• 08/12/2019 10:43 45

Nyabihu: 16 bafunzwe baregwa gutema bikomeye inka 11

Abantu 16 bakurikiranyweho gutema inka z’umuturage ziba ahegreye ishyamba rya Gishwati mu mudugudu wa Gakamba akagari ka Mulinga ku mpamvu zitaramenyekana. Umwe mu babonye izi nka avuga ko icyenda (9) muri zo zatemwe bikomeye ku buryo zishobora gupfa.

Bagiye bazitema cyane yane amagoro
Bagiye bazitema cyane yane amagoro

Kugeza ubu nta mpamvu iramenyekana yateye abantu gutema izi nka muri ubu buryo.

Umuyobozi w’Akarere ka Nyabihu Antoinette Mukandayisenga yabwiye Umuseke ko ibi byabaye mu ijoro ryo kuri iki Cyumweru aho batemye inka 11 z’uwitwa Ndabarinze Kabera bazisanze mu gikumba cyazo.

Mukandayisenga avuga ko Ndabarinze yari yasize inka ze muri icyo gikumba kiri muri Gishwati arataha ariko mu gitondo cya none agarutse kureba uko zaramutse asanga zatemaguwe bikomeye.

Amafoto y’izo nka yerekana ko zatemwe cyane, umwe mu bazibonye yabwiye Umuseke ko icyenda (9) muri zo zishobora gupfa kubera uburyo zatemwe.

Mu myaka ishize mu bihe byegereza cyangwa byo kwibuka Jenoside yakorewe Abatutsi hagiye haba ibikorwa nk’ibi byo gutema inka z’abarokotse, hamwe na hamwe bagasanga bifitanye isano n’ingengabitekerezo ya Jenoside.

Umuyobozi w’Akarere avuga ko Ndabarinze ari umwe mu barokotse Jenoside yakorewe Abatutsi ariko kugeza ubu atakwemeza cyangwa ngo ahakane niba ibyakorewe inka ze bifite aho bihuriye n’ingengabitekerezo ya Jenoside.

Ati “Ntiharamenyekana impamvu yateye abantu gutema izi nka. Byose biracyari mu iperereza.

Ubuyobozi bw’ibanze, Police n’ingabo bahise bakoresha inama abaturage b’aka gace kubera ibi byabaye. Naho aba 16 bakekwaho uruhare mu gutema izi nka bafungiye kuri station ya Police ya Jomba.

Batemye inka 11 z'umuturage aje kuzireba mu gitondo asanga ziri hasi
Batemye inka 11 z’umuturage aje kuzireba mu gitondo asanga ziri hasi
Icyenda muri izi nka ngo zishobora gupfa
Icyenda muri izi nka ngo zishobora gupfa

UM– USEKE.RW

34 Ibitekerezo

  • Aba nibo baba bakwiye kuraswa.

    • Aho ndi kumwe nawe pe! Bene ubu bugome burarenze.

  • Ariko ibi twabyita iki koko!? Umurengwe n’ubugome nk’ubu biba bikwiye guhanwa by’intangarugero.

  • Buriya nubugome bukabije pe babihanirwe bibere abandi batekereza batyo urugero.

  • Ibi bintu ko ari amahano ra? Mu minsi yashize mwarabyinaga ngo barashe abajura ndababwira nti kwica umujura sicyo gisubizo kuko abanyabyaha ari benshi muri kino gihugu, ubarashe bose nta muntu numwe, ndongeye mbisubiyemo nta numwe wasigara. Ibi bintu bizakurikiranwe neza, nta mpamvu yo kujya duhora tubyita ingengabitekerezo kuko muri kariya karere hajyiye kaberamo urugomo rwinshi, ugasanga abafite amatungo bayahuye mu myaka y’abahinzi, baregwa ugasanga ntawubihaye agaciro nkaho abahinzi babereyeho guhingira inka zabo borozi. Hari igihe abonesherezwa bafata icyemezo kigayitse kandi cya kinyamaswa cyo kwihorera ku matungo kuko baba batabashije kubona ubutabera. Byose bijye bikurikiranwa, ejo utazasanga tubona ingengabitekerezo ya genocide mu rugomo rusanzwe. Gusa yaba ari ingengabitekerezo yabibateye, yaba ari ukwihorera urugomo bakorerwa nta mpamvu yo gutema inka gutya, ababikoze bashakishwe neza bashyikirizwe ubutabera bahanwe.

