• 15/12/2019 10:37 59

Numiwe mbonye ‘Umupolisi ategeka’ umuturage gukura umwuka mu mapine y’igare rye

Ndi umuturage wavuga i Nyamirambo ngana mu Mujyi ariko nciye Nyabugogo ahagana saa tatu za mu gitondo kuri uyu wa kane tariki 1 Kanama. Nageze Nyabugogo ahitwa ku Mashyirahamwe mbona Umupolisi ufite udukoni dutatu ku kaboko k’iburyo arunamye akura umwuka mu ipine y’imbere y’igare ry’umuturage.

Nabanje guhagarara ngira ngo ndebe icyaba kibiteye, ako kanya mbona wa Mupolisi atagetse uwo muturage wagaragaraga nk’uje kwihahira muri Nyabugogo gukuramo umwuka no mu ipine y’inyuma, ndatangara!

Byambabaje. Polisi y’u Rwanda tuzi neza ko iri mu zishimirwa imyitwarire myiza, umwe mu bantu bayo ni we ukora ibyo?

Haba mu Rwanda no mu mahanga, Polisi yacu ijya kugarura amahoro, ishimirwa ubwitange n’ubunyamwuga yerekena ariko ibyo uriya Mupolisi yakoze akwiye kubibazwa, cyangwa akigishwa kubaha umuntu by’umwihariko kubaha Umuturage w’u Rwanda.

Jyewe nk’Umuturage nabonye bidasanzwe mpitamo kubyamagana, negereye umuturage wari utwaye igare ngo mubaze igitumye Umupolisi amukujemo umwuka akanatwara ipepeti zinjirizwamo umwuka, ariko umuturage mbona afite ubwoba byinshi aho kunyegera arampunga, nange ndigendera.

***********

25 Ibitekerezo

  • @Mugerageze mugabanye ubunebwe mushake amakuru nyayo mugeza ku babakurikira kuko ibyo mwanditse byitwa ubujajwa .

    • Ubwo urarebye usanga ibi ari ukujajwa kweri? Ahubwo ushobora kuba ufite akabazo!! Iki ni ikintu gikomeye ku gihugu nk’u Rwanda. Uziko iyi migirire nyizi muri Kongo?

      • Ngabo sinzi ikigero kimyaka yawe ariko bitewe nigitekerezo cyawe mbonye menya utarengeje imyaka 25years! Ariko menya udakunda gusoma!! Kuko imigenzereze nkiyo niyo yarangaga igipolice cya congo(Zaire,) ninayo iranga iya Uganda! Icyo nikibazo gikomeye kugihugu! Bisebya igihugu!

    • Injwaja niwowe wa mu karitasi we..

  • Iyo umuntu atwaye igare ahantu ubona bidakwiye birasanzwe ko akuramo umwuka ibi bituma atongera kurijyaho ahubwo akarisunika agendera munzira y’abanyamaguru kuko mbere yarijyagaho akabangamira ibinyabiziga. Ikindi iyi ntabwo ari inkuru ahubwo wagombaga kugashyira nko kuri facebook wall yawe ni akantu gato rwose.

  • Ahubwo uwo mupolisi yakoze igikorwa cyiza aho guteza impanuka yagombaga kurishorera agenda namaguru ahubwo biragaragarako utazi amategeko yumuhanda ntuzongere gusebya polise yigihugu cyurwanda bene ako kagene ngo wayigaye???????? Subira mubitabo wige

    • Nine se wamenye impamvu yatumye akora biriya ko wihutiye kuvuga isubireho kbsa

      • Abanyonzi bazategekwe n’amasaha bagomba kuvira mu muhanda, biratangaje kubona igare rigenda mu muhanda nta tara tifite, ribisikana n’imodoka mu ma saa tatu z’ijoro.

    • Ahubwo mbabajwe n’ubwenge buke bwawe. Ubwo c wigeze umenya impamvu yawuvanyemo?

  • Ibyo nibisanzwe ariko hari nigihe batwaramo ibiyobyabwenge birashobokako umupolisi yari afite ibyo agenzura!

  • Igitekerezo uyu mupolice yujuje inshingano ze sinzi niba gutuma adakora impanuka aribyo wita ko bitakunejeje
    niba ushaka kumenya ibi bera mumuhanda neza no muntara uburyo bagenda bafashe kumodoka inyuma !bakeye nabo kwigishwa ibyo mumuhanda

  • Oya uyu mupolisi yakoze amakosa. Kuko mwitegeko nta hantu na hamwe iki gihano cyanditse. Uyu muturage ahubwo yakoze neza kudusangiza iyi nkuru yahagazeho.

