• 16/12/2019 2:51 59

Muhanga/Rugendabali: Hari abanze kwiyandikaho abana mu bitabo by’Irangamimerere

Ababyeyi bafite abana babyariye iwabp baravuga ko bahangayikishijwe no kuba batabona abateye inda abo bana bakaba barimo kwandikwa ku mubyeyi umwe nawe udafite ubushobozi bwo kubarera.

Mayor Uwamariya Beatrice yerekwa Ibitabo by’Irangamimerere Umurenge ukoresha

Iki kibazo cyagarutsweho ubwo hatangizwaga ICyumweru   cy’Irangamimerere cyabereye mu   Kagari ka Kibaga, mu Murenge wa Rugendabali mu Karere ka Muhanga.

Abakobwa bari munsi y’Imyaka 18 y’amavuko barenga 20 nibo banditsweho abana babyariye iwabo mu bitabo by’Irangamimerere  uyu munsi.

Ababyeyi babo babwiye Umuseke  ko ibi bigarazaga ko  ba Se batabemera ahubwo ko bagiye kurerwa na ba Nyirakuru cyangwa ba Sekuru.

Kabayiza Emmanuel Umwe muri aba babyeyi avuga ko   Umwana we akimara kubyara  yamubajije uwo babyaranye yamwijeje ko azatunga Umwana ariko birangira atabikoze ahubwo agasaba ko bamuha amafaranga yo  kubaka inzu yo kubamo mbere yuko yemera uwo mukobwa n’Umwana  babyaranye.

Yagize ati:”Jye namaze kubona ko amushyizeho amananiza nsaba Umwana wanjye ko yihutira kwandikisha uwo yabyaye”

Cyakora akavuga ko ibi bikwiriye kubera abandi batarabyara inda zitateguwe isomo.

Mikamana Pelagie we avuga ko afite abuzukuru babiri babyawe n’Umuhungu we akanga kubatunga.

Akavuga ko  bombi bafite imyaka irenga 10 y’amavuko  batanditse  mu bitabo by’Irangamimerere.

Ati:”Mperuka kubona uyu musore wanjye aza kureresha abana, yashatse undi mugore utari nyina w’abana ubu ndamuhagara akanga kwitaba”

Mayor Uwamariya Beatrice Umuyobozi w’Akarere ka Muhanga yasabye ko abaturage bumva akamaro ko gukoresha irangamimerere kuko bikorwa ku buntu.

Yavuze ko  kwandikisha abana bigomba kubanziriza ibindi Umuntu atekereza bishingiye ku manza z’abatemera abo babyaye.

Ati:’Umwana wese afite Uburenganzira bwo kwandikwa mu bitabo by’Irangamimerere, gusa hagomba gukurikiraho n’ibihano by’abahohotera abana”

Abarenga 20 mu Kagari ka Kibaga nibo biyanditseho abana bakaba barabyaye inda zitateguwe muri uyu mwaka wa 2019.

Usibye iki kibazo, hari abaturage bagaragaje ko  bafite   ikibazo cy’amazina ari mu ndangamuntu adahuye n’ari mu bitabo by’Irangamimerere.

Basobanuriwe ko amazina  ari mu ndangamuntu ashobora guhin duka, babwirwa ko inyandiko z’ Irangamimerere zidahunduka.

Ibitabo 6 by’Irangamimerere nibyo Umurenge ukoresha kugeza ubu.

Mukamana Pelagie avuga ko atunze abuzukuru babiri babyawe n’Umuhungu we batanditse mu bitabo
Abaturage bo mu Kagari ka Kibaga mu Murenge wa Rugendabali bavuga ko ikibazo cy’abakobwa babyarira iwabo kibahangayikishije.

MUHIZI ELISEE
UMUSEKE.RW/Muhanga.

Subiza

Your email address will not be published. Required fields are marked *