  • Umuntu ukora ibi koko yumva atekereza iki? ariko koko kuba umututsi cg umuhutu byagakwiye kuba icyaha?uzarebe iyo habaye umupira,amateraniro,uruzinduko rw’abayobozi bakuru b’igihugu ko mbona twese dusangiye ibyishimo ubu bugome buva hehe? uru Rwanda tugomba kurubanamo kuko ni urwacu .uyu wakoze ibi ubu king koko yumva akwiriye ijuru koko? mu 1994 abantu benshi bishe abantu ndetse abenshi baridegembya kuko nta wababonye ariko njye namaze gusobanukirwa ko uwamennye amaraso wese azabihanirwa ,hari abantu barara badasinziriye kubera ibyo bakoze bibarya mu mutima,hari abatari biyumvisha ko bakosheje bakibwira ko bishe umwanzi nyamara bishe umuntu amaraso abariho

    njye ndasaba ko aba bantu bakurikiranwa ubutabera bugatangwa

    Ntegereje izuka ry’abapfuye n’ubugingo buzaza .

  • Noneho nta mututsi ugira ingengabitekerezo cyagwa wakorera biririya uwundi mututsi. Ariko sha ibi byo kwibasira ubwoko bumwe ngo bufite ingengasi bizatsa umuriro niyo hamara imyaka 30.

    • Usibye n’inka, n’umwana baramwahuranya bakamwasa umupanga. Inkomoko y’ubu bugome turayizi neza ndetse n’uko yigishijwe turabizi.

      • Wowe wiyise Jacques ndumva ntaho utaniye nabongabo uvuga.Abantu nkamwe ntimukwiriye kuba mu Rwanda muri 2019.Umuntu wese utekerezako abahutu aribo bagome abatutsi iri ba bikiramariya/ Ba malayika uwo rwose imana izaturindeko abamu Rwanda mu myaka irimbere.

  • Ibi subugome si ubunyamaswa kurinjye byita ubujiji ignorance ,burya, kwiga ,cg gukura doesn’t cancel ignorance so, mugihe cyose ukora ikintu kidaguha inyungu nubujiji , mugihe umuntu adashobora kumenya human nature niyo mpamvu mubona abantu bize nabo bakoze genocide igisubizo nikimwe, byatewe na ignorance

  • ubwo se izo mbwa bazubitsemo iki? bazirashe ariko bakazirasana niki cyohe kitwa nzara aho kubona icyaha nubugome cyakoranywe we arabona amoko.

  • Amanda nubunyamaswa burenze ubwintare yinkazi gusa Imana izabaza abantu byinshi naho ibyo kuba zaba izumututsi cg umuhutu sicyo kibazo.gusa ugira inka kuriya numuntu yamwica abazi gusenga rero musengere inyamaswa bantu zisigaye mu rwanda.ngewe sinjya niyumvisha jumutima wuriya muntu uko uba umeze Gukubita umutu ataka ukongera ugasubizamo mpaka apfuye ninka ntiyabura kuyigira kuriya vraiment

  • Abakoze ibi ubu si bamwe bahora bashaka gushyushya imitwe y’abanyarwanda iyo twegereje ukwezi kwa 4 cgangwa tukurimo, ndavuga babandi batinyako abanyarwanda babana neza kuko hari inyungu zabo zatangira kubangamirwa abanyarwanda bishyize hamwe? Iyi operation abayikoze mwese ndababwiyengo shame on you nubwo nziko nta soni mugira mutajya mutinya no kwica inzirakarengane kugirango mukomeze inyungu zanyu.

