• 16/12/2019 2:19 55

Musanze: Bagiye gushyingura abishwe n’abagizi ba nabi kuwa Gatanu

Muri aya masaha y’igicamunsi abafite ababo bishwe n’abagizi ba nabi mu ijoro ryo kuwa Gatanu bagiye kubashyingura. Umunyamakuru w’Umuseke ari muri umwe mirenge bari bushyingurwemo( Umurenge wa Musanze) avuga ko abantu baje ari benshi guherekeza ba nyakwigendera kandi hari n’ubuyobozi ku rwego rw’Intara n’Akarere ka Musanze.

Barashyingurwa mu mva imwe

Kugeza ubu amakuru aravuga ko hari hagiye gushyingurwa abantu 11 batandatu bagashyingurwa mu murenge wa Musanze abandi bagashyingurwa mu murenge wa Kinigi mu kagari ka Kaguhu.

Imihango yo gusezera ku bashyingurwa mu Murenge wa Musanze itabera mu kagari ka Kabazungu, Umudugudu wa Nyabagenzi.

Mu masaha ya mu gitondo ku wa Gatandatu taliki 05, Ukwakira, 2019 nibwo amakuru y’uko hari abantu bitwaje intwaro zirimo n’iza gakondo bishe abantu mu murenge wa Kinigi mu Karere ka Musanze.

Hari amakuru yavugaga ko abishwe bageraga muri 18 ariko itangazo ryasohowe na Polisi y’u Rwanda kuri iki Cyumweru rivuga ko imibare mishya ivuga ko hishwe abaturage 14.

Bamwe ngo biciwe mu ngo zabo bicishijwe ibyuma n’amabuye.

Itangazo rya Polisi y’igihugu rivuga ko inzego z’umutekano zahize abakoze buriya bwicanyi zicamo abagera kuri 19 abandi batanu bakaba barafashwe. Aba bafashwe ngo barerekwa itangazamakuru kuri uyu mugoroba.

Polisi ivuga ko hari abantu batanu yafashe bakurikiranyweho buriya bwicanyi

 

Guverineri w’Intara y’Amajyaruguru Hon Jean Marie Vianney Gatabazi yasabye abaturage kwibuka akamaro ko gutanga amakuru y’abantu babonye bwa mbere ndetse n’ay’umuntu badaheruka guca iryera.

Ngo byafasha mu gukumira icyaho nk’igiherutse kuba muri Musanze.

Ashima ubufatanye abaturage bagaragaje mu guhiga bariya bantu bakoze buriya bwicanyi ndetse ngo mu ijoro ryakeye hari abantu barindwi abaturage bafashe.

Hon Gatabazi avuga ko mu ijoro ryakeye hari abantu 7 bafashwe n’abaturage babakekaho uruhare muri buriya bwicanyi
Verediyana Munganyinka avuga ko umugabo we abicanyi bamwicishije isuka
Isaac Niyonshuti nawe ngo yashoboye gucika abari babafashe ngo babice
Abakorera bushake bari gucukura imva rusange bari bushyinguremo imibiri itandatu
Abaturage baje ari benshi gusezera ku bishwe n’abagizi ba nabi kuri uyu wa Gatanu

Thierry NDIKUMWENAYO

UMUSEKE.RW/Musanze

5 Ibitekerezo

  • Ese ni abagizi ba nabi cyangwa ni abacengezi?Gusa umwicanyi wese aba ari umugizi wa nabi,kubera ko twese imana itubuza kwica.Imana iravuga ngo guhora ni ukwange (vengeance is mine).Twihanganishije bene wabo basigaye.Gusa tuge tumenya ko upfuye nta handi ajya uretse mu gitaka.Ntabwo aba yitabye Imana nkuko benshi bibeshya.Ikizere cyonyine cyo kuzongera kubaho iyo dupfuye,ni umuzuko uzaba ku munsi w’imperuka,ubikiwe abantu bapfa bumviraga Imana kandi batiberaga mu byisi gusa,ahubwo bakabifatanya no gushaka Imana.Roho idapfa yahimbwe n’umugereki witwaga Platon.Nta hantu na hamwe bible yigisha ko mu mubiri wacu habamo roho idapfa.Urugero,nkuko dusoma muli Yohana 11 umurongo wa 14,igihe Lazaro yapfaga,Yesu yavuze ko “Lazaro yapfuye”.Ntabwo yavuze ngo Lazaro yitabye Imana nkuko amadini yigisha abantu.Ni ikinyoma kibabaza Imana cyane.

    • @GATARE, ABANTU BABUZE ABABO NONE URABAKINA KU MUBYIMBA UVUGA UBUSA? UJYE UGUMANA UKWEMERA KWAWE, UREKE KUZANA UBUGORYI BWINSHI MU GIHE IGIHUGU CYOSE CYUNAMIYE ABISHWE N’ABAGIZI BA NABI.

  • Gatare ihangane iby’iyobokamana n’amahame y’abayehova ube ubisubitse kuko aba bantu ntabwo bishwe na yehova bishwe n’abagizibanabi. Kubwiriza ijambo ry’Imana ndumva wabishakira undi munsi ubu ikituraje ishinga nuguhiga aba bagome bica abaturage bakabica urupfu rubi gutya! Ibyo by’amadini yanyu ntacyo bimaze kuko naba bicanyi nziko ari abakirisitu.

  • Kuki buri gihe dutekereza maculi? Niba abo baturage bishwe nabo bagizi ba nabi nkuko polisi ibivuga bagombye gushyingurwa n’imiryango yabo apana kubashyingura mu cyobo rusange. Niba ari izo nyangabirama zigiye gushyingurwa nazo tukabimenya.Ikindi, niba ari umuturage abaganga bafate imyirondoro ye na ADN babike ahantu. Turambiwe imfu, intumbi zihambwa nk’imbwa mu Rwanda sinzi niba twaribagiwe ko umuntu ari nk’undi ko asize umuryango, ibyo bigombwa guhabwa agaciro mu muco w’abakurambere nta muntu ushyirwa mu cyobo rusange kuko nababishyuzwemo muri jenoside turi kubashakisha ngo tubashyingure.mu cyubahiro. Nta muntu nta munyarwanda ucagase ubaho nta munyarwanda wagombye gushyingurwa gutyo uko twashyinguye muri 1994 turabizi ubu turi muri 2019.

  • @ Basebya , ikibazo si ugushingura nkuko wabigarutseho cyane nkaho wafatanije n’abicanyi ikibazo abaturage bafite n’izo ngegera zabiciye ababo none bamwe bahindutse imfubyi , abapfakazi ,… Aho kubabazwa n’abapfuye uri kubabazwa ko bashinguwe !? Garura ubumuntu dore warabutaye

Subiza

Your email address will not be published. Required fields are marked *