• 20/01/2020 2:05 51

Muhanga: Itsinda ry’abantu bitwaje imihoro batemye abantu

Muhanga – Mu ijoro ryakeye mu murenge wa Shyogwe, abantu bivugwa ko barenga 10 bitwaje imihoro n’ibisongo biraye mu baturage batema abantu bane (4) ku mpamvu zitaramenyekana, harakekwa ubujura n’ubwo ntacyo bibye aho banyuze hose.

Nishimwe Viateur arerekana aho yatemwe munda.
Nishimwe Viateur arerekana aho yatemwe munda.

Abaturage bakorewe ubu bugizi bwa nabi babwiye Umunyamakuru wacu i Muhanga ko ababateye bari itsinda ry’abantu barenga icumi (10), ryaje ritema abantu bane (4) mu midugudu itandukanye.

Abo batemye barimo umugabo umwe wubatse n’abasore batatu, icyakora bose baracyariho ntawapfuye kuko bahise bajyanwa kwa muganga.

Aba bantu bane batemwe n’aba bagizi ba nabi babakomerekeje nyuma babajyana mu bitaro baravurwa barataha.

Umwe mubatemwe ni Nishimwe Viateur wo mu kigero k’imyaka 25, mu buzima busanzwe ni ‘kigingi’ w’imodoka zitwara abagenzi, bamutemye mu nda no mu mutwe.

Nishimwe yadutangarije ko baje agiye kwinjira mu nzu umwe aturuka hepfo undi aturuka haruguru baramugota, mu minota ibiri hahita haza n’abandi bamuhurizaho imihoro baratema, icyakora bikanga irondo bariruka barahunga.

Se w’uyu musore wari uryamye abyutse ngo yasanze biruka.

Intego z’aka gatsiko k’abagizi ba nabi ntiziramenyekana kuko n’ubwo ubuyobozi bw’inzego z’ibanze bukeka ko intego yako yari ubujura, abaturage bo bavuga ko nta kintu na kimwe bigeze biba ahubwo batemye abantu.

Mu midugudu ya Murambi, Nyacyamu, na Kabeza, yo mu kagari ka Ruli, Umurenge wa Shyogwe bagiye bahatema byibura umuntu umwe.

Umunyamabanga Nshingwabikorwa w’umurenge wa Shyogwe Habinshuti Vedaste, yavuze ko amakuru bafite ari uko abo bantu “bashakaga kwiba”, ngo kuko hari amakuru yari yasakaye mu baturage ko umukecuru batemeye umwuzukuru yaba yagurishije itungo, bagezeyo basanga ntaryo yagurishije batema umwuzukuru we w’umusore.

Mu ngo zose banyuze nta kintu bibye, icyakora habaye inama y’umutekano yo guhumuriza abaturage, hasabwa ko abantu bakora irondo bakongerwa.

Hari amakuru agera ku Umuseke avuga ko haba hafashwe abantu batandatu bafitanye isano n’iki gitero bakaba bari gukorwaho iperereza.

MUHIZI Elisee
UM– USEKE.RW/Muhanga

0 Igitekerezo

  • Ariko intara y’amajyepfo ishobora kuba irimo inyeshyamba. Ibyo koroshya ngo ni abajura bakabura koherezayo ingabo. Bashobora kwisanga amazi yarenze inkombe.Nakwambia kabisa

  • Reka ntimuga kabye nimusigeho kubeshya buriyase kiriya gipfuko kimeze kuriya mbona nicyuruguma rw’umuhoro koko?

    • None se urabona ari umubu wamurumye? ODA ibyawe si bizima.

    • Uruguma rw’umuhoro rumera rute?

  • amarondo yarakwiriye gukora neza cg za DASSO bazongerere imbaraga mubyitumanaho kugira zijye zitabara vuba izo ngegera zitarakora amahano wasanga twarinjiwe n’ibigarasha tutabizi ariko bazafatwa amaherezo

  • Bamuhurijeho imihoro hanyuma batema namwe.ntimukatubeshye

  • ariko se nka hariya za gisagara usanga abantu bambaye amashati yimbonerakure zi burundi bidegembya ni gute harangwa umutekano, cyokora hakwiye gukanguka kwinzego zibishinzwe pe

  • Nyamara ibi bintu si ubuhoro. kuvuga ngo bigamije ubujura ntibikuraho ko ari ubugizi bw’anabi kandi bwitwaje intwaro (keretse niba bwemewe). Rwose inzego z’umutekano nizihaguruke tutazashiduka twinjiwe tutabizi.

  • Ariko rero Leta n’inzego z’umutekano nibahagurukire iki kibazo!!!! Ndabyibuka muri za 91 inyenzi zarateraga zigafata nka segiteli! Itangazamakuru ritinta na centimetero bafashe!!! None Abanyarwanda ko dufite experience mbi y’amahano yagwiriye igihugu cyacu 94 none intara y’amajyepgo yaba yarinjiriwe tukagumya tuvuga ngo Ni abajura??????? Ese uwo mujura uza atemagura abantu kuki iyo afashwe adashyirwa Ku Karubanda agahishurwa kandi uwafatanywe ibiyobyabwenge akagaragazwa!??? Ubutabera bwisubireho kbsa ejo tutazisana twasandaye!!!!

  • Ngo ubujura? Murabeshya aba bantu bari muyindi gahunda nonese abaturage ntibavuzeko nta kintu na kimwe bibye? Tubyitondere naho kuvugango bakaze amarondo? Ngo noneho hagiye kujyaho nayumwuga da. Uzirirwa kuzuba uhinga cyangwa upagasa nutaha urye nyuma ngo ugiye kurara amarondo koko murumva bishoboka? Icyo kibando cyawe nuhura nabantu bafite urusasu sinzi icyo kizakora. Ndabona bimeze nka byabindi boherezaga abaturage nimyambi nimpiri ngo bajye kurwanya inkotanyi ngo kuko zirasa amashaza.

  • Ibi bintu nyamara si ibyo kujenjekerwa. Njye nifitiye ubwoba, kuko MVA mbona ingabo zacu tuba turi kumwe nazo buri munsi, ariko ibi aho bituruka haranyobeye haranyobeye!

  • Leta nirebane ubushishozi iki kibazo hafatwe ingamba mu maguru mashya.

  • Nyamuna ibintu mwibifata minenego kabisa iki nikibazo pe. Bivuye nyaruguru none bigeze muhanga dukwiye guhaguruka mumaguru mashya tukarwanya ibibintu.Mureke kuvuga ngo nubujura kandi abantu bafpa.

  • ariko mwasizeho rwose,
    ngo ni abajura da!!!!!!!!!!!

  • sha niba ari nibigarasha tuzahangana kuko utaranigwa agaramye agirango ijuru riba hafi.uzi wese ko abifitemo uruhare azafatwa.ikitaduteye ubwoba nicyo.

  • Wapi njye ndabona abantu badashaka kugera muri 2018, iyo abaturage bamwe bavugije induru, abandi baba bakwiye kujya mwidirishya gusa na telefone bagahamagara abashyinzwe umutekano, polisi ifite nr nyinshi zitishyura, amarondo afite za telefone kuki batazikoresha??? communication irinda gutera imbere bakavugana aho kwiruka hanze kuko nabamaronde barwanda nabafite blend bakoresheje itumanaho, si imbaraga cg guhemba menshi amarondo hindura ukwo amarondo akorwa hirya no hino

Subiza

Your email address will not be published. Required fields are marked *