• 12/12/2019 3:06 33

Perezida Kagame ari muri Mozambique yitabiriye umuhango wo gusinya amahoro

Perezida wa Repubulika y’u Rwanda, Paul Kagame yageze muri Mozambique aho akurikirana amasezerano y’amahoro, arangiza intambara mu buryo bwa burundu hagati ya Renamo, yahoze mu ishyamba irwanya Leta nyuma igahinduka ishyaka, ritavuga rumwe na Leta iyobowe n’ishyaka Frelimo.

Perezida Kagame yakiriwe ku kibuga k’indege i Maputo

Amasezerano ategerejwe ko asinywa ku isaha ya saa kumi i Maputo, ahitwa Praça da Paz ni na yo saha y’i Kigali.

Perezida wa Mozambique, Filipe Nyusi yasabye abaturage bose b’igihugu ke gukurikirana uyu muhango ukomeye ugamije kugarura ubumwe n’Ubwiyunge.

Kuri Facebook yanditse ati “Tugomba twese gukurikirana iki gikorwa kidasanzwe mu mateka ya Demokorasi, tugaharanira gushaka kugera ku mahoro arambye, twese dukeneye.”

Abakuru b’Ibihugu barimo Paul Kagame w’u Rwanda, uwa Africa y’Epfo, uwa Zambia, Namibia, na Madagascar, ndetse na Visi Perezida wa Zimbabwe, n’umwe mu bahoze bayobora Tanzania bari i Maputo muri uyu muhango.

Perezida wa Komisiyo ya Africa yunze Ubumwe, Dr Moussa Faki Mahamat na we ari mu batumiwe muri iki gikorwa.

Umunyamabanga wa Leta muri Ministeri y’Ububanyi n’Amahanga ushinzwe ibikorwa by’Umuryango wa Africa y’Iburasirazuba, Amb.Olivier Nduhungirehe, kuri Twitter yatangaje mu masaha ya saa sita ko yaherekeje Perezida Paul Kagame muri uyu muhango.

Ku wa kane w’icyumweru gishize, Perezida wa Mozambique Filipe Nyusi n’Umuyobozi wa Mozambican National Resistance (Renamo), Ossufo Momade basinye amasezerano yo kurangiza ubushyamirane ahitwa Gorongosa, mu Ntara ya Sofala.

Kuva Mozambique ibonye ubwigenge ibuhawe na Portugal mu 1975 hakurikiyeho intambara ikomeye yatejwe na Renamo, ikaba yaramaze imyaka 16, ihitana abantu basaga miliyoni.

Ibendera ry’u Rwanda i Maputo
Yanagiranye ibiganiro n’abayobozi

UMUSEKE.RW

9 Ibitekerezo

  • Harya abazi gukurikirana uru rugendo ni urwa kangahe muri uyu mwaka?

    • Ruramaze , nawe genda ukore izawe.

    • Ahandi basinya amasezerano y’amahoro bakanayubahiriza! Nta somo twakuramo buriya ra?

  • Twe kuganira n’abo tutavuga rumwe mu bworoherane n’ubwuhane, mu nyungu z’igihugu, bitunaniza iki?

  • Ibi wenda wabona bigize icyo byungura kuri perezida wu Rwanda kuko aba barwanye imyaka irenga 4 kuko na Fred Gisa Rwigema iyi ntambara yayirwanye.

  • Mugihe iwacu abo tutavuga rumwe tubita interahamwe, inyangarwanda, abafite ingengasi…. 🤔

    • turanabica cg tukabafunga cg urusenda bahinze tukarurandura……

  • Igitekerezo
    Hahirwa abaremesha amahoro, hahirwa abaremesha ukuri,
    ntako u Rwanda Rutagize ngo abatavuga Rumwe na Rwo nka FDRL bagaruke mu gihugu,
    ndabyibuka ko kera bugeze no kubatumira hakaza abasirikare ngo barebe amahoro dufite,
    yenda bazagenda batekereza neza agaciro k’igihugu cyabo.

  • rwose president wacu H.E ntako atagirango ahuze abantu nukuri,Imana ijye imuha umugisha mwishi cyanye

Subiza

Your email address will not be published. Required fields are marked *