• 13/12/2019 9:18 59

Riderman, Bruce Melody,Charly&Nina bazafasha Ne-yo na Meddy mu gitaramo cyo KWITA IZINA

Ubuyobozi bwa East African Promoters buravuga ko abahanzi bari kuzasusurutsa abaturarwanda mu gitaramo cyo kwita abana b’ingagi amazina, bongerewe. Ubu Meddy na Ne-yo bazafatanya na Riderman, Bruce Melody na Charly&Nina.

Riderman ari mu baraperi bamaze igihe mu kazi kandi batwaye neza

Ibi birori bizaba tariki ya 07 Nzeri mu nyubako y’imyidagaduro ya Kigali Arena iherutse gutahwa ku mugaragaro n’umukuru w’igihugu Paul Kagame.

Riderman afitanye indirimbo na Bruce Melodie bise Ikinyarwanda iri mu zikunzwe kuva mu mezi menshi ashize.

Uretse itsinda rya Charly& Nina ryohereje urihagararira muri kiriya kiganiro, abandi bahanzi (Bruce Melodie na Riderman) bari bahari.

Charly& Nina nabo bari mu bahanzi  b’igitsina gore bakunzwe mu myaka mike ishize kandi n’ubu bagikunzwe.

Bamenyekanye cyane mu Rwanda no mu karere nyuma y’indirimbo bakoranye na Big Fizzo bise Indoro.

Bombi (Riderman na Bruce Melodie) babwiye abanyamakuru ko bazaririmbana na Ne-Yo nta gihunga kuko hari abandi bahanzi bakomeye baririmbanye.

Joseph Mushyoma uyobora East Africa Promoters yateguye kiriya gitaramo, avuga ko bizeye ko kiriya gitaramo kizaryohera abanyarwanda kuko kiri guteguranwa ubuhanga.

Ngo kigomba kuzaba kiri ku rwego rwo hejuru kuko n’abo kizaba kigenewe ari abantu bari ku rwego rwo hejuru kurushaho.

Bruce Melody nawe ari mu bahanzi bakunzwe kurusha abandi mu Rwanda
Aba bakoze uwa babiri kandi biri kugenda neza kugeza ubu

Dieudonnee NSHIMIYIMANA
UMUSEKE.RW

Subiza

Your email address will not be published. Required fields are marked *