• 08/12/2019 11:48 22

Muhanga: Umugore w’umwarimu wiyahuye ejo ati “….

Umugore wa nyakwigendera Dusingizimana Jean Marie Vianney wari umwarimu mu mashuri abanza mu Murenge wa Rongi akaza kwiyahura ejo, yavuze ko yabanaga n’umugabo we neza ariko ngo yagiraga amahane menshi ‘yasomye ku icupa’, ngo urupfu rwe rwamutunguye, gusa avuga ko nta mafaranga yamutwaye nk’uko yasize abyanditse.

Mwarimu Dusingizimana bikekwa ko yiyahuye ku wa mbere nijoro, asiga umugore n’umwana umwe gusa urupfu rwe rwamenyekanye mu gitondo cyo ku wa kabiri tariki 4 Ukuboza.

Yasize yanditse ibaruwa ivuga ko yiyahuye ariko umurambo we uhabwa umugore we ngo wamutwariye amafaranga. Uyu mugore we kuri uyu wa gatatu tariki 05 Ukuboza twaganiriye.

Yitwa Mukandanga  Pascasie, avuga ko nta kibazo kidasanzwe azi cyari gutuma umugabo we yiyahura akabasigira agahinda.

Ati “Yagiye guhembwa ku wa gatandatu asanga nta mafaranga ari kuri konti ye, ariko yaje yasinze ambwira ko nzinga ibyanjye nkagenda, nabanje kugira ngo ni imikino, nyuma mbonye bikomeye mpeka umwana ndagenda kuko dutuye hafi y’iwacu.”

Mukandanga avuga ko umugabo we, yatashye amenagura ibirahuri by’inzu agira ngo ni ay’ubusinzi, ariko ngo nubwo yasindaga akagira amahane ntiyigeraga amukubita, no ku wa gatandatu ubwo baherukana ngo ntiyigeze amukubita nk’uko bivugwa.

Mukansanga avuga ko nta mafaranga ye yatwaye nk’uko Dusingizimana yasize abyanditse ku rupapuro basanzwe ku murambo we, avuga ko nubwo basezeranye mu buryo bwemewe n’amategeko we atari yanditse ku gatabo ka banki nk’umwe mu bashobora kwemererwa kubikuza amafaranga ye.

Ati “Twari twarasezeranye byemewe n’amategeko ariko umugabo wanjye na nyina ni bo bafataga amafaranga kuri banki kuko nibo bari banditse mu gatabo.”

Avuga ko yatunguwe no kubwirwa ko umugabo we yiyahuye kuko ngo nta ibibazo azi bari bafite mu mibanire yabo n’ubuzima busanzwe byatuma yiyahura.

Uyu mugore n’abavandimwe ngo barashyingura nyakwigendera mu masaha y’igicamunsi kuri uyu wa gatatu.

Elisee MUHIZI
UM– USEKE.RW

Subiza

Your email address will not be published. Required fields are marked *