• 28/01/2020 2:36 58

Producer Clement yifurije isabukuru Umugore we Knowless amwita ‘Umwamikazi’

Ishimwe Clement utunganya imiziki akaba n’umugabo wa Butera Knowless, yamwifurije isabukuru nziza y’amavuko ye, amwita umwamikazi.

Knowless Butera na Ishimwe Clement baseka igitwenge cy’urumenesha!!

Clement wanyijije ubutumwa ku rubuga nkoranyambaga rwa Instagram, yagize ati “Isabukuru y’amavuko nziza mwamikazi…”

Uyu mugabo usanzwe akora umwuga wo gutunganya umuziki, yakomeje yifuriza umugore we gukomeza gutera imbere “hamwe n’urukundo, umuhate n’impano ufite ntibigakame…”

Clement unafitanye umwana umwe w’Umukobwa na Knowless, yakomeje avuga ko bamukunda.

Kuri Instagram, abandi bantu bazwi mu Rwanda barimo abahanzi n’abanyamakuru basanzwe ari inshuti za hafiz a Knowless na bo bagiye bamwifuriza isabukuru y’amavuko.

Platin Nemeye wo mu Itsinda rya Dream Boys isanzwe inakorera muri Kina Music ya Clement, na we yifurije isabukuru mugenzi wabo Knowless.

Yagize ati “uyu munsi ni uwawe, njyewe,Or na clementishimwe turagukunda cyanee
happy birthday Queen.”

Umurerwa Evelyne usanzwe ari umunyamakuru ku kigo k’Itangazamakuru k’Igihugu (RBA) na we yashyize amafoto ya Knowless kuri Instagram arimo iyo bari gusangira ayiherekeza amagambo yo kumwifuriza isabukuru nziza.

Ati “Kuri uyu munsi udasazwe inshuti yange yavutse ufite ubwiza imbere n’inyuma bwe. Uyu mwaka ugiye kuza ukuzanire umunezero mu buryo utatekerezaga.”

Knowless na we wagize icyo avuga kuri iyi sabukuru y’amavuko ye, yagaragaje ko ibitangaza bikomeje kumubaho.

Agira ati “Ijuru rikomeje kumbera ryiza cyane kuba mu buzima bwange hiyongereyeho undi mwaka, amashimwe ku mwami no kubera ibyo yandemeye n’ubuntu bwo kuba nkiriho…”

Asoza agira ati “Isabukuru nziza kuri nge.”

Clement yifurije isabukuru umugore we

Joselyne UWIMANA
UMUSEKE.RW

1 Igitekerezo

  • les deux sont des farsseurs urugo barushize kukarubanda ibinyamakuru byose ni Butera na Gahongayire

Subiza

Your email address will not be published. Required fields are marked *