• 13/12/2019 6:43 49

Musanze: Vice Mayor yafunzwe akurikiranyweho gukubita no gukomeretsa umugore we

Umuyobozi w’Akarere ka Musanze wungirije ushinzwe ubukungu Augustin Ndabereye yatawe muri yombi n’Urwego rw’igihugu ry’ubugenzacyaha akurikiranyweho gukubita no gukomeretsa umugore we. Umwe mu baganga bo mu bitaro bya Ruhengeri yabwiye Umuseke ko uriya mugore yakometse mu maso no ku gahanga.

Ndabereye afunzwe akekwaho gukubita no gukomeretsa uwo bashakanye

Ndabereye n’umuryango we batuye mu Mudugudu wa Burera, Akagari ka Ruhengeri, mu Murenge wa Muhoza mu Karere ka Musanze.

Umwe mu baganga bakiriye umugore wa Visi Mayor utifuje ko dutangaza amazina ye yavuze ko uriya mugore yakomerekejwe ku gahanga, ahagana ku gice k’iburyo ndetse no ku matama.

Avuga ko nta misatsi yapfuwe ariko ibikomere bigaragara.

Ubu ngo arwariye mu gice kigenewe abarwayi bakorewe ihototera kitwa ‘Safe room’.

Umugore wa Visi Meya Ndabereye afite imyaka 30 y’amavuko.

Ku rubuga rwayo rwa Twitter, RIB yemeje ko yataye muri yombi Augustin Ndabereye imukurikianyeho kiriya cyaha, ubu akaba afungiye kuri station yayo iri ku Murenge wa Muhoza.

Uriya muyobozi atuye mu murenge wa Muhoza mu karere ka Musanze

Jean Pierre NIZEYIMANA
UMUSEKE.RW

11 Ibitekerezo

  • hhhhhhhhhh ni akumiro peeee

    • Niko iyi si yacu iteye.Ushinzwe kuyobora cyangwa guhana,nawe akora ibyaha.Uretse ko akenshi uyobora iyo akoze icyaha,ntahanwa.Arica agakiza.Family Violence iteye ubwoba.Muli Mexico,hapfa abagore barenga 9 buri munsi bishwe n’abagabo.Ikindi kandi,abashakanye bacana inyuma babarirwa muli za millions.Impamvu mu ngo habamo ibibazo,nuko abashakanye badakurikiza inama dusanga muli bible twahawe n’Imana.Idusaba ko dukundana,tukababarirana,tukihanganirana,tukubahana,etc… Nguwo umuti rukumbi wa Family Violence.Imana yaduhaye bible kugirango abantu babane mu mahoro.Turamutse dukoze icyo bible idusaba,ibi byose byavaho:Family Violence,ibiyobyabwenge,Intambara,kurwana,gucana inyuma,kwiba,gusambana,gucurana ibyisi,akarengane,etc…Abanga kumvira Imana,bible ivuga ko izabarimbura bose ku munsi wa nyuma.

  • Erega Visi meya nawe ni umuntu. Buriya hari icyo bapfuye. Ariko yagombaga kwihangana; Umuntu wize kandi w’umuyobozi yagakwiye kwifata; Niba icyo bapfuye gikomeye, bigashyirwa mu muryango, bagahanwa bagahanurwa, byananirana umwe agaca aha undi aha ntawe uvukije undi ubuzima.

  • Yari yaramukoye? ariko kuba yamukomerekeje reka mbyihorere

  • reka buriya byari bimaze kumurenga erega aha hanze ndabarahiriye abagore bamaze kuba ibyigomeke ngo babahaye uburenganzira bwose njye aho gupfana sitress zumugore nzamukosora byenyewe bafunge nihahandi aho kwicwa nagasuzuguro kumugore nzamukosora byenyewe nye mabuso bamaze kwigira amashano Umugabo Azapfa arumugabo apana ngo umugoreeeeeeee ba bwana tushimame imara

  • Ibibera mungo bizwi n’abazibamo harigihe ari vice mayer wakubitswe nyinshi! Kugirango umuyobozi agere ubwo arwana yuko inzira zose ziba zarananiranye.

  • Birashoboka ko umugore adashobotse kuko uriya mugabo hari benshi bamutangira ubuhamya bwiza.

  • Musore w’iki gihe niba ushaka kuzisazira neza ntuzihambireho umugore,ibaze aho ukiza umuntu akakwicisha mu byawe.

  • Arikooooo!! Harya abayobozi nibobaziyambura icyubahiro Imana yahaye Muntu ngo ngaha ishyano ritagwa??? Nakataraza kazaza, ububuringanire bwaturoshwe hejuru hatabanje kwigishwa, bityo bamwe bakiyumvamo ko bazituwe bakababashyizwe kumitwe y’abagabo, bakumva ko bagomba no gutegeka abagabo mungo, nibakenyere habeho gufungurana urusha undi imbaraga agaragare, gufungwa byo ntamugabo utazabifungirwa keretse uzemera kuyozwa ivu. Info zubu zirwarwaye. Leta niyubake amabohero menshi cg se nkuko yubaka imidugudu iteganye n’imidugudu y’abagabo b’indushyi, maze izarebe uko tuyuzura izahereho ishakisha umuti w’ikibazo.

  • Kuba umuyobozi bisaba kwihabgana kuko akenshi abagore batunzwe n’abagore b’abayobozi bakunze kwiyenza kubagabo baby kuko baba bazi no umugabo ari bugging ku cyubahiro cyabo bagakorwa my jisho bagaceceka ugasanga umugabo arahohoterwa agaceceka.Ibyiza ni uko bene Ava bantu bajya bagana Inkiko mu gihe izindi nzira zananiranye

  • Hari ikibazo gikomeye mu muryango nyarwanda, leta nibirebe inzira zikigerwa, abagabo barataka bamerewe nabi, abagore batumereye nabi, uburinganire babwumvise nabi, cyane cyane bano bagore bakiri bato b’imyaka 30-40, abagore ba kera abenshi n’imfura. Wasanga mayor ariwe wabanje gukubitwa.
    Divorce ziraza kuba nyinshi, abana benshi babure ababyeyi bombi kubera abagore bigize ibishegabo, Gusa gukubita simbishyigikiye ariko buriya ntako atari yagize.
    Leta itoye itegeko ryemera gushaka umugore wa 2 nko muri Kenya bacisha make bakubaha.

Subiza

Your email address will not be published. Required fields are marked *