• 24/01/2020 8:17 24

Rutsiro: RIB yafashe umugabo ukekwaho gutema inka umurizo n’ibitsi

Urwego rw’Igihugu rw’Ubugenzacyaha, (RIB) ruratangaza ko rwataye muri yombi Nkinamubanzi ukekwaho gutema inka ebyiri imirizo n’ibitsi, akaba afungiye kuri station ya RIB yo mu Murenge wa Gihango mu Karere Rutsiro.

Yatemye inka ebyiri

Mu bjutumwa RIB yatambukije kuri Twitter, ivuga ko uriya mugabo yafashwe ejo hashize ku wa mbere.

Umuvugizi wa RIB ku rwego rw’igihugu, Modeste Mbabazi yabwiye Umuseke ko kiriya cyaha ugikekwaho yagikoze ku cyumweru tariki 25 Kanama, 2019 afatwa kuri uyu wa Mbere.

Yavuze ko iperereza ku cyabimuteye rigikomeje.

Umuganga w’amatungo ati: “Gutema inka umurizo bishobora kuyiviramo urupfu”

Dr Emmanuel Rubagumya uvura amatungo yabwiye Umuseke ko ubusanzwe abaganga bajya ‘bakata inka umurizo’ bagamije kuyivura, ariko ngo bahita bahagarika amaraso kugira ngo itava cyane.

Iyi ngo ni tekiniki ijya ikorwa n’abaganga ariko isaba ubumenyi n’ubwitonzi.

Dr Rubagumya ariko avuga ko iyo umugizi wa nabi atemye inka umurizo, akabikorana ubugome bishobora kuyivuramo urupfu.

Ati: “Bitewe n’aho uwo ‘mugome’ yatemye, icyo yakoresheje ayitema, igihe gicamo kugira ngo inka ivurwe, kubona amafaranga yo kwishyura Veterinaire, intera iri hagati y’aho atuye n’aho inka yatemwe irwariye n’ibindi… Ibi byose bishobora gutuma inka ipfa.”

Avuga ko ubusanzwe ubuvuzi bwose buhenda bityo ko nyiri inka yatemwe ashobora kubura ubushobozi bwo kuyivuza bwihuse bityo ikaba yahagwa.

Inka yatemye zanegekaye
Abantu bakomeje kunenga uwakoze ibi

 

Uwafashwe ngo ubu afungiye kuri station ya RIB ku murenge wa Gihango mu karere ka Rutsiro

Jean Pierre NIZEYIMANA
UMUSEKE.RW

3 Ibitekerezo

  • We se nta bitsi agira abwirwa benshi

  • Uyu ahanwe byintangarugero.

  • Icyaha cyo gutema amatungo kireze mu Rwanda kndi kirakabije.Birakwiye ko itegeko rivugururwa ababikoze bagahabwa ibihano bikwiye.Burya umuntu utinyuka gutema itungo ry’umuturanyi nukuvuga ko na we amubonye yamukoza umuhoro Ku gakanu!Birangire rwose.Biteye ubwoba.

Subiza

Your email address will not be published. Required fields are marked *