• 24/01/2020 3:21 20

Nkore iki? Mabuja yansabye ko dusohokana kandi mbona byansenyera urugo

Ndagisha inama, basomyi ba Umuseke si ngombwa ko nivuga amazina yange, gusa mfite ikibazo maranye igihe nkeneye ko abandusha ibitekerezo bangiramo inama.

Ndi umugabo wubatse, mfite umugore n’abana bane, nari umukene cyane ariko ubu maze kwiyubaka, kandi ubushobozi bwange nabukuye ku mugabo (Databuja) nakoreraga akazi gatandukanye mu rugo.

Nari nkennye cyane, ntagira ipantalo, mba mu nzu imeze nka nyakatsi, ariko nkagira umugabo ukize nakoreraga akazi gatandukanye ko kumufasha kuko yajyaga kurangura mu mahanga, nkamufasha gupakurura imizigo, ndetse akantuma ahantu hatandukanye, anyizera cyane.

Nyuma y’igihe kitari gito twamaranye, umugore we yaranyikundiye, ansabira Databuja kunyongeza amafaranga yampaga, ndetse nyuma Mabuja akajya ampa ibyo kurya njyana imuhira, ku buryo iwange ikibazo k’inzara cyacitse, ndetse bimwe nange nkagurisha ntera imbere.

Mabuja yaje kuntera inkunga ndubaka, ubu mfite inzu nziza ndetse yamfashije kugura moto ku buryo inyinjiriza amafaranga ku kwezi, mbega ubuzima bwarahindutse.

Ubu nange ndikorera, kuko ubushobozi ndabufite. Aho naviriye mu rugo rwe, Mabuja akomeza kumpamagara, ansaba guhura na we tugasohokera ahantu kure y’aho dutuye tukaganira.

Bakunzi ba Umuseke ndabasaba kungira inama kuri iki kibazo, kubera ko nubwo Mabuja wazamuye imibereho yange, mwubaha kandi ntinya ko aho twasohokera uwari Databuja yahamenya, bikaba byavamo ikibazo, ndetse akantera ikizere cyose yangiriye.

Mabuja yaransabye ngo nzamwiture ineza yankoreye, ariko mbona na byo ntazi icyo iyo mvugo ye isobanuye kubera ko nta kintu na kimwe mbona namwitura kuko n’ubu andusha cyane ubushobozi!

Ese ubaye mu kimbo cyange wangira iyi he nama ko numva gusohokana na Mabuja bishobora kunsenyera urugo!

Iki kibazo ntinya kukibwira umugore wange kuko numva ko abimenye yakeka ibintu byinshi, urugo rwange rugasenyuka.

 

Ndabasaba ngo mungire inama.

Murakoze.

Umusomyi

18 Ibitekerezo

  • Ikibazo ufite kiroroshye cyane,kubera ko “utakiba kwa Shobuja” (ex-boss).Kwitura umuntu si ukujya gukora ibyo Imana itubuza.Kubera ko abasambanyi,kimwe n’abandi bose bakora ibyo Imana itubuza,batazabona ubuzima bw’iteka muli Paradizo.
    Nta kabuza buriya Shobuja “ntacyubaka urugo na Nyokobuja”.Agomba kuba yinjira abandi bagore cyangwa abakobwa.Nkuko Bible ivuga,ubukire butuma umuntu agira ibibazo.Ngewe nk’umukristu,niba uzi Bible,ndagusaba “Kwigana umusore witwaga YOZEFU”.Nyirabuja yashatse ko baryamana,Yozefu arabyanga ndetse ariruka,aramuhunga.Kubera iki yanze ko basambana?Ntabwo byatewe nuko yanze guhemukira Shebuja witwaga Potiphar.Ahubwo byatewe nuko yanze gukora icyaha cy’ubusambanyi.Yari atandukanye na millions and millions z’abantu b’iki gihe bakora ubusambanyi,kubera ko badatinya Imana.Bakumva ko ubuzima gusa ari:Kwinezeza,amafaranga,shuguri,politike,etc…Imana bayiteye umugongo.Ibyo nibyo bizatuma babura ubuzima bw’iteka muli Paradizo.Nubwo iyo bapfuye bababeshya ko baba bitabye Imana.Soma iyo nkuru ya YOZEFU muli Intangiriro,igice cya 39.Ndagusaba gushaka umuhamya wa Yehova utuye hafi n’iwanyu mukigana bible ku buntu,kugirango umenye neza icyo Imana idusaba.Ngushimiye kuba wahisemo kutubaza icyo wakora.Nubwo bikorwa na millions nyinshi z’abantu,Guca inyuma uwo mwashakanye ni ICYAHA kizarimbuza benshi ku Munsi w’Imperuka utari kure.
    Soma Yeremiya 25,umurongo wa 33.URAKOZE CYANE.