  • Nine se wamenye impamvu yatumye akora biriya ko wihutiye kuvuga isubireho kbsa

    • Haguma, ntabwo uyu mu polisi yararimo ahana uyu muturage ahubwo yamurindaga gukomeza kugenda ku igare aho hantu kuko byashoboraga guteza impanuka??!! njye ndibaza niba uyu wanditse iyi nkuru adafite ikibazo cg yaba adasobanukiwe n’amategeko??! sha uwambaye ikirezi ntamenya ko kera icyakugeza mu baturanyi bacu ngo urebe uko abapolisi baho bakora??

  • Hoshi nta cyabaye Dore ko mwigize abavugizi b’ibyabaye n’ibitabaye. Police ikora neza ahubwo wowe mbona usanze nk’uyu munyegare agongewe muri embouteillage hari na police yaje gupima , washinza uyu mupolisi ko ariwa wishe uyu munyegare kuko atamuburiye kare ngo Abe yanakura imyuka mu mapine. Sha abantu nti turi beza pe! Nta munoza, maze ubundi bagomba kurimubikira, ubundi wowe uvuga ejo uzi nyabugogo icyari giteaganyijwe kuhabera mbere y’ uko utangaza amafuti? Wowe wumva ibyo bakubwiye byose ukandika rero, ntushoboye Boss yongere yangaje umukozi ubwo urabyumva wowe uko ngusabiye ngo bakugenze.

  • Polisi yacu nubwo ntavuga ko ari ntamacyemwa muri byose, aho uwo mupolisi yakoze ibirinda umunyegare ndetse n’ibindi binyabiziga impanuka. ni uko wenda wowe wanditse utize amategeko y’umuhanda cyangwa ngo ube utwara ikinyabiziga muri Kigali cg mu ntara ngo urebe ukuntu amagare abangama kurusha moto. uzi impamvu? ni uko moto abazitwara baba bazi amategeko y’umuhanda bikabafasha kugenda neza mu muhanda n’ubwo atari bose ariko baragerageza. ikindi umunyegare mu muhanda abarwa nk’umunyamaguru niba umugonze ubarwa nk’ugonze umunyamaguru, nta bwishingizi bw’impanuka agira yarangiza akajya mu muhanda wagenewe ibinyabiziga. yego hari ahatari utuhanda tw’amagare ariko n’aho turi ntago batunyuramo ugasanga barashaka kunyura mu muhanda w’imodoka rimwe na rimwe bakimana inzira imodoka nini ziri kubisikana. ntimujya mwumva impanuka bateza ibinyabiziga bibisikana bikabagonga cg bikagongana bibahunga. uriya mu polisi yakozi ibya nyabyo 100%

    • Perfect! Utabyemera azatembere mu muhanda Nyabugogo-Karuruma-Gatsata arebe icenga ry’igare n’ikamyo.

  • Wow wanditse ibi ufite ikibazo cg se ushaka gusebya polisi yacu. Cg utuye mu ishyamba. Ikibi umupolisi yakoze nikihe, kuba atarifashe ngo anarifunge ahubwo akamuha amahirwe yo kuritwarira ahandi. Kuba utamenye impamvu kuki utabajije umupolisi. Itiku gusa. Umuseke mujye mwandika ibintu biri serious peee

  • Uyu muntu uzamuye iyi ngingo arakoze cyane rwose, nange nabibonye mu maferuge yo mu Giporoso ndumirwa na mugenzi wange twari kumwe, uunyonzi ngo yazize gusa ko yambukiranyije mu muhanda ava gare ya Remera agana Kabeza ageze mu muhanda hagati (kuko umupolisi ariwe wari kuyobora imodoka murabizi ukuntu iyo asabye imodoka kugenda zihita zigira akavuyo uwo munyonzi nawe yari mu ruhande rwari ruhawe uburenganzira ariko imodoka murazizi ukuntu zisuzugura abanyonzi biba ngombwa ko aguma hagati mu masangano kugira ngo imodoka zihite abone nawe gutambuka, umupolisi hashize akanya aba agize umujinya (kuko umunyinzi yari hafi ye) aba amuhubujeho nabi ahita amutegeka kuvanamo umwuka mbona disi umunyonzi arabebereye n’akagare ke.
    None mwebwe mwese mwigize abavugizi ba Polisi nkaho ibyo bintu byemewe mu gihugu MURI MWE UZI AHO ITEGEKO RIBYEMERERA ABAPOLISI NARISHYIRE HANO KU RUBUGA TURIBONE. Polisi nibyo ikora neza, ariko mwishaka kuvuga ko buri mupolisi wese yubahiriza amategeko ya polisi, ku buryo mushyigikira n’AMANYANGA akabije bakoze. Iryo ni ikosa rikomeye buriya ari nko mu bihugu bigira abaturage bajijutse (nuko bifatira twebwe) yari kuba ari mu rukiko yabuze ayo acira n’ayo amira kubera icyo CYAHA yakoze.
    Abandi mwansekeje ngo amufasha kubahiriza amategeko avanamo umwuka bityo ntateze accident cg ngo ave ahadakwiriye, ubujiji kabisa, ubu umuntu agusanze mu ikosa akagukubita urushyi wavuga ngo ari kugufasha kubahiriza amategeko!!!uziko mutangaje koko. Abaswa bo ngo umkupolisi yaketse ibiyobyabwenge mu ipine, muzabaze ntabwo polisi y’u Rwanda isaka ibiyobyabwenge muri buriya buryo ahubwo biragaragaza mwese ko babagize abapolisi mwakora amanyanga atabarika mu muhanda ngo murubahiriza amategeko (yewe Gishari ikeneye guhugura benshi kweri!!))

