo ka buri minsi ibyo byo guhunga niby’UMUSEKE.RW nabawuha amakuru

  • Ariko u Rwanda ruzafate ingamba i goma niharamuka habonetse undi murwayi wa Ebola bazadufashe babe bafunze umupaka,gusa abakongomani bagira umwanda cyanearya ifi kuwa mbere mugahura kuwa gatanu ikimunukaho atakarabye

  • Ariko nanjye ndumva gitifu abeshya i cya semuhanuka, kuki mbese batatashye mbere, batangaza ko ebola yageze i goma bakaza kugusezeraho, ariko i rubavu nta kuri pe! ko ubeshye itangazamakuru? ubwo umuturage yabwiz’ukuri?

Subiza

Your email address will not be published. Required fields are marked *