• 24/01/2020 4:15 29

Queen Cha wakoranye indirimbo na Melody ati “Aho ageze nta rungu ryaharangwa”

Queen Cha yasohoye amashusho y’indirimbo ‘Twongere’ yakoranye na Bruce Melody avuga ko ari umuhanzi w’umuhanga buri wese yakwifuza ndetse ko afite umwihariko wo gusetsa ku buryo aho ari hadashobora kugera irungu.

Queen Cha ngo Bruce Melody yasetsa n’uvuye…

Twongere ni indirimbo y’urukundo ya Queen Cha na Bruce Melody, umwe aba aririmba abwira mugenzi we ko baryohewe mu rukundo rwabo bifuza ko nibasaza abato bazabigiraho.

Inyikirizo y’indirimbo bagira bati “Iyo nza kuba ibihe nari gufata isegonda rikangana n’umwaka nkafata ubuzima tubayemo ntibushire bigatuma dukundana cyane…”

Queen Cha aganira na Umuseke yavuze ko uyu mwaka yiyemeje gukorana n’abahanzi batandukanye bo mu Rwanda.

Kuba yarahisemo Melody ngo ni uko ari umwe mu bahanzi babahanga u Rwanda rufite.

Ati “Gukora na Melody ntacyantunguye kuri we ntari nsanzwe muziho gusa ni uko ari umuntu usetsa cyane aho ari nta rungu riharangwa ikindi kiza kuri we ni uko ari umuntu ukunda akazi akanakubaha.”

Bonaventure KUBWIMANA
UMUSEKE.RW

1 Igitekerezo

  • ntamuntu mwiza nka melody narumiwe muminsi 3 twamaranye nukwirirwa useka gusa

Subiza

Your email address will not be published. Required fields are marked *