• 19/01/2020 10:25 14

Muhanga: Ubuyobozi bwasenye ibiraro by’umuturage ngo ntiyakurikije amabwiriza

Kanziga Joséphine wo mu Mudugudu wa Rutenga, Akagari ka Gahogo aravuga ko kuba yarubatse ibiraro bigasenywa mu buryo yita ubw’akarengane bigiye guhungabanya ubworozi yari afite. Ubuyobozi bw’Akarere bwo buravuga ko atarenganye kuko atubahirije amabwiriza bwamuhaye.

Ikiraro Umuturage avuga ko cyasenywe mu buryo bw’akarengane

Kanziga usanzwe ari Umucuruzi anafite ibikorwa by’Ubworozi bw’Inka mu nkengero z’Umujyi wa Muhanga hafi y’igishanga giherereye mu Mudugudu wa Kamazuru mu Kagari ka Gahogo, Umurenge wa Nyamabuye.

Mu ibaruwa Umuseke ufitiye Kopi yemerera uyu muturage kurangiza kubaka ikiraro cy’Inka yerekana ko Ubuyobozi bwari bwemeje ko ubusabe bwe bufite ishingiro.

Avuga ko izo Nka yari yazikuye mu baturage yari yaziragije kuko yabonaga bararana n’amatungo kandi gahunda ya Leta isaba guca burundu kandi vuba iyo kibazo.

Ati: “Nubaka ikiraro basenye nashingiye ku nyandiko bari bampaye nubakira Inka nyinshi kuko ebyiri ebyiri zabanaga mu kiraro kimwe ariko si Inzu yo kubamo nubatse.”

Umugenzuzi w’Imyubakire mu Karere ka Muhanga Kwizera Moses avuga ko icyemezo bahaye uyu muturage cyamusabaga kurangiza ikiraro kimwe ariko we akongeraho ikindi.

Ati: ”Ntiyubahirije ibisabwa ni nabyo twahereyeho dufata umwanzuro wo gusenya ikiraro cya kabiri yari yatangiye kubaka.”

Gusa bamwe mu baturage baganiriye n’Umuseke banenga uburyo ibi bintu byakozwe bigahombya umuturage ufite icyerekezo cy’Ubworozi mu gace katabangamiye imiturire n’igishushanyo mbonera cy’Umujyi wa Muhanga kitarashyirwa ahagaragara.

Umwe muri aba yagize ati: “Niba baramwemereye kubaka ikiraro babona afite Inka 7 bagira ngo azirunde mu cyumba kimwe?”

Bakanavuga ko uretse no mu nkengero z’Umujyi hubatse ibiraro byinshi, no mu Mujyi rwagati hari abahororera inka mu ngo zabo.

Uyu muturage kandi aherutse gucibwa amande y’ibihumbi 300 kubera ko yari yabanje kubaka ikiraro yibwira ko ari kure y’Umujyi.

Akarere kavuze ko n’Icyemezo kimwemerera kubaka kizamara igihe cy’Umwaka umwe ndetse ngo akubakisha imbaho gusa kugira ngo igihe bazakenera kumwimura ku butaka bwe yaguze ntazahombe.

Kumusenyera ngo byateye Kanziga igihombo kinini
Akarere kavuga ko kamwereye kubaka ikiraro kimwe gusa abirengaho yongeraho ikindi

MUHIZI ELISEE
UM– USEKE.RW/Muhanga.

0 Igitekerezo

  • doing business,ubu se ikiraro nacyo kigomba autorisation de batir,aho bucyera turaza no gusorera umwuka duhumeka

    • Ikibazo nkiki kiroroshye; bajye bafotora mbere yuko isana riba, nibirangira bafate andi mafoto, mu kuyagereranya urubanza ruhita rurangiriraho

  • pole sana, ariko nawe nku umuntu mukuru ntuzi ukogahunda iteye! jya ucakenge, ubutaha nuzajya kubaka uzabanze urebe inzego zibanze urebe nuwo ushinzwe kubakisha urebeko ibintu bitagenda neza ukuba. ni ukuroga igihugu ariko ntakundi umuntu yabigenza urayabaha daaaa!!!!

  • Ikibazo nkiki kiri mubintera akantuuuu katari keza ku mutima

    Nkubu Minister bireba nka Kaboneka ushinzwe ubutegetsi bw’igihugu ubonye yahise abiryoza abo basenye kandi isente zo kubikora zikava mu mishahara yababisenye byatuma bazajya badahubuka !!!!

    Uwampa nka HE KAGAME agasoma iyi nkuru yuyu mugore akamurenganura kandi ufite aho yakosheje agahita abiryozwa hiyojyereye ho indishyi

  • Kweli Kweli bayobozi mwaretse guhubuka!!!!!!!uyu muturage ushaka kwiteza imbere yorora inka zitanga amata nawe asenyerwe abangamiye iki ubu? ayo mata se ntiyanyobwa n’abana babandi barwaye malnutrition mwe byananiye kuyihashya!!!!!

    • Hanyuma bamara kuyihashya bakarisha iki? Indirimbo yimirire mibi no kuyihashya igomba kurya hit yimyaka nkitanu, hagataho sakindi izaba ibyara ibindi.

  • Kweli Kweli bayobozi mwaretse guhubuka!!!!!!!uyu muturage ushaka kwiteza imbere yorora inka zitanga amata nawe asenyerwe abangamiye iki ubu? ayo mata se ntiyanyobwa n’abana babandi barwaye malnutrition mwe byananiye kuyihashya!!!!!

  • Mujye mubanza mumenye impamvu babisenye, ikiraro mu mujyi gisaba auto batir bitewe nibyo ugiye kucyubakisha. Iyo ari ibiti gusa barakureka ariko iyo ukoresha ibikoresho bindi bisaba uruhushya ubwo rero bakoze inshingano zabo.

  • Uwabashyira muri iriya myanya nkareba icyo mukora, kuki se we yasabye gusana ikiraro yari afite kandi aziko azazana inka nyinshi kandi mbere yuko bajyayo baranamwandikira agasubiza wenda asaba modification y’icyangombwa ariko ikigaragara nuko nawe atabikoze. Ahubwo yishakiye abanyamakuru ngo asebye ubuyobozi.

  • Iyo abashyira akantu mbere , byari gucamo. ubu ngo ngo bakise Imikoranire myiza cyangwa Mutuel. Ariko birababaje. Gusa niyihangane azashaka ibindi .

Subiza

Your email address will not be published. Required fields are marked *