• 21/01/2020 5:24 25

REG BBC iratangira icakirana na Espoir BBC mu irushanwa ryo kwibuka

Irushanwa  rya Basketball ngarukamwaka ryo kwibuka ku nshuro ya 25 Jenoside yakorewe Abatutsi muri Mata 1994 rizatangira kuri uyu mugoroba tariki 5 Kamena kugeza tariki 8 Kamena.

Abakinnyi ba REG BBC bishimira igikombe

Tombora yabaye ku mugoroba wo kuri uyu wa kabiri yasize ikipe ya REG BBC yisanze mu itsinda rimwe akaba ari na zo ziza gukina umukino ufungura irushanwa ku isaha ya saa mbiri z’umugoroba muri Petit Stade i Remera.

Amakipe 7 ari mo atatu yo hanze mu bagabo n’amakipe 5 mu bagore ari mo abiri yo hanze niyo azakina iri rushanwa mu gihe mu bakanyujijeho amakipe 8 mu bagabo na 3 mu bagore ari yiyandikishije kuzitabira irushanwa.

Ni nyuma yuko irushanwa rihinduye uburyo ryakinwagamo (format) mu myaka yatambutse aho ryakinwaga mu byiciro bibiri, hari iryahuzaga amakipe y’imbere mu gihugu gusa ndetse irindi rigahuza amakipe yo mu Rwanda ndete nayo hanze.

Kuri iyi nshuro hazajya haba irushanwa rimwe rizajya ritumirwamo amakipe yo hanze y’igihugu ndetse amakipe azajya yasoje shampiyona mu myanya ine ya mbere hano mu Rwanda.

Uko amakipe yatomboranye

Abagabo

Itsinda A: Embarkasi P(Kenya), BC Terreur(DRC) ,Espoir BBC(Rwanda) ,REG BBC (Rwanda)
Itsinda B:APR BBC(Rwanda), Patriots BBC(Rwanda),PJB (DRC)

Abagore

APR W BBC(Rwanda),The Hoops(Rwanda), PJB (DRC),IPRC (Rwanda)Huye ,Scandinavia (DRC)

Abakanyujijeho

Abagabo: UGB V BBC , Oxgen ,Bakolo V BBC ,CSK ,Espoir V BBC,Patriots V BBC ,VCGB na APR V BBC
Abagore: RSSB ,REG na RWBT

Imikino iteganyijwe kuri uyu wa Gatatu

15h00: Embarkasi P(Ken)vs BC Terreur(DRC) (Petit stade)
15h00: Scandinavia (DRC) vs APR (RWA) (NPC,Women)
17h00: PJB (DRC),IPRC-Huye(RWA) (NPC)
17h00:APR BBC vs Patriots BBC (Petit stade)
20h00: Espoir BBC vs REG BBC (Petit stade)

REG BBC mu bagabo na APR WBBC mu bagore nibo begukanye irushanwa riheruka.

REG BBC ni yo yatwaye igikombe cyo kwibuka umwaka ushize

Yvonne IRADUKUNDA
UMUSEKE.RW

Subiza

Your email address will not be published. Required fields are marked *