  • Dore icyo nongeraho ku nama nakugiriye hejuru: Bwira uwo mugore ushaka ko musambana nawe asome iyi nkuru.Ntawamenya wenda yareka guca inyuma umugabo we.Ikibazo nuko babikora bitwa ngo ni abakristu !!
    Kandi bakavuga ko bakunda Imana,batinya Imana,etc…This is Hypocrisy like Pharisees.

  • Ntago byoroshye guhitamo icyowakora,ushingiye ahoyagukuye.gusa wibukeko mubukene bwawe,UMUGORE wawe,mwarikumwe.mumpinduka(IBUKIRE)murikumwe.
    IKIBAZO
    Umugore wawe,iyo aguta cg aguca inyuma n’abagabo b’abakire byari bukunezeze?

    Ubukire se,bwavuye kuri NYOKOBUJA,cg bwavuye mumbaraga watakaje kwa nyokobuja

    Ufite impungenge se,ko umuhakaniye cg mugatandukana burundu,azakwambura(azakunyaga)ibyo wagezeho byose?
    INAMA

    Umugore wawe,niwe ukesha byose kubwo kukwihanganisha,nokugukomeza mubihe bitoroshye by’ubukene mwarimo mbere.

    Urukundo yakweretse,mubukene nurusenyesha ubukire bwa nyokobuja,uzabura byose nk’INGATA IMENNYE’:Umugore wawe azaguta,agutane abana,yewe na SHOBUJA azagufungisha,………
    UMWANZURO
    Haguma amahoro,naho ibintu n’ibishakwa.UGIRE AMAHORO, NO GUHITAMO KUKUBEREYE

  • Umva,wowe kuki ubyita ikibazo?
    Nyokobuja kukubwira ngo musohoke wumva ari ikibazo?
    Ahubwo imitekerereze yawe niyo yagutera ikibazo,kuko ushobora kuba umutekerereza.
    Kuki se wumva utabwira madamu wawe ko nyokobuja yifuje ko mwasohokana?
    INAMA.
    1. Mbwira umufasha wawe ibyo nyokobuja agusaba.
    2. Baza nyokobuja niba uko gusohokana nawe yifuza,umugabo we akuzi?
    3.Niba adashaka kubimubwira,mubwize ukuri:Uti sinufuza ko mwasohokana tutarikumwe na databuja or atabizi.
    4.Uti icyaba kiza mwasohokana imiryango yose irikumwe,byibura nkaboneraho no kubagezeho ibyishimo mwampaye,kuba njye n’umufasha n’abana turiho neza tubikesha mwe databuza na mabuj.
    4. Ibindi utekereza biguhangayikishije,sinzi aho bikomoka da!

    • Inama nziza cyane Manzi! It’s full of wisdom indeed! Bless you muchly.

      • Mbega mwe ntimwasomye aho yanditse ko nyirabuja yamusabye ngo azamwiture?afite rero ikibazo cyo kumenya icyo ashaka ko yamwitura.
        mujye musoma mbere yo gu commentinga.

  • None se gusohokana na we ni ukujya gusenya urugo? Ko utaretse ibyo yaguhaga? Wari musaza we,wari mubyara we,wari iki? Kurya ni ukwishyura. Uzamwitabe,ubanze wumve ibyo akubwira,kandi nta n’ikigoye kirimo. Mu mbyaro enye uvuga,inshuro umaze guca inyuma uwo mwashakanye ni magana ibyatsi.
    Hanyuma kuvuga ngo umugore wawe ntabyo wamubwiye,niba atagira smartphone hari abaturanyi bawe bazifite,bamaze gusoma iyi nkuru kandi bamaze kubimubwira. Ahubwo watinye kubimwibwirira uratumye, kandi turamujubwirira humura.
    Inama nanjye naguha,hamwe n’ijisho akureba,uko umukeka wenda si ko agutekereza. Ntuzange kwitaba uguhamagaye,ujye wanga icyo uhamagariwe. Ariko Imana yo niguhamagara uziruke unimuke

  • Jyenda ahubwo akongerere imitungo,nugira amahirwe uzasanga yarapfubye ashaka umupfubuzi.

