• 25/01/2020 7:03 59

Rda C. Fashion Show ngo ntibabonye abantu ariko ibindi byose byagenze neza

Abategura ibirori by’imurikamideri bizwi nka Rwanda Cultural Fashion Show byabaye mu mpera z’icyumweru gishize, bavuga ko bahuye n’inzitizi zo kutabona abantu ariko ko kiriya gitaramo cyagaragayemo umwihariko utandukanye n’ibyabanje.

Bagaragaje imyamboro yo hambere

Iki gitaramo cyabaye ku wa 07 Nzeri ku munsi umwe n’igitaramo cy’amateka cyahuriyemo umuhanzi w’Umunyamerika Ne-Yo na Meddy.

Abategura Cultural Fashion Show  bavuga ko iki gitaramo kititabiriwe nk’uko babikekaga gusa ngo cyagaragayemo udushya twinshi turimo ibikorwa byo gusura zimwe mu nganda z’imyenda n’inzu z’imideri zo mu Rwanda.

Ngo ibi bikorwa byabanjirije igitaramo nyirizina, basuye Uruganda rwa UTEXRWA n’inzu z’imideri nka Moshion na Touch of Rwanda.

Ntawirema Celestin uyobora Rwanda Cultural Fashion avuga ko muri biriya bikorwa bajyanaga n’abamurika imideri, abayobozi bo mu bigo bitandukanye n’abandi bose babaga babyifuza.

Ati “Ibi byose kwari ukwigisha urubyiruko n’abandi bafite inzozi zo guhanga imideri tuberaka uko izindi nganda zateye imbere mu Rwanda zibigenza.”

Banateguye ikiganiro cyagarukaga ku mideri yo muri Africa ariko yakorewe mu Rwanda. Ni ikiganiro kitabirwe n’abarenga 150 barimo abahaga imideri n’abikorera ku giti cyabo.

Ntawirema avuga ko ibikorwa bateguye byose uyu mwaka byagenze neza usibye kuba mu gitaramo nyamukuru ubwitabire bwari hasi.

Ati “Muri uyu mwaka twatumiye abahanga imideri batandukanye harimo abaturutse muri Ghana, Central Africa, Tanzania n’u Rwanda ndetse twifashishije abamurika imideri 46 bose bakaba bariyerekanye mu mideri itandukanye nk’iyerekana umuco nyarwanda n’uw’Africa muri rusange.”

Igitaramo Rwanda Cultural Fashion Show cyatangijwe mu rwego rwo gufasha abahanaga imideri bo muri Africa no mu Rwanda kumenyekanisha imideri bahanga.

Rwanda Cultural Fashion Show 2019  mu mafoto…

Robert KAYIHURA
UMUSEKE.RW

Subiza

Your email address will not be published. Required fields are marked *