• 12/12/2019 7:29 53

Muhanga: Imihigo y’ubuhinzi iri kuri 87%, imwe mu y’ubworozi kuri 0%

Perezida w’inama Njyanama y’Akarere ka Muhanga Shyaka Théobald avuga ko mu isuzuma ry’imihigo hirya no hino mu Mirenge, basanze irebana n’Ubuhinzi iri hejuru ya 80% naho ngo ijyanye no gukingira amatungo indwara y’ubutaka ikiri kuri 0%.

Perezida wa Njyanama ya Muhanga avuga ko ubu bahagurukiye kugenzura imihigo
Perezida wa Njyanama ya Muhanga avuga ko ubu bahagurukiye kugenzura imihigo

Igenzura rigamije kureba imihigo Akarere, Imirenge, n’Utugari bishyira mu mpapuro niba hari aho ihurira n’ishyirwa mu bikorwa byayo nk’uko abajyanama babivuga.

Shyaka Théobald yabwiye Umuseke ko ubusanzwe  nta mwanya uhagije bafataga ngo bajye kureba uko imihigo ishyirwa mu bikorwa.

Ati: “Imihigo y’ubuhinzi mu nyandiko igaragaza ko iri ku gipimo cyiza,  gusa gukingira amatungo biri hasi ndetse umuntu yavuga ko ari Zero”.

Shyaka yavuze ko  biremyemo amatsinda atandatu kugira ngo barebe niba inkingi eshatu zose zihagaze neza mu mihigo cyangwa niba hari imbogamizi imwe muri yo yaba yarahuye nazo.

Umuyobozi wungirije ushinzwe Iterambere ry’Ubukungu mu Karere ka Muhanga Kayiranga Innocent avuga ko umwanya babonye umwaka ushize udashimishije, batifuza bawugarukamo.

v
Ubuhinzi bw’ibigori mu bishanga basanga buri ku kigero kiza k’imihigo bahize

Avuga ko  mu mirenge wa Nyamabuye na Shyogwe imihigo yo kubaka ibyumba by’amashuli, ibikorwaremezo, SACCO ya Kinini  aribyo basuye kuko iki kigo cy’Imali cyavuzweho amakimbirane n’imicungire mibi y’amafaranga y’abanyamuryango basanga byarakosowe.

Bamwe mu baturage mu Mujyi wa Muhanga mu minsi ishize banenze abagize Njyanama y’Akarere ko batajya bita ku bibazo by’abaturage, bakanga kwiteranya na Komite kuko benshi muri abo ari abakozi b’Akarere mu bigo nderabuzima no mu mashuli.

Aba baturage bakavuga ko hari ubuvugizi abajyanama bari bakwiye gutindaho burimo guhwitura Nyobozi kurangiza imwe mu mihanda inyura mu bice bitandukanye by’uyu mugi yatinze kuzura, kuzahura Koperative y’aborozi yadindiye no kwita ku bibazo bibangamiye Imibereho myiza y’abaturage.

Ubushize Akarere ka Muhanga kaje ku mwanya wa 16 mu Mihigo, umwanya abajyanama bavuga ko udahesha ishema abatuye Akarere.

Iyi gahunda yo gukurikirana imihigo ikaba yavanye Mayor w’Akarere mu kiruhuko cy’umwaka.

Kimwe n'ubuhinzi bw'umuceri muri Rugeramigozi ngo buhagaze neza
Kimwe n’ubuhinzi bw’umuceri muri Rugeramigozi ngo buhagaze neza
Imihigo yo Gukingira amatungo ku ndwara y'ubutaka biri kuri 0%
Imihigo yo Gukingira amatungo ku ndwara y’ubutaka biri kuri 0%

MUHIZI Elisée
UM– USEKE.RW/Muhanga

1 Igitekerezo

  • […] Ibi bije nyuma y’aho y’aho mu ngendo abagize Inama Njyanama y’Akarere ka Muhanga bakoreye … […]

Subiza

Your email address will not be published. Required fields are marked *