• 13/12/2019 9:32 03

Nikuze wo muri City Maid ati “Muri Cinema nta ndaya ibamo twese turi ab’Imana”

Musanase Laura wamenyekanye muri film y’uruhererekane ya City Maid nka Nikuze avuga ko nta buraya buba muri Cinema Nyarwanda nkuko bamwe bajya babigiraho impungenge babyibazaho.

Umwaka ushize yabaye umukinnyi mwiza w’umwaka mu bagore

Nikuze umaze imyaka ine mu mwuga wa Cinema, yatangiriye muri City Maid ari na yo yagaragayemo gusa.

Uyu mukobwa uri mu bakinnyi b’imena muri City Maid, avuga ko ubu bimutunze kuko abona ibyo yifuza byose mu buzima bwe.

Ati “Hari abavuga ko Cinema yo mu Rwanda nta mafaranga ayibamo ku ruhande rwanjye abo sinemeranya na bo kuko amafaranga arimo kuko biradutunze wayikora nta kandi kazi ubihuje.”

Cyane ku bakobwa hari abatinya kwinjira muri Cinema bitwaje ko bafatwa nk’ibirara cyane ku bashinja uburaya.

Nikuze avuga ko Cinema ari akazi nk’akandi kose gusa bitewe nibyo bakina hari igihe sosiyete igufata ukundi bakishyiramo ko no hanze ariyo myitwarire yawe.

Ati “Kujya muri Cinema ntabwo ari uburaya ni akazi nk’akandi, ubizamo we aba abisobanukiwe kurenza ubivuga atabizi gusa nta ndaya ziba muri Cinema twese twarakijijwe turi abera b’Imana.”

Bonaventure KUBWIMANA
UMUSEKE.RW

Subiza

Your email address will not be published. Required fields are marked *