• 24/01/2020 8:27 51

Murumuna wa Kim Jong Un wishwe arozwe ngo yakoreraga CIA

Kim Jong Nam wari murumuna wa Perezida wa Koreya ya ruguru wishwe mu myaka ibiri ishizehari amakuru avuga ko yari maneko wa Central Intelligence Agency. Yishwe n’uburozi ubwo yabushyirwaga ku mazuru n’abagore babiri, icyo gihe akaba yari ageze ku kibuga cy’indege cya Kuala Lumpur muri Malyasia hari muri 2017.

Kim Jong Nam ngo yakoranaga na CIA

Amakuru avuga ko uriya mugabo wari umaze igihe kirekire ataba muri Koreya ya ruguru yari azi amabanga menshi kandi yahaga bamwe mu bayobozi bakuru ba CIA kugira ngo bamenye imikorera y’ubutegetsi bwa Pyongyang.

Hari kandi andi makuru avuga ko Nam yahaga amakuru u Bushinwa kugira ngo burusheho kumenya uko iterambere rya Koreya ya ruguru ryakuraga mu buryo burambuye.

Igitabo kitwa The Great Successor cyasohowe n’umunyamakuru wa Wall Street Journal witwa Anna Fifield kiri busohoke kuri uyu wa Kabiri nacyo kiri bugaruke ku ruhare rwa Kim Jong Nam mu guha amakuru ubutegetsi bwa Washington

Fifield avuga ko Kim Jong Nam yari asanzwe aha amakuru ibihugu nka Singapore, Malaysia n’ahandi.

Nyuma y’urupfu rwa Nam, Washington  na Seoul bashinje  ubutegetsi bwa Pyongyang kuba inyuma y’urupfu rwa Nam ariko burabihakana.

Mu gikapu cya Kim Jong Nam Police yasanzemo $120,000 bikaba bikekwa ko yari amafaranga yakoreshaga mu bikorwa bye by’ubutasi.

Ubwo yarogwaga kandi ngo yari agiye kubonana n’umwe mu bakozi ba CIA ariko ntibyamuhira

Wall Street Journal

Jean Pierre NIZEYIMANA

UMUSEKE.RW

2 Ibitekerezo

  • Nagatangaye, imfu nk’izi toujours ziba zirimo USA-CIA, nta kuntu wapfa kwica murumuna wawe atari uko akugambanira, twirirwa tuvuga shitani, aliko njye Mbona shitani iba muri USA kabisa kuko nabuze ikintu cyiza abategetsi bayo bakora kibaho ! Kuko niyi miryango yitwa ngo irafasha, iba ikorera mu kwaha kwa Washington.

    • USA iyo yirirwa yamagana ibindi bihugu byo ku isi, ngo ntibyubahiriza uburenganzira bwa muntu, kandi isoko y’ubugome, ubwicanyi, ubumafiya, bwose bubaho bubarizwa ku Banyamerika, Ubwicanyi bukaze buba iwabo, amacakubiri aba iwabo, gucamo abantu ibice Abanyamerika ni aba mbere ku isi, ariko umutego bateze uzajya ubashibukana, reba uko baciyemo ibice Koreya zombi (Iy’Epfo n’iya Ruguru) muri 1953, none havumbutsemo umusore (Kim Jong Un) uzi guturitsa ibisasu, agakangaranya Amerika ikannya mu bihu, dore ko batinya gupfa nk’aho bazatura nk’umusozi, reba ibyo bakoze muri Etiyopiya bayicamo kabiri, hakavukamo Eriterya, hahise havuka intambara amaraso yamenetse ku mpande zombi, yakuzura ingunguru zitabaze, reba uko yaciyemo kabiri Sudani zombi, intambara yahise ivuka, imena amaraso y’abavandimwe, none no kuyihosha byarananiranye. Jyewe nanjye ibyo Amerika ikora, nta kintu cyiza cy’intangarugero cyabera urumuri ayandi mahanga narakibuze. Noneho yimitse umuperezida mushya (Trump), wirirwa utukana nk’abashumba nabo ba kera, ab’ubu bafite indangagaciro za kirazira, aho atuka Abanyafurika ngo turi amazirantoki, aho atuka abazungu bene wabo ngo ni ibicucu, mpariye abandi Nzabandora ni umwana w’Umunyarwanda !!!

Subiza

Your email address will not be published. Required fields are marked *