• 09/12/2019 7:54 24

Muhanga: Umugore wajugunye umwana we muri WC yagiye kuvuzwa i Ndera

Ku wa Kabiri Angelique Uwamahoro wari wajugunye umwana we mu musarane avuga ko yabikoze atekereza ko amuhereje uwo yise Claudine, yagerageje kwiyahura muri uriya musarane ariko biramunanira. Abaganga n’abandi bamubonye bafashe umwanzuro wo kumujyana mu bitaro bivura indwara zo mu mutwe(CARAES) biri i Ndera mu karere ka Gasabo.

Uyu mubyeyi yagaragaje ibimenyetso by’uburwayi bwo mu mutwe ari kwitabwaho mu bitaro bya CARAES i Ndera muri Gasabo

Umwana we w’uruhinja arakitabwaho n’abaganga mu bitaro bya Kabgayi ariko habonetse umugiraneza witwa Fabrice Ndayisaba washinze umuryango wamyitiriwe witwa Ndayisaba Fabrice Foundation kuri uyu wa Gatatu wiyemeje kuzarera uriya mwana  akamwitaho muri byose kugeza arangije Kaminuza.

Uwamahoro ngo amaze kubona ko kwiyahura muri WC byanze yajugunyemo ishapure yari yambaye n’imyenda ye.

Ku wa Mbere w’iki Cyumweru abaganga b’indwara zo mu mutwe bo mu bitaro bya Kabgayi bari babwiye Umuseke ko hari ibimenyetso bigaragaza ko uriya mubyeyi afite imwe mu ndwara yo mu mutwe.

Se w’umwana yashimye abiyemeje kuzamufasha kurera umwana

Leonidas Macumu ubyara uriya mwana yemereye ubuyobozi mu karere ka Muhanga ko ahaye Foundation Ndayisaba Fabrice umwana we kugira ngo bazamwiteho ajye aza kumusura amuganirize nka Se.

Ngo nta bushobozi afite bwo kumwitaho kuko n’uwo bari gufatanya kumurera nawe afite ikibazo gikomeye cyo  guhungabana kandi akaba atazi igihe kizarangirira.

Umukozi wo mu Ishami ry’Ubuzima mu Karere ka Muhanga wari uhagarariye iki gikorwa Kayonga Donat avuga ko bibashimishije kuba babonye abafatanyabikorwa bagiye kwita ku mibereho y’umwana.

Ati: “Ibibazo byo kujugunya abana bikunze kuvugwa ku bangavu, abakobwa n’abakora uburaya ariko uyu twamenye  ko  yabitewe n’ikibazo cyo gutakaza ubwenge.”

Ndayisaba Fabrice Foundation isanzwe ifite inshingano zo kwigisha urubyiruko indangagaciro nyarwanda harimo n’umuco wo gukunda igihugu no gusukura inzibutso za Jenoside yakorewe Abatutsi n’ibindi.

Police y’u Rwanda n’abatabazi ba Croix-Rouge batabaye uru ruhinja Nyina yari yataye mu musarane
Fabrice Ndayisaba n’umuryango we ngo bazita kuri uriya mwana kugeza arangije Kaminuza

MUHIZI ELISEE

UM– USEKE.RW/Muhanga

9 Ibitekerezo

  • Good

  • kabisa Imana igukomereze aho wavanye ubufasha Isabwongere kuko ibyo ushaka gukorerra uriya mwana nta muntu numwe muri iyi si ya nyagasanoi wabikora imana yonyine izakwihembere

  • Ubukene burya koko burakona!

    Ise w’umwana yishimiye kwikuraho burundu inshingano yo kurera umwana we mugihe nyina ari kwa muganga!
    Jye nakwishimira ko uwo mwana ajya kwa se,abagiraneza bakamufashiriza yo.

    Ubwo uwo mugabo agiye guterera iyo,agaheha kanyarire iryinyo,ngo aha “abagiraneza bazanderera”!!!

    Murumva uwo mwana ibibazo azakurana??!!
    Gutereranwa na se igihe nyina yari mu kaga!!

    Ubwo se affection y’aba byeyi azayikurahe?
    Ya gahunda ya leta se yo kurererwa mu muryango bite?!

  • wow nibyiza peee iyaba abanyarwanda bose bakwigiragaho yukiyubakira igihugu cyatubyaye

  • (Ku bitaro hakwiye gushyirwa Cameras, nibura ibihabera bikajya bimenyekana mu buryo bworoshye; kwiba ambulance, guta abana mu misarane,…)

    • Ibyuvuze ni ukuri. ahubwo si kwamuganga gusa n’ahandi hose hashoboka hose hakwiye kuba Cameras zikajya zikura abantu mu rujijo mu gihe hari ibyabaye bikeneye gukorwaho iperereza

  • Ndababaye cyane. Iyi ni indwara isanzwe. yitwa Puerperal psychosis cyangwa postpartum psychosis. Ifata umwe ku bagore igihumbi 1/1000 nyuma yo kubyara.
    Birababaje ko yafatiwe kwa muganga aho kumva uburwayi bwe bakajya gutanga uruhinja rwe. Kandi mu bufasha azahaabwa hinjiramo no kugenda yakira umwana we. Ni uburwayi bukira neza. N’ubwo uwigeze kubugira aba ashobora kuzongera kubugira. N’ubwo uyu mugabo afite ubushobozi buke ntabwo kwikuraho umwana byihutirwaga bigaragaza n’ubupfura buke.
    Niba hari process ya adoption nabagira inama yo kuba ihagaritswe. hato mudateza ikibazo gikomeye mwibwira ko ari ugufasha umwana.
    Tugire amahoro

  • You have made a point. Soon or later, mother will need her child. Recovery process igomba kuba n’umwana ayigaragaramo.

  • njye mumbabarire kuba ntumva ibintu kimwe n uyu mubyeyi ko guta inshingano uri muzima bituma umwana n ubwo azakura abona buri kimwe cyose ariko urukundo rwakibyeyi ntarwo azaba afite niho usanga abantu twaratakaje ubumuntu ikindi numva abanyamasengesho bakageze kuri uriya mubyeyi niba bemera ko imyuka mibi yamuteye kuko igihe yamaze atabyara yanabyara agashaka kumutanga kuri uwo chantal harimo ibanga bavandi mumusengere akire neza azatange ubuhamya bwaho yanyuze mbere

Subiza

Your email address will not be published. Required fields are marked *