• 28/01/2020 3:23 25

Ne-Yo Ikinyarwanda cyamugoye ingagi ayita “Birasyaza”, Meddy we yise ingagi izina ry’abafana be

Igikorwa cyo Kwita izina abana b’ingagi cyabaye ku nshuri ya 15, mu batumiwe harimo n’ibyamamare haba mu muziki, mu mupira w’amaguru no mu bukungu bw’isi, umuhanzi w’icyamamare ku Isi Ne-yo yise ingagi izina ry’Ikinyarwanda ati “Birasyaza” asahaka kuvuga Biracyaza, ni ryo zina yise. Ngabo Medard uzwi nka Meddy we yise ingagi “Inkoramutima” izina rizwi ku bafana be.

Shaffer Chimere Smith uzwi nka “Ne-Yo”: yise ingagi ‘Biracyaza

Igikorwa cyo Kwita Izina abana 25 b’ingagi cyabareye mu Kinigi mu Karere ka Musanze.

Mu bantu batoranyijwe ngo bite amazina abana b’ingagi harimo ibyamamare binyuranye haba mu by’umuziki ndetse na Politike.

Abise ingagi n’amazina bazise

Emmanuel Niringiyimana w’imyaka 23, ibikorwa bye byo gukora umuhanda wa Km 7 mu cyaro k’iwabo, mu Murenge wa Murambi w’Akarere ka Karongi byaciye mu maso ya benshi mu Banyarwanda n’abashinzwe guhitamo abita abana b’ingagi amazina, na we baramubona.

Uyu munsi yavuye iwabo mu cyaro, yicarana n’Ibikomangoma, umwana w’ingagi yamwise  ‘Nimugwire’,

Shaffer Chimere Smith uzwi nka “Ne-Yo” muri Amaerica, yise ingagi ‘Biracyaza”.

Paul Milton & Luke Bailes: ingagi bayise ‘Indoro’

Areruya Joseph: yise ingagi ‘Inganji’, Amina Jane Mohammed: yise ingagi ‘Ingoga’, HRH Princess Basma bint Ali:  yise ingagi ‘Uhiriwe’.

Hailemariam Desalegn Boshe wabaye Minisitiri w’Intebe wa Ethiopia: yise ingagi ‘Umukuru’, Dame Louise Martin, DBE: yayise ‘Uruti Naziriyani’.

Tony Adams wamamaye cyane muri Arsenal: yise ingagi ‘Isura y’u Rwanda’, Ron Adams: yayise ‘Igihango’, Niklas Adalberth: yayise ‘Irembo’, Jeremy Jauncey: yayihaye izina rya ‘Ingando’, Otara Gunewardene: yise ingagi ‘Kira’, Ronan Donovan: yise ingagi ‘Intego’.

Louis van Gaal watoje amakipe akomeye i Burayi na Manchester United: yise ingagi ‘Indongozi’.

Naomi Campbell: yayise ‘Intarutwa’, Madeleine Nyiratuza: yayise ‘Isanzure’, Sherrie Silver: yayise ‘Ibirori’, Marco Lambertini: yayise ‘Ikirenga’, Ngabo Jobert uzwi nka Meddy: yayise ‘Inkoramutima’. Twibaze Robert: yise ingagi ‘Inzobere’, Antony Nzuki: yayise ‘Karame’.

Kiboro Wilfred: yayise ‘Ituze’, Jean Nepo Musekura, umwe mu barinda inyamasha wabiherewe igihembo: yise ingagi ‘Bisoke’, Kalen Chylan: yayise ‘Umwihariko’.

Abaturage bo mu karere ka Musanze babukereye ari benshi baje kwihera ijisho ibi birori bibera munsi y’ibirunga.

Mbere y’uko abashyitsi bakuru bahagera habanje kubaho ibirori. Abahanzi bo mu Rwanda barimo Senderi, Intore Tuyisenge, King James, Riderman n’itorero Masharika basusurutsa abari bahari.

Perezida Paul Kagame wari Umushyitsi Mukuru yashimiye abantu bose bitabiriye igikorwa cyo Kwita Izina ingagi ashimira by’umwihariko abise ingagi 25.

Yabwiye abaturarwanda hamwe n’abaturiye Parike y’Ibirunga gukomeza gukorera hamwe.

Ati “Inshuti nyinshi, abadusura benshi ni inyungu nyinshi ku gihugu no ku miryango ituranye na Parike y’Ibirunga. Dukomereza aho dufatanye dukore byinshi ni cyo u Rwanda rwifuza kandi ibyinshi byiza biri imbere.”

Akamanzi Claire Umuyobozi Mukuru w’Ikigo k’Igihugu k’Iterambere (RDB) yavuze ko ibyo bagezeho bitashoboka nta mbaraga z’abaturage, yabashimiye yane, avuga ko amafaranga n’umubare w’ingagi byiyongereye.

Ati “Abanyarwanda barushijeho kumenya ibyiza bya Parike z’igihugu byose byagezweho kubera uruhare rw’abaturage ahasigaye dukomeze tubiteze imbere kuko aritwe bifitiye akamaro.”

Iyi foto igaragaza intambwe ikomeye Emmanuel Niringiyimana yateye kubera ibikorwa bye, yakwirakwijwe cyane ku mbuga nkoranyambaga
Niringiyimana amwenyura ni umwe mu bakoze mu kiganza cya Perezida wa Repubulika kubera igikorwa cyo gukora umuhanda agamije guteza imbere aho atuye akoresheje amaboko ye
Louis van Gaal watoje Manchester United na we yishimiye kuba ari mu Rwanda anita umwana w’ingagi izina rya ‘Indongozi’
Hailemariam Desalegn Boshe wabaye Minisitiri w’Intebe wa Ethiopia ingagi yayise ‘Umukuru’
Mme Ange Kagame n’umugabo we Ndengeyingoma Bertrand bitabiriye uyu muhango
Igishushanyo kigaragaza ingagi ikozwe mu migano
Abo mu Kinigi bari bizihiwe

Amafoto@RDB

NSHIMIYIMANA Dieudonne
UMUSEKE.RW

1 Igitekerezo

  • Uriya musore w’ubatse Umuhanda mu Akarere ka Iwabo rwose President wacu azamurebere inkunga kbsa igaragara kuko akunda igihugu cyamubyaye nuko ntabushobozi buhagije afite!!! Namubonye kuri TV1 abaturanyi bamuseka ariko umuhanda wa 7KM arawurangije Imana imwihere ubutwari kugeza kumunsi we wanyuma

Subiza

Your email address will not be published. Required fields are marked *