• 21/01/2020 4:32 04

Oda Paccy ngo Lick Lick babyaranye yuzuza inshingano nk’umubyeyi

Umuraperikazi Oda Paccy wabyaranye na Lick Lick usigaye uba muri Leta Zunze Ubumwe za America, avuga ko uriya mugabo utunganya umuziki, yuzuza inshingano ze nk’umubyeyi mu kwita ku mwana babyaranye.

Oda Paccy ngo Lick Lick babyaranye yuzuza inshingano nk’umubyeyi

Oda Paccy bivugwa ko asigaye akundana na Producer we Junior, yigeze kugirana umubano na Lick Lick baza no kubyarana umwana w’umukobwa.

Oda Paccy uvuga ko nta mubano wihariye afitanye na Lick Lick usigaye uba muri USA, avuga ko yubahiriza inshingano ze nk’umubyeyi.

Avuga ko umwana wabo amaze gukura ariko ko adafite gahunda yo kumukurikiza nubwo ateganya kurushinga umwaka utaha wa 2020.

Ngo nyuma y’imyaka itatu amaze gushaka umugabo, ni bwo azatangira guteganya ibyo kuba yabyara undi mwana.

Gusa ngo ntabwo aragera igihe cyo gutangaza uwo mukunzi bazashingana urugo.

Oda Paccy uherutse gusohora indirimbo yitwa Happy yanditswe ikanakorwa na Producer Junior uherutse kugira impanuka ikamuviramo gucibwa akaboko.

Uyu muraperikazi avuga ko igitekerezo k’iriya ndirimbo cyazanywe na Junior ubwo yari ari mu bitaro.

Kuva Junior yagira biriya byago, hakunze kuvugwa ko ari mu rukundo na Paccy gusa uyu muraperikazi arabihakana.

Ati “Kuvuga ngo sinkundana na Junior hari abavuga ko ndi kujijisha cyangwa bakavuga ko mbeshya gusa kuri njye mfite uko mufata nk’umuntu tubana.”

Bonaventure KUBWIMANA
UMUSEKE.RW

Subiza

Your email address will not be published. Required fields are marked *