• 26/01/2020 10:13 48

Police yeretse abashoferi ingufuri ifunga imodoka ntiyibwe

Ni igikoresho bita ‘Security Baton’ umushoferi ashyira mu cyuma gihindura ibyerekezo (Volant) yarangiza agafungisha urufunguzo. Polisi y’u Rwanda ivuga ko nta mujura ushobora gutsimbura imodoka ifunze muri ubu buryo ikagira inama abatwara imodoka kugifungisha imodoka zabo mu kwirinda.

Icyuma bafungisha Volant imodoka ikaba itakwibwa
Icyuma bafungisha Volant imodoka ikaba itakwibwa

Umuvugizi wa Police y’u Rwanda mu mujyi wa Kigali CIP Marie Goretti Umutesi hamwe na mugenzi we CIP Irènee Umuhozali ushinzwe ‘Community Policing’ muri Gasabo nibo batangije ubukangurambaga mu batwara abagenzi muri taxi voiture bo muri Gasabo kugira ngo bamenye imikorere y’iki gikoresho cyo kurinda ubujura imodoka zabo

Ngo mu bashoferi 120 bitabiriye ubu bukangurambaga umwe ni we wari usanzwe azi imikorere yako.

CIP Umutesi avuga ubu ari uburyo babonye bukoresha mu binyabiziga bya United Nationas biba biri mu kazi ko kubungabunga umutekano hirya no hino ku isi kandi ngo butanga umusaruro.

Abashoferi benshi ngo ntibari basanzwe bazi ubu buryo bwo gufunga imodoka zabo ntizibwe.

Ati: “ Aka kuma kaje kunganira ubundi buryo abantu barindagamo ibinyabiziga byabo ariko ko gafite umwihariko kuko iyo gafunze imodoka ntishobora gutwarwa.”

Umushoferi ushaka kugura kariya kuma azajya yegera kimwe mu bigo bitanga serivise z’umutekano abaze ibiciro.

Mu mezi atanu ashize mu mugi wa Kigali hibwe  imodoka umunani ariko eshanu muri zo zirafashwe zisubizwa ba nyirazo.

Polisi ivuga ko n’ubwo zigaruzwa ariko ik’ingenzi ari ugukumira aho guhangana n’icyabaye.

Polisi ivuga ko iriya ngufuri ntabwo ije gusimbura ubundi buryo abashoferi barindagamo imodoka zabo.

Ushinzwe Community Policing muri Gasabo CIP Irenee Umuhozali ahugura abashoferi
Ushinzwe Community Policing muri Gasabo CIP Irenee Umuhozali ahugura abashoferi
Abenshi mu bashofori ntibazi ko aka kuma kari mu Rwanda

UM– USEKE.RW

1 Igitekerezo

  • Ariko ye!! Izi mfunguzo zari zeze mu mujyi wa Kigali muri za 1996-2000. Impamvu yatumye abacuruzi bahagarika kuzizana, ubwo nuko zitagurwaga neza. Nizere ko atari umuntu umuntu umwe uzigaruye bariya bapolisi bariho bashakira isoko.

Subiza

Your email address will not be published. Required fields are marked *