    IKOSA NTIRIKOSORESHWA IRINDI BITEYE ISONI KUBONA UMUNTU WITWA KO YIZE, AKANAGEREKAHO KUBA UMUJYANAMA W’UMUHANDA YITWARA NK’UMUNTU UTAJIJUTSE.

    • Wigendera ku marangamutima yawe, niba warize amategeko y’umuhanda abanyonzi bemerewe kugenda mu muhanda cg mu gahanda? umunyonzi mu muhanda agengwa n’amategeko agenga abanyamaguru. kubera ko tudafite ibikorwa remezo biihagije aho bishoboka birubahirizwa aho bidashoboka ababishinzwe bakagereranya. ibaze nawe ngo umunyonzi muri feu rouge hagati? nta assurance agira, ari mu muhanda w’imodoka n’amapikipiki! ese ahubwo ntagirira impuhwe ubuzima bwe aba ari gushyira mu kaga? ubundi yakagombye kwambukira mu mirongo y’abanyamaguru. Naho ibindi byo kuba yamukuzamo umwuka ntago mbishyigikiye yakabaye amugira inama akamubwira aho yakagombye kunyura na cyane ko abanyonzi nta mategeko y’umuhanda baba barize, wenda ubutaha yakongera hakabaho guhana.

  • Ubwo uwo munyonzi yashakagaga guteza imanuka ahubwo uwo mupolice yarebye kure gukuramo umwuka.byari kuba wenda ikibazo iyo amukubita,gukuramo umwuka!!!!!!!!!!

    • Nina uwo munsi bari muri nyabugogo , bari batanze amabwiriza yo guhagarika amagare kubwagahunda yari iteganijwe noneho niba bamubujije akanga kumva akabirengaho wowe wumva bamureka akisanzura? nibyo mushaka? ESE Uzi icyo bisobanuye umukozi ubifitiye ububasha icyo bivuga? Urebe mwigazeti wongere usome , ubwo iyo bafunga igare rye bakamuha contravention ya 25000, bamurega kutubahiriza amabwiriza nibyo byarikuba bizima kri uwo munyegare?

  • Narinzi ko Umuseke igira abanyamakuru bayandikira, kumbi yahindutse Blog. Iyi nkuru yusuuemo amarangamutima muyisibe

  • hhhhh,namge naringizengo yamukubise cy yamutwariye igare !naho niba ari ukurikuramo imyika uwo mupolice ni imfura cyane ,ariko iyo ubona umunyegare agenda imbere y’ikamyo koko ntasoni ntanubwoba bwo gutinya impanuka ,aho kugirango uwo munyegare ateze ibibazo by’impanuka banamufata bakamufungana niryo gare rye,abantu bose mbona bakwiye kwiga amategeko y’umuhanda pe ,uzacunge nko muri zebra cross iri nyabugogo uanutse yamaha ,umunyamaguru aturuka kugice cy’umuhanda wo hakurya yiruka agahinguranya mukindi gice kdi ubwo ntabanze ngo ahagarare arebe ko wowe utwaye imodika wamubonye ,police yarigishiije yararushye yemwe nigeze no kubona iri kuhigishiriza abanyamaguru uko wambuka,sha police hubwo ifite akazi kenshi pe!!!no kumugoroba umuhanda mumujyi -nyabugogo hari huzuyemo amagare kdi ari hagati mumuhanda ,ubundi abantu mutwara imodoka muri kiriya gice mujye muhaguruka mwasenze si non amagare arimo yabatera umwaku tu.akagukoresha impanuka ugasanga ugiye mubibazo .

  • ikibazo ntabgo ari we n’wamuhaye urubuga,buriya se uwo mu type n’umunyamaku wa byigiye?????????ntabgo azi gusesengura ibyo agomba gutangaza

Subiza

Your email address will not be published. Required fields are marked *