  • Niwowe waraswa abandi twasigara

  • Iyo mbonye mwene nkibi numva ngize ikimwaro cyo kuba naravukiye mu Rwanda! Basi iyo nibera nk’umunyamerika

  • ababo nabagome noneho pe .kugira inka kuriya kweli eeee. ariko se uwomusazawe usiga imali ye muishyamba akajya kuryama we ubwengebwe nubuhe yabuze numushumba wamake koko atari babasaza bagira ubugugu.

    • Kabisa nange njya nibaza impavu ntasanze ndiwo muri Vanuatu cyangwa cape Verde mbese ahantu ntahurira nibiyaga bigari

  • Inka ntaho zihuriye n’amoko yabaye umuze mu bwonko bwanyu ! Watugereranyiriza kuragira inka mu myaka y’umuntu yahizne iigye kwera no gutema inka zumuntu yoroye zikamwa, ukatubwira ikirusha ikindi ububi cyane cyane ko byombi biba ari ibikorwa bya muntu yakoze ngo bimutunge ?!

  • Ibi ni ukubyitondera kandi abantu twagombye kwirinda kubihuza n’amoko kuko ntaho bihuriye.

    Abantu bifitemo urugomo muri iyi minsi. Niba ari ibiyobyabwenge bafata, niba ari ubugoryi bisanganiwe, niba ari umuvumo. Sinzi gusa ntaho bihuriye n’amoko.

    Abanyarwanda turi umwe. Tubyemera tutabyemera turi bamwe, nge simbona n’aho amoko ashingira adutandukanya kuko turasa tubayeho kimwe, tuvuga ururimi rumwe.

    Bashakishe aba bagome maze babafunge burundu kuko bene ibi birenze urugome. Ni ukwica urubozo amatungo y’undi muntu

    Ariko abanyarwanda tuzavurwa nande koko Mana y’i Rwanda ko mbona duhinduka babi burimunsi.

    Uyu rero kumurasa ni ngombwa ariko bakamurasa amapumbu k’uburyo abanza akababara nk’izi nka.

    Arakabura inka uwo muvunamuheto

  • None se ko mbona uta ibitabapfu ngo uravuze, ibyo byose uvuze hari aho wabisomye mu nkuru?
    Ese ubwo bwoko bumwe bibasiriye, uhise umenya abafunzwe cg nikwakundi bajugunya umujugujugu mu mbwa, ibwejuye bakaba bayihamije?
    Umuntu wese wakoze ibi hatitawe kucyo aricyo azabiryozwa kandi nubwo abantu batabimuhora Imana ntazayicika. Ariko nkumuntu ukora Ibi aba yaraguze urupfu kuburyo aba yumva azarama? Ese kuva hano ku isi wanduranyije byaba bikumariye iki?
    Dukwiye kumenya ko nta myaka 100 tugira hano ku isi.

  • Mbega amahano, mbega ubunyamanswa? Gusa kubijyanye nicyabiteye tujye tubiharira inzego ziperereza kuko ibyaha bituruka henshi. Urugero ishobora kuba ingengabitekezo, ishyari, bitabujijeko nawe yazitemera (ashobora kubiterwa no gushaka guprofita ubwishingizi, gushyirishamo mugenzi we uburwayi bwo mumutwe…)

  • Hari n’abqgirira nabi abacitse kw’icumu bafite imigambi ya POLITIKI ntaho bihuriye n’urwango ku batutsi, nubwo nabyo umuntu atabyemeza 100%.

    Hari abantu bumva bahora bavusha inkovu amaraso bashaka ko byitirirwa abafite ingengabitecyerezo ya genocide. Nyamara ubanza ababa bayifite yabagize imbata ari abazindukira gutema amatungo ngo barashaka kwenyegeza akababaro k’abacitse kw’icumu. Abo nabo twarabavumbuye muri societe nyarwanda. Icyagombye gukorwa ni ukubashyira kukarubanda.

