• 26/01/2020 1:01 55

Nyarugenge: Umukongomani akurikiranyweho kwiba Umunyarwanda $6000

Kuri  uyu wa Kabiri nibwo umugabo w’imyaka 27 ukomoka muri Repubulika ya Demukarasi ya Kongo yafatiwe i Kigali nyuma y’uko ngo yari yibye $6000 Umunyarwanda yakoreraga akazi ko mu rugo mu Murenge wa Nyarugenge, akagari ka Kiyovu.

Uriya mugabo ngo yari yibye $6000

Uvugwaho ubujura hakekwa ko yaba yaratwaye ayo madolari agahita ajya i Goma muri DR.Congo, akayabitsa umuvandimwe we yasanzeyo.

Uriya mugabo ukekwaho kwiba ariya mafaranga afungiye kuri RIB ya Gikondo mu gihe hakorwa iperereza.

Umuvugizi wa RIB, Mbabazi Modeste avuga ko yafashwe ku wa kabiri akaba yitwa Bisimwa Pascal w’imyaka 27.

Ati “Yafatiwe mu Karere ka Nyarugenge, akekwaho kwiba uwo yakoreraga akazi ko mu rugo.”

Uvuga ko yibwe amadolari ni Ntidendereza William wo mu Karere ka Kicukiro, yibwe tariki 16/3/2019, ni nabwo uwo akeka ko yamwibye yavuye iwe atorotse.

Mbabazi Modeste ati “Nta mafaranga na make yafatanywe ariko iperereza rirakomeje.”

Jean Pierre NIZEYIMANA
UMUSEKE.RW

5 Ibitekerezo

  • Abantu biba bashaka gukira batavunitse.Benshi bakize kubera gukora amanyanga.Kuba imana itubuza kwiba,ntacyo bibabwiye.Ikibabaje nuko niyo ukize,ugeraho ukabisiga,ugapfa,nyamara warahemutse.Tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye “gushaka mbere na mbere ubwami bw’imana” nkuko Matayo 6,umurongo wa 33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6,umurongo wa 40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu byisi gusa.

  • Ariko abantu bajijutse nka Ntidendereza babika amafaranga angana gutyo mu rugo bate kweli? Niba abakozi bo mu rugo birirwa bigaragura mu byumba byanyu kandi ntimukarushye RIB ngo babibye!

  • ni ikibazo peee!

  • Muvandimwe.
    Ntawumenya igihe ibyago bizira. Ayo mafaranga ntiyari abitse mu rugo,yaramaze umunsi umwe gusa nyazanye ngo nyaguremo icyo nari nayageneye .

  • Wowe uvuga ngo ni gute umuntu abika ama fr angana kuriya mu rugo, mbere ya byise banza umenye impamvu yari yayajyane iwe nyine, wenda yari afite urugendo,….

Subiza

Your email address will not be published. Required fields are marked *