• 13/12/2019 8:25 28

Nyamagabe: Abahinzi ba kawa borojwe inka 24

Abahinzi bibumbiye mu ma Koperative ya Kawa mu murenge wa Kamegeri mu karere ka Nyamagabe borojwe inka 24 na Kompanyi ya ‘Buf Coffee’ igura Ikawa ikanayohereza hanze.

Ngo zigiye gufasha abahinzi kunoza ubuhinzi n'imirire.
Ngo zigiye gufasha abahinzi kunoza ubuhinzi n’imirire.

Umuhinzi wa kawa Umuvandimwe Christine avuga ko inka yahawe igiye kumufasha kongera umusaruro, kandi ngo izanamufasha kuboneza imirire. Ati “Ubu sinshobora kurwaza bwaki kandi mbonye inka (izamuha amata), no kubona ubwisungane mu kwivuza bigiye kunyorohera.

Umuyobozi wa Buf Coffee-Rwanda Mukashyaka Epiphanie avuga ko izi nka bazitanga mu rwego rwo gushimira abahinzi ba kawa bibumbiye mu ma koperative mu rwego rwo kubafasha kongera umusaruro n’ubwiza bwa Kawa abahinzi batanga mu ruganda.

Ati “UIzi nka zigiye gufasha umuryango guhangana n’ibibazo by’imirire mibi nko kugwingira, kurwara bwaki n’ibindi kandi ifumbire zizajya zitanga izafasha imirima yabo gutanga umusaruro.”

Umunyamabanga nshingwabikorwa w’umurenge wa Kamegeri  HAGENIMANA Pacifique we yasabye abaturage bahawe inka kuzifata neza no kutazigurisha.

Ati “Izi nka aba baturage bahawe ni umugisha n’iterambere mu miryango iwabo, ntabwo rero bakwiye kuzigurisha nk’uko byagiye bigaragara hamwe na hamwe.”

Buf Coffee imaze gutanga inka zigera kuri 74 muri gahunda y’imyaka itanu (5) yiyemeje yo koroza abahinzi ba kawa mu rwego rwo kongera umusaruro wa kawa.

Ba hawe na bimwe mu bikoresho by'ingenzi mu bworozi bw'inka birimo imyunyu, imiti n'amapombo yo kuzitera imiti.
Ba hawe na bimwe mu bikoresho by’ingenzi mu bworozi bw’inka birimo imyunyu, imiti n’amapombo yo kuzitera imiti.
Abahinzi ba Kawa bazihawe ngo zigiye kubahindurira imibereho.
Abahinzi ba Kawa bazihawe ngo zigiye kubahindurira imibereho.
Abaturage bahawe inka z'imbyeyi.
Abaturage bahawe inka z’imbyeyi.

Christine Ndacyayisenga
UM– USEKE.RW

Subiza

Your email address will not be published. Required fields are marked *