• 12/12/2019 8:12 22

Murorunkwere uhanga imideri mu budage yazengurutse kiriya gihugu ayimurika

Umunyarwandakazi Sandrine Horn  Murorunkwere ukora umwuga wo guhanga imideri mu Budage ari kuzenguruka kiriya gihugu amurika imideri yahanze, igikorwa yakoze mu bitaramo bitandatu ubu akaba ari kwitegura ibindi bitaramo.

Sandrine Horn Murorunkwere ni umuhanzi w’imideri ubikorera mu Budage

Murorunkwere yabwiye Umuseke, yavuze ko imideri ahanga yayimuritse ahitwa Regensburg ku wa 24 Gicurasi 2019, Augsburg ku wa 1 Kamena 2019, Starnberg ku wa 7 Kamena 2019, Freising ku wa 22 Kamena 2019 na Landshut  yakoze ku wa 13 Nyakanga 2019.

Hari n’igitaramo yitabiriye muri Austria naho ahamurika imideri ye ku wa 6 Nyakanga 2019.

Avuga ko yitegura kujya kumurika imideri ahitwa Passau mu Budage no ku wa 01 Nzeri akayimurika i Tokyo mu Buyapani.

Ibitaramo bye azabisoreza ahitwa Hannover mu Budage azakora kuwa 20 Nzeri 2019.

Murorunkwere yatangiye ibyo kumurika imideri muri 2016, ubu ni umucuruzi w’imideri ahitwa Augsburg mu Mugi wa Oberottmarshausen.

Amaze kumurika imideri mu bitaramo bikomeye byabereye ahitwa Mainz mu Budage anitabira Kigali International Fashion Week yabereye mu Bubiligi no mu Buholandi mu 2018.

Avuga ko amaze kwigarurira abakunda iby’imideri muri kiriya gihugu cy’Ubudage akoreramo uyu mwuga we.

Ati “Imideri yanjye yishimirwa n’abazungu kuruta abirabura.”

Akomeza avuga ko ahanga imideri y’abagabo n’agore, abasore n’abakobwa. Imyinshi ngo iba idozwe mu bitenge.

Imideri ahanga yngo ikunze kwambarwa cyane n’abazungu
Imideri ye imaze kwamamara muri kiriya gihugu
Ni umuhanga mu gukora imideri y’ibitenge
Imideri ahanga yamuritswe mu bice bitandukanye mu Budage

Robert KAYIHURA
UMUSEKE.RW

Subiza

Your email address will not be published. Required fields are marked *