• 13/12/2019 11:28 13

Obasanjo yashinjwe gukwirakwiza amatwara akaze ya Islam

Alhaji Hassan Ardo uhagarariye Nigeria muri Repubulika ya Trinidad and Tobago yashinje uwahoze ayoboye Nigeria, Olusegun Obasanjo ko ari we watumye Nigeria igendera ku matwara akaze ya Islam ubwo yemeraga ko igihugu kijya mu rugaga rw’ibihugu byemera Islam nk’idini rya Leta (Organisation of Islamic Countries, OIC).

Obasanjo ngo niwe wabaye nyirabayazana w’ubuhezanguni muri Nigeria

Ardo yavuze ibi asubiza ibyari byatangajwe na Obasanjo ko guhindura Nigeria igihugu kigendera ku matwara ya Islam byari  muri gahunda y’akazi za Muhamadu Buhari uyobora Nigeria muri iki gihe.

Yavuze ko umusingi w’ibi byose washinzwe ubwo Obasanjo yari ayoboye Nigeria, akibaza uburyo Obasanjo yahindukira agashinja uwo ari we wese ibyo we ubwe yikoreye ari Perezida.

Ambasaderi Alhaji Hassan Ardo yavuze ko ku butegetsi bwa Obasanjo, Nigeria yinjiye mu muryango w’ibihugu byaba Islam (OIC), ari nabwo Leta zimwe na zimwe zigize Nigeria zatangiye gukoresha amategeko ya ‘sharia’ kandi Obasanjo akabyemera.

Ati: “Nasomye ibyo uwahoze ari Perezida Olusegun Obasanjo yavuze ngo Muhammadu Buhari afite muri gahunda ye guhindura Nigeria igihugu cy’amatwara akaze ya Islam ndaseka.”

Yavuze ko kwibagirwa ko Obasanjo ari we winjije Nigeria muri uriya muryango w’ibuhugu bigendera ku mahame ya Islam byaba ari ukwibagirwa vuba.

Alhaji-Hassan-Jika-Ardo ahagarariye Nigeria mu birwa bya Trinidad and Tobago. Ibirwa bya Trinidad and Tobago bituranye na Venezuela.

Gen. Dr. Olusegun Obasanjo yabaye Perezida wa Nigeria hagati ya 1999 na 2007.

Ibirwa bya Trinidad ana Tobago bituranye na Venezuela.

Daily Post
UMUSEKE.RW

5 Ibitekerezo

  • Ntabwo NIGERIA ituwe n’abantu barenga 190 millions ikwiye kujya mu bihugu by’Abaslamu,kubera ko 52% ari ABAKRISTU.Nicyo gihugu muli Afrika gituwe n’Abakristu benshi kurusha ibindi (99 millions).Ikibabaje nuko kenshi Abaslamu baho bica Abakristu,bikitwa ko barimo “gukorera Imana”!! Ngo iyo wishe “Umukafiri” (umuntu utari umuslamu) uba ukoreye Imana.Mu bihugu byinshi by’Abaslamu,habayo Intagondwa z’Abaslamu bica abantu bakabyita JIHAD (Intambara ntagatifu).Usanga mu bihugu by’Abaslamu hahora intambara,akenshi ari Abaslamu barwana n’abandi Baslamu: Syria,Egypt,Libya,Somalia,Irak,Afghanistan,Yemen,etc…
    Ariko nkuko History ibyerekana,na Muhamadi washinze Islam yari umurwanyi.Muribuka igitero yagabye I Macca avuye I Madina,aho yavukiye.Babyise Hegira.Nkuko Yesu yavuze,umuntu ukorera Imana nyawe arangwa nuko yimakaza amahoro,ndetse agakunda abanzi be nkuko Matayo 5 umurongo wa 44 havuga.Yesu yavuze kandi ko abantu bose barwana bazicwa ku munsi wa nyuma nkuko Matayo 26 umurongo wa 52 havuga.

  • Nange numiwe kbsa abantu batuye Nigeria barenga 50% ni abakristo mugihe abasilamu ari 45% gusa nigute kiba ighugu gishingiye ku idini cg barashaka kumwikiza ko afite Popularity muri Nigeria kurusha Buhari. Africa ntakigenda cyayo gusebya no gufunga uwahoze ayobora igihugu ni ugutesha agaciro legacy ya institution zabo.

  • Banza usobanukirwe nibyimiryango
    Rwanda ili mubihugu byakoronijwe nabongereza
    Uganda ili mubihugu bya Kisilamu sindumva hali abakristu babyinubiye.
    Naho ibyabayislam guhora muntambara urabaze abashenye Libiya Irak etc
    Urabaze abakoze genocide yabayahudi niyabatutsi niba bali abakristu cg abayislam
    Nigeria yifitiye ibibazo byabategetsi bamunzwe na ruswa bahora mumatiku namarozi
    Harya Boko haram, Al shabab, abarwana muli Libiya ninde ubaha intwaro?
    burya ngo imbunda ntiyica umuntu numuntu wicisha imbunda umuntu
    Ntadini nzi libiba inzangano abantu nibo babiba inzangano bitwsje amadini

    • Ndasubiza wowe Demwiza.Yaba Umukristu cyangwa Umuslamu wicana,bombi ni abicanyi.
      Imana izabahanisha “Kurimbuka burundu”.Nukuvuga gupfa utazongera kubaho.Ariko nkuko Yesu yavuze muli Yohana 6:40,abumvira Imana bose azabazura ku munsi wa nyuma,abahe ubuzima bw’iteka.It is a matter of time.

  • Wowe MAZINA ujye uvuga ibyo uzi cyangwa wicecekere! Uhuza Islam nk’idini ute n’imitwe yiyitirira Islam?! Abakwigishije bakubwiye ko Intambara yiswe iy’abanyamisaraba(la guerre des croisés) yari iyobewe ni abaislam?!Cyangwa ntabwo uzi ko abo banyamisaraba bari bagamije kumara abaislamu bari abakristu uvugira(n,ubwo batabishoboye)no gufata yeruzalemu.Nusoma iyi msg uzasubize wikosora!

Subiza

Your email address will not be published. Required fields are marked *