• 13/12/2019 9:25 45

Rebera kuri StarTimes Serie nziza yo muri Philippines yiswe Asintado

Iyi serie ije ikurikiye indi yakunzwe cyane yiswe Wildflower na yo abakunzi ba filime nziza barebeye kuri StarTimes. Serie yiswe Asintado itambuka kuri Star Times buri wa Gatanu kugera ku Cyumweru kuva muri Mata 2019. 

Asintado

Ni Serie nziza ivuga ku ‘Rukundo no Kwihimura’.

Umuyobozi Mukuru w’ibiganiro kuri StarTimes Novela E Plus Channel, witwa Echo Zhao avuga ko iriya fimilimi y’uruhererekane (Serie) izakundwa cyane n’Abanyarwanda kuko yanditse neza kandi ikaba ikinnye neza.

Ati: “Igitekerezo cyayo ni kiza cyane, yakinwe neza kandi nizeye ko Abanyarwanda bazakunda Asintados.”

Zino filime z’uruhererekane ziswe Asintado, abakunzi bazo bakazajya bazikurikiranira kuri Channel ya StarTimes bareba umubano utangaje hagati ya Katrina na Juliana.

Asintado ivuga inkuru y’abakobwa babiri Juliana na Katrina babanaga ariko baza gutandukana nyuma y’uko urugo babagamo rwafatwaga n’inkongi, umuriro ukica ababyeyi babo.

Nubwo bavukanaga, byaje kuba ngombwa ko buri wese aba ukwe.

Juliana aho yagiye kuba yakomeje kuba Juliana wa kera, ntiyahindura imico ye n’amazina ye ariko Katrina we yarahindutse ndetse yiyita Samantha Del Mundo.

Nyuma y’imyaka runaka ibintu byaje guhunduka maze Juliana mu buryo butunguranye aza gukundana na Gael wahoze ari inshuti ya Samantha (Katrina).

Samantha yaje kugirira ishyari Juliana acura umugambi wo kuzamuhitana ariko yaribagiwe ko ari umuvandimwe we baherukana kera.

Juliana ariko ntiyaje gupfa, umugambi wa Samantha urapfuba.

Juliana yariyubatse arakomera nyuma na we acura umugambi wo kwica Samantha n’undi wese wari mu mugambi wo kumwica.

Ibaze uko byaje kurangira nyuma y’uko buri wese amenye ko undi ari umuvandimwe we? Amatsiko azamarwa no kureba iyi Serie yiswe Asintado kuri StarTimes Novela E Plus.

StarTimes iha services zo kureba Televiziyo abantu barenga miliyoni 22 muri Africa mu bihugu 30.

Aba bantu kandi bashobora kureba channels 480 zerekana ibiganiro bitandukanye harimo iby’imikino, imyidagaduro, amakuru, ibiganiro by’abana n’ibindi.

Ni filimi urimo urukundo, ishyari, kwihorera, kwiyunga, gushwana… Ntuzacikwe

UMUSEKE.RW

2 Ibitekerezo

  • ndashaka ko muzajya mwandikaho amagambo yicyongereza kugirango abatumva dushobore kumenya uko inkuru igenda plz

  • Ndqgushyigikiye rwose,usanga tuzishaka no kuri YouTube zifite sous title ntiziboneke,star times irebe uko ibigenza

Subiza

Your email address will not be published. Required fields are marked *