• 11/12/2019 2:22 33

Perezida wa Tuniziya yitabye Imana nyuma y’ukwezi afashwe n’indwara

Umukuru w’igihugu cya Tuniziya Beji Caid Essebsi yitabye imana kuri uyu wa kane ahagana mu saa yine za mu gitongo, nyuma y’iminsi arwaye.

Umukuru w’Igihugu cya Tuniziya Beji Caid Essebsi yitabye Imana

Perezida yajyanywe igitaraganya kwa muganga ku mugoroba wo ku wa Kane tariki 27 Kamena 2019 nyuma yo kuremba nk’uko byatangajwe n’ubuyobozi bw’igihugu butifuje kugira byinshi bubivugaho.

Ibiro by’Umukuru w’igihugu byatangaje ko Beji Caid Essebsi yitabye Imana mu gihe yari yasubijwe mu bitaro ku wa gatatu.

Saa 10h25 mu gitondo cyo kuri uyu wa kane mu Bitaro bya gisirikare mu gihugu cye cya Tuniziya niho yaguye nk’uko byatangajwe mu itangazo ry’ibiro by’Umukuru w’Igihugu.

Perezida Beji Caid Essebsi w’imyaka 92 y’amavuko ni we Mukuru w’Igihugu ukuze cyane kurusha abandi bari ku butegetsi.

Mu minsi ishize nabwo yari yajyanywe kwa muganga ndetse amakuru yavugaga ko yapfuye ariko biza kwamaganirwa kure na Leta.

Minisitiri w’Intebe wa Tuniziya, Youssef Chahed yavuze ko Umukuru w’igihugu arimo yitabwaho n’abaganga b’inzobere bo mu bitaro bya gisirikare i Tunis.

Ni butumwa yanditse mu rurimi rw’Icyarabu kuri Facebook avuga ko yamusuye mu bitaro ndetse anasaba abantu kureka gukwirakwiza ibihuha ku buzima bwe.

Beji Caid Essebsi yabaye Umukuru w’igihugu mu Majyaruguru ya Afurika nyuma yo gutsinda amatora yo mu 2014 yakurikiye inkubiri y’impinduramatwara mu bihugu by’Abarabu.

Mu ntangiriro z’uyu mwaka, yatangaje ko ataziyamamaza mu matora y’Umukuru w’igihugu muri Tuniziya mu Ugushyingo 2019, avuga ko hakwiye kujyaho abakiri bato bagakomereza aho abandi bagejeje.

Josiane UWANYIRIGIRA
UMUSEKE.RW

3 Ibitekerezo

  • Yakoze akazi kenshi,cyanecyane na president Habib Bourguiba.C’est le chemin de toute la terre (ni iwabo wa twese).Nobody can escape death.Impamvu twese turwara,tugasaza kandi tugapfa,nuko duturuka kuli DNA/ADN ya Adamu yanduye amaze gukora icyaha.

  • Iki nicyo kintera ubwoba umunsi Kagame yavuyeho bitunguranye! Ko mbona wasubiranamo nta muntu mbona washobora kunga abanyarwanda

  • Ngewe nizera ntashidikanya yuko abapfa bumviraga imana bazazuka ku munsi w’imperuka nkuko Yesu yasize avuze.Niyo mpamvu tugomba gushaka imana tukiriho.

Subiza

Your email address will not be published. Required fields are marked *