• 20/01/2020 1:52 04

Nyagatare: Ivatiri yishe abantu bane barimo umwana w’imyaka 15

Mu masaha ya mu gitondo kuri uyu wa Gatandatu ivatiri yagongeye umuntu umwe ahitwa Ryabega mu murenge wa Nyagatare iramwica ikomeza igana mu murenge wa Rwimiyaga naho ihagongera abandi batatu barapfa.

Iriya modoka ngo yabagongeye mu mirenge ibiri ariyo Nyagatare na Rwimiyaga

Umushoferi wayo yakomeretse ndetse n’undi mugenzi nawe arakomereka, ubu bakaba bajyanywe mu bitaro bikuru bya Nyagatare.

Umuyobozi w’Akarere ka Nyagatare Claudian David Mushabe yabwiye Umuseke ko iriya mpanuka yatewe n’umuvuduko mwinshi kuko ngo uwari uyitwaye nta kimenyetso cy’uko yari yanyoye inzoga bamusanzeho.

Avuga ko uko bigaragara uriya mushoferi yabonye agongeye umuntu Ryabega akiruka kugira ngo acike Polisi, bikaza gutuma agonga n’abandi muri Rwimiyaga.

Mushabe yasabye abashoferi bagenda muri Nyagatare kujya bagabanya umuvuduko, ntibashukwe n’imirambi y’aho hamwe n’imihanda ikoze neza ngo barukanke cyane.

Ati: “ Inama naha abashoferi ni ukwirinda kwiruka cyane kuko inaha hararambuye ariko imihanda yacu ituranye n’udusanteri bityo abashoferi bashobora kugonga abantu kubera umuvuduko. Bawirinde ni mubi.”

Ngo mu bishwe n’iriya mpanuka harimo umwana w’imyaka 15, abandi bo ni abantu bakuru.

Hari amakuru avuga ko hari indi mpanuka iherutse kubera mu bice biri mu murenge wa Nyagatare n’uwa Karangazi ahitwa Ryabega.

Umuyobozi w’Akarere ka Nyagatare Mushabe David Claudian yabwiye Umuseke ko nyirabayazana w’iriya mpanuka ari umuvuduko

Jean Pierre NIZEYIMANA

UMUSEKE.RW

6 Ibitekerezo

  • Umuntu wafashe irushanwa ry’amagare rigafunga imihanda ku.munsi abanyeshuri bagomba gutangiraho, bakaba baheze muri za gare, ni nde koko?

    • Imodoka na Moto byica abantu benshi buri mwaka.Urebye abantu bari mu bitaro kubera accidents zo mu muhanda,usanga biteye ubwoba. Ariko nk’abakristu,tujye twemera tudashidikanya ko abantu bose bapfa bumviraga Imana,ntibibere mu byisi gusa,ahubwo bagashaka n’Imana bakiriho nkuko Yesu yadusabye,azabazura ku munsi wa nyuma akabaha ubuzima bw’iteka muli Paradizo.Ni Yesu ubwe wabivuze muli Yohana 6,umurongo wa 40.Muli Matayo 6 umurongo wa 33,Yesu yasize adusabye “gushaka mbere na mbere ubwami bw’Imana”.Aho kutabyemera cyangwa gushidikanya,dukore kugirango tubeho,tubifatanye no gushaka Imana kugirango izatuzure kuli uwo munsi utari kure.Ntabwo iyo dupfuye tuba twitabye Imana nkuko benshi bavuga.Siko bible ivuga.Ahubwo abumvira Imana izabazura kuli uwo munsi.Abakora ibyo Imana itubuza,kimwe n’abibera mu byisi gusa,Bible yerekana ko batazazuka. Iyo bapfuye biba birangiye batazongera kubaho.

  • Muvandimwe wakoze iyi nkuru wakoze ariko ujye uzirikana kwirinda amakosa y’imyandikire .

  • Burya uziko abantu bazashira mu mvuga ngo umushoferi yarafite umuvunduko kubera umuhanda myiza naho yabagoze abishaka kuko azicyo agabiriye wenda arababimutumye ngo akore akazi hahaha

  • Iburayi na amerika abo nibo bita abagizi banabi mwe niba mutabizi mukabyita ngo yataye umuhanda cyangwa ngo yasinze

  • Kumiro ibyo uvuze biteye ubwoba koko tekereza minisiteri y’uburezi itanze gahunda yuko abanyeshuri bazasubira mu mashuri ariko kuri uwo munsi abamagare ngo abanyeshuri ntacyo bavuze hatangiye amasiganwa abana babura inzira pepepe abashinzwe umutekano wo mumuhanda nta gahunda yitangira ryamashuri yarizi koko. Ok itangizwa rya mashuri ni itangira ryamashuri gahunda yigihugu ni iyihe??

Subiza

Your email address will not be published. Required fields are marked *