Mu bipimo byafatiwe mu Midugudu i Kigali habonetse 2200 banduye Covid-19, uyu munsi yishe 11 - UMUSEKE

Mu bipimo byafatiwe mu Midugudu i Kigali habonetse 2200 banduye Covid-19, uyu munsi yishe 11

Ukeneye kwamamaza! Gusobanuza! Gutanga amakuru? Hamagara 0788772818

Minisiteri y’Ubuzima yatangaje ko kuri iki Cyumweru habonetse abantu 2 773 banduye Covid-19, barimo ababonetse mu bipimo byafatiwe mu Umujyi wa Kigali bagera ku 2225. Abantu 11 bishwe na Covid-19.

Ibipimo byafashwe mu Midugudu byatumye umubare w’abanduye ku munsi uzamuka

Ku wa Gatandatu hari habonetse abantu 1997 banduye Covid-19 barimo 1391 babonetse mu bipimo byafatiwe i Kigali.

Abantu 11 bishwe na Covid-19 barimo abagore batanu b’imyaka 75 (i Rulindo), 71, 66 (i Kigali), 69 (Rubavu) n’undi w’imyaka 69 (Rusizi) n’abagabo batandatu b’imyaka 71 (i Rulindo), 69, 60, 57 (i Kigali) 62 (Huye) n’undi w’imyaka 50 (i Karongi).
Muri rusange abantu 649 bamaze kwicwa na Covid-19 ku butaka bw’u Rwanda.

Uyu wari umunsi wa kabiri hapimwa abantu benshi nk’imwe mu ngamba zashyizweho zo kugenzura imiterere y’icyorezo cya COVID-19 mu gihugu, mu gihe abaturage bo mu Mujyi wa Kigali n’Uturere 8 twashyizwe muri Guma mu rugo y’iminsi 10.

Muri rusange hafashwe ibipimo 73,608 byafashwe ku munsi umwe bibonekamo ubwandu 2773. Bivuze ko ijanisha ry’abanduye ugereranyije n’abapimwe ari 3.7%.

 

Dore uko ubwandu bwagaragaye

Kugeza ubu abamaze kwandura bose hamwe ni 57,322, kuva icyorezo kigeze mu Rwanda, abakize ni 40, 041 barimo abagera ku 1 855 bakize mu masaha 24 ashize.

Abantu 16 632 baracyari kwitabwaho ahantu hatandukanye havurirwa Covid-19 cyangwa mu ngo zabo, muri bo 72 bararembye.

Abamaze gukingirwa urukingo rwa Covid-19 ni 406 004.

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

UMUSEKE.RW

1 Rikumbi nicyo gitekerezo kimaze gutangwa

  • mwaramutse,
    iyo mutugaragariza uko imirenge yo muri kigali ihagaze!
    ariko nabantu benshi batamenye gahunda yo gupimwa!
    cyangwa harabo byarebaga si bose batuye mu mujyi wa kigali?

Subiza

Your email address will not be published. Required fields are marked *