• 08/12/2019 10:24 08

Nyirabahutu Daphrose wari uzwi nk’umukecuru wa Perezida yitabye Imana

Nyirabahutu Daphrose wari uzwi nk’umukecuru wa Perezida wamenyekanye kubera indirimbo ze zirata ubutwari bw’inkotanyi yitabye Imana mu Bitaro bya CHUB.

 

Ubwo Perezida Kagame yiyamamarizaga mu Karere ka Nyaruguru muri 2017, uyu mukecuru barasuhuzanyije

Uyu mukecuru yari azwi cyane ko iyo Perezida Kagame yasuraga Akarere ka Nyaruguru yakundaga guhabwa umwanya ari kumwe n’itorero ribyina akaririmba indirimbo zanyuraga benshi.

Umuyobozi w’Akarere ka Nyaruguru Habitegeko Francois yabwiye Umuseke ko urupfu rw’uyu mukecuru rwabashenguye bikomeye, aho avuga ko ari igihombo ku Karere ka Nyaruguru, Igihugu ndetse n’abantu muri rusange, bitewe n’ubuhanga yari afite ndetse n’ubutumwa yacishaga mu ndirimbo ze.

Yagize ati “Nta n’ubwo ari igihimbo ku karere gusa, ni igihombo ku Gihugu, ni igihombo ku muryango w’abantu.  Ni igihombo gikomeye cyane kuko uriya mukecuru mu butumwa bwe yacishaga mu buhanzi, abantu benshi bwabafashaga. Yari umukecuru w’umuhanga pe! Turahombye bikomeye cyane.”

Avuga kandi ko nyakwigendera yari amaze arwariye muri CHUB, aho abaganga bagerageje ibishoboka byose ariko bikanga.

Nyirabahutu yari atuye mu Kagari ka Raranzige, Umurenge wa Rusenge mu Karere ka Nyaruguru.

Muri 2014, Nyirabahutu yaganiriye na Kigali Today avuga ko ubusanzwe yakundaga Perezida Kagame ataramwibonera n’amaso ye, ku buryo ngo yajyaga anamuririmba mu mbyino kubera ko ari umuririmbyi mu itorero ry’abakecuru ryitoreza mu Murenge wa Rusenge.

Nyirabahutu Daphrose yari azi kuririmba bitangaje

Reba amashusho yamenyekanyemo

Jean-Claude NDAYISHIMYE

UMUSEKE.RW

4 Ibitekerezo

  • Imana imwakire mubayo tubuze umuntu wagaciro ku rwanda .

  • Uyu mukecuru yali umuhanga, Imana imwakire. Ese nta bana bamukurikije?
    Yaba ali inzu y’ibitabo ihiye

  • Uyu ni Nyirabahutu mwene Utumabahutu.

  • Yoooo, RIP

Subiza

Your email address will not be published. Required fields are marked *