  • Mbega mwebwe, Inka y’umuturanyi Ni umugisha w’aho atuye, nyamara ababyemera binyuranyijwe n’ibyo nta but muntu bafite. Utema Inka ikamirwa n’abo utazi kweli!! Amata ko atagira umupaka, Inka ntigire umutima mubi uyihoye iki? Wowe n’umutimanama nama wawe mufite icyo mwumvikanaho, ni kibi pe mukicuze Kandi muzaryozwe ibyo mwakoze…

  • abakora ibi baba bafite icyo bagamije mbona nta ho bihurira n,ingengabitekerezo ya jonocide. ahubwo ibi ni ubundi buryo bwo guteza umutekano muke mu gihugu.
    guhahamura abantu ngo bakuke umutima.

    • @ SIBOTANI
      Abanyarwaanda bazi ubwenge erega , ese ko ibo bitajya biba kuli Noheli cg kubunani !!? Uvula ukuli kuko ukora ibi abafite impamvu kandi numugome pe !!!
      Uyu ubugome numutima mubi we abash aka kubibiba mubantu !!! kandi abantu 16 ntibahulira kumugambi umwe wubugome nkubu ngo bizerane ko ntawe uzabavamo.

      Ikigikorwa kiratandukanya abanyartwanda , abakora iperereza bashishze , kuwaba afite inyungu nyinshi muli ubu bugome !!!MULI IKI GIHE CYO TWIBUKA ABACU BAZIZE AKAMAMA !!!!

  • The only judge is Allah.

  • @umuseke.com ndasaba ko aya mafoto yakurwa kurubuga kuko agaragara ibintu bishobora guhungabanya abantu.

  • Sinibwiraga ko ubugome nkubu bukibaho muri uru Rwanda! Gusa mbuze icyo mvuga mfatwa n’ikiniga, ese abantu niyo twagira ibyo dupfa, izi mbyeyi zirazira iki mwa Bantu mwe? Gutema imbyeyi koko? Aba bagaragu ba satani bo kabura inka icyampa bakamenyekana! Hatitawe Ku mpamvu iyariyo yose yabibateye bakaraswa cg nabo bagatemwa amaguru bo kabura amajyo!

  • Usibye ninka nabantu mwarabatemye kandi imihoro mwatemeshaga abantu niyo mwabagishaga inka zabo bivuze ngo mwariye abantu sibyo?njye rwose ntibintunguye kuko nibitaribi muzabikora nuko mugitinya Kagame na FPR.

  • Nanjye pe.ubunyarwanda bwanjye bujya buntera ipfunwe atari uko nanga u Rwanda ahubwo ibihakorerwa.nta handi biba abantu barumiwe.Innovation twarayibuze mu bindi gusa mu bugome tuyibitseho

  • Utema inka wese asumbwa ubwenge nayo.

  • Abashinzwe iperereza bakwiye kwinjirana ubushishozi buhagije muri iki kibazo, kuko gishobora kuba gihishe bimwe mu byo abantu batakekaga.

  • sinzi umugani bajyabaca ngo aho umwami yahaye amata niba byaragenzegute ntacyo iyi reta idakora ngo ibagire abantu ariko ubugome bwabo ntibushira nonese abatemye inzirakarengane harahobagiye

  • Arko abanyarwanda tuzi guca’imanza peeee!njye mba ntangajwe na zimwe muri comments ziri kuriy nkuru!ubu kko u Rwanda ruragana he??Aaaah Nzabandora,gusa I Mana ijye ihindura imitima yabanyarwanda banga abandi babahora ibidafite shinge na rugero pee.nta kindi mbifurije!naho abakoze biriya byo nubugome ndenga kamer,gusa aho kwihutira gushinja bamwe,byakabay byiza tumenye impamvu yabyo!Murakoze

Subiza

Your email address will not be published. Required fields are marked *