  • UBU WASANGA AGUHAMAGAYE NGUZE AGUHE IMODOKA WAVUDUKA WASANGA MUFITANYE ISANO ASHAKA NO KUGUSOHOKANA AHANTU HEZA AKABIKUBWIRA NIBA BIKUNANIYE UZANYIHERE NUMBER YE NJYE NARIKUBITIWE SHA

  • Umve muvandi reka nkugire inama iruta izindi rwose,wikira ngo wirengagize uwakuzahuye!kuki utekereza ko nyokobuja agufiteho ibibi ?reka kwita kuri ziriya nkuru za YOZEFU bakubwiye hejuru ahubwo ite kubyo nyokobuja agusaba.kdi ntanubwo nyokobuja atumvikana na shobuja ahubwo emera usohokane na we kuko wasanga hari indi mpano yaguteguriye kdi nuhagera mukishimisha bikaba ngombwa ko agusaba ko mwaryamana uzange dore ko atariwe uzayishyiriramo(ndavuga Rutimirwa y’abagabo)nuko rero reka gutekererza nyokobuza iby’amashitani rwose.murakoze

  • Mukatire nta kindi.

  • teramo

  • ikintu Salomon yabonye gitigisa isi ni ukubona umuja yuriye uburiri bwa sebuja umuntu wagufashije akakuga Burira jya umwubaha nka maman wawe ntuzamere nka was mutindi warenzwe akarenza nyina ukuguru

  • Mwiriwe basomyi,
    njye maze gusoma coment zose,ariko inyinshi bigaragara ko mutumvise ikibazo nyirabuja afite n’icyo amwifuzaho
    NYIRABUJA ASHAKA KO AMWITURA.
    1.Nibajije ese nyirabuja inyituranyo ashaka ku mugaragaru we ni iyihe?
    2.None se mwe mu by’ukuri murunva ari iyihe,niba atari ukuryamana nawe?
    3.Hari uvuze ikintu gikomeye,ni koko uriya mufate nka Nyoko ni uwo kubahwa,kuryamana nawe ni amahano waba ukoze
    Shobuja akumvise yakugiririra nabi,byakuviramo n’urupfu uramenye
    Ikarume,ugire ubutwari bwo guhakanira Nyokobuja,ubwire umugore wawe urugamba uriho (ariko niba uzi ko utajya umuca inyuma.).
    Ubundi utuze ,ntabwo nyokobuja aza ku kwaka imiceri yaguhaye.
    Urakoze.

  • Umwana Karasira Clarisse yararirimbye ngo “Gira neza wigendere, ineza yawe uzayisanga imbere”.
    -Uwo nyokobuja ugusaba inyiturano uzamubwire ayo magambo. Kugira neza ugasaba inyiturano, aho niho ruzingiye! Ubwo ibyo yaguhaga byose yabaga arimo akugura ntubimenye.
    -Ca akenge rero: na Leta idusaba gukumira ikibi/ icyaha kitaraba. Ushobora kujya kwitaba nyokobuja ugasanga imitego utayisimbuka, bikakunanira kuyikuramo. Impamvu ashaka kukujyana kure ni iyihe? Ni uko ashaka kwihisha amaso ya Shobuja n’ay’umugore wawe.

    Umwanzuro:
    -Bwira nyokobuja ko ineza yakugiriye na we azayigirirwa n’undi utari wowe. Ko yakoze cyane kandi umushimira.
    -N’astimbarara kuri iyo ngingo yo gusohoka, uzamubwire muhuze imiryango yanyu yose (Nk’uko undi muvandimwe yabivuze haruguru), wowe n’umuryango wawe wose, na we n’umuryango we wose, muhurire ahantu rwose mwifate neza mushimirane ineza mwese mwagiriranye. (Kuki wiyibagiza akazi wakoze, umurava n’ubwitange wagize bikaba ari byo byatumye shobuja akwizera? Kuki wakumva ko izo nyongera uzikesha umugore wa shobuja, kuruta uko wazikesha umurava wawe? Urakeka ko shobuja yari kukwongeza gusa kuko umugore we yabimusabye, iyo utaza kuba uri inyangamugayo? Jya umenya Guha agaciro umurimo wawe!).

    Ca akenge rero. Ubaha umugore wawe, ibyo wamusezeranyije bikomereho, kandi humura ntacyo uzaba. Ndahamya ko nyokobuja umuhaye izo ngingo ntaho yahera ahatiriza.

    Umunsi mwiza.

  • Kirazira kikaziririza gusohokana numugore cg umugabo w’undi.Niba ashaka kugusohokana najyane umuryango wose yikugusha mumutego .Niba atangiye kugusaba kumwitura ibyo ysgukoreye mwihorere agambiriye bibi cyane ahubwo ndumva akwisanzuraho akarenza wowe umubwire ko bidashoboka nabusa.Umugore wawe mwabanye mubukene mukomereho.Naho ubundi wibeshye rimwe gusa musohokane uzicuza ubuzima bwawe bwose

  • kunda undi mukecuru !!

  • Oya uzamwihorere ntimuzasohokane mwenyine kuko buriya agaciro k’ubwitange bwawe kazwi mbere na mbere n’umugore wawe na shobuja

Subiza

Your email address will not be published. Required fields are marked *