• 24/01/2020 12:16 54

MissRda2019: Uwa gatatu usezerewe noneho ntatashye mu gicuku nk’ abamubanjirije

Umurungi Sandrine niwe usezerewe bwa gatatu mu irushanwa rya Miss Rwanda aho agiye asanga abandi bakobwa babiri basezererewe aho bari mu mwiherero i Nyamata gusa ibyo gutaha mu gicuku nkuko byagenze ku bandi byakuweho kuko uyu mukobwa azataha ku munsi w’ ejo.

Umurungi Sandrine niwe mukobwa wa gatatu usezerewe mu irushanwa rya Miss Rwanda

Ku munsi wo ku cyumweru nibwo abakobwa 20 bagiye mu mwiherero w’ irushanwa rya Miss Rwanda 2019 batangiye gukurwamo bamwe bazajya basezererwa kugeza hasigaye 15 bazagera kuri final.

Ku munsi wa gatatu basezerera aba bakobwa hasezerewe uwitwa Umurungi Sandrine ugiye asanga abandi barimo Higiro Joally na Igihozo Darine.

Aba bakobwa bari hafi yo kuzuza ibyumweru bibiri bari mu mwiherero mu cyumweru cya mbere babanje gutozwa no kwigisha ibyo bazabazwa kugirango hamenyekane abazasezererwa.

Mu kubasezerera babanza gukora ibizamini byisuzuma bagakosorwa n’ abagize akanama nkemurampaka ari nabo banzura usezererwa.

Mbere yo gutangaza abakomeza babanza kwerekana amajwi y’ abakobwa bagiye batorwa cyane binyuze mu butumwa bugufi bwo kuri telephone ngendanwa.

Kuri ayo majwi umukobwa uba uri imbere aba afite amahirwe kurenza bagenzi be. Uwari ayoboye urwo rutonde ni Mwiseneza Josiane n’ amajwi ibihumbi 21 937, akurikiwe na Uwicyeza Pamella n’ amajwi ibihumbi 18 980.

Uyu munsi  abakobwa 18 bari basigaye mu irushanwa babanje guhabwa ikizamini kibijyanye no k’ umuco w’ u Rwanda. Abakobwa babiri bahuriye ku mwanya wa nyuma wo gushaka uvamo ni Umukundwa Clemence na Umurungi Sandrine ari nawe waje kuvamo.

Ku bijyanye n’ amajwi yo mu butumwa bugufi batanu ba mbere bakomeza mbere
Uyu munsi bakoze ikizamini kerekeye k’ umuco
Umurungi Sandrine yari ahanganye na Umukundwa Clemence
Nyirishema Celestin ugize akanama nkemurampaka kabaza aba bakobwa mu mwiherero
Usezerewe bagenzi be bamusezeyeho

Bonaventure KUBWIMANA

UM– USEKE.RW

Subiza

Your email address will not be published. Required fields are marked *