• 28/11/2020 12:37 53

Olusegun Obasanjo yagiye muri Ethiopia guhuza impande zishyamiranye

Umuvugizi wa Olusegun Obasanjo witwa Kenny Akinyemi avuga ko Olusegun Obasanjo wahoze ayobora Nigeria yaraye afashe indege agana Addis Ababa muri Ethiopia ariko ko atazi ikimujyanye yo. Amakuru avuga ko agiye yo guhuza impande zihanganye.

Olusegun Obasanjo yagiye muri Ethiopia

N’ubwo Akinyemi avuga ko atakwemeza ikijyanye Obasanjo muri Ethiopia, hari abanyamakuru bemeza ko agiyeyo kugira ngo abe umuhuza hagati y’ubutegetsi bwa Dr Abiy n’abatuye Intara ya Tigray bamaze iminsi barwana bicika.

Umwe mu bakora muri Minisiteri y’ububanyi n’amahanga muri Ethiopia yemeza ko Obasanjo yarangije kugera Addis Ababa.

Si Obasanjo gusa uri uvugwa gushaka guhuza ubutegetsi bwa Addis Ababa n’abarwanyi ba Tigray ahubwo na Perezida wa Uganda Yoweli Kagatu Museveni nawe arabishaka.

Olusegun Obasanjo muri 2009 yigeze kuba umuhuza mu bibazo byari hagati y’ubutegetsi bwa Joseph Kabila n’ubw’abarwanyi bamurwanyaga bari bayobowe na Laurent Nkunda.

UN yamwohereje ngo ahuze impande zombi nyuma y’ibiganiro zari zimaze igihe gito zigiranye bikabera Nairobi muri Kenya.

 The Reuters

Jean Pierre NIZEYIMANA

UMUSEKE.RW

Subiza

Your email address will not be published. Required fields are marked *