• 22/01/2020 12:23 55

Miss Rwanda 2019: Higiro Joally na we yasubije ibibazo twamubajije

Nawe ari mu bakobwa 20 bagiye kujya mu mwiherero guhatanira ikamba rya Nyampinga w’u Rwanda, ahagarariye Intara y’Iburasirazuba nawe twamubajije ku bibazo by’ubumenyi rusange nk’ibyabajijwe Mwiseneza na bagenzi babo badusuye ejo.

Joally afite ikizere cyo kwegukana ikamba rya Miss Rwanda 2019
Joally afite ikizere cyo kwegukana ikamba rya Miss Rwanda 2019

Higiro atuye mu karere ka Gasabo Umurenge wa Kimironko mu kagari ka Kibagabaga.

Umuseke: Iyo bavuga ko u Rwanda ari igihugu cy’imisozi 1000 wumva baba bashaka kuvuga iki?

Joally: U Rwanda uko tubizi ni igihugu cy’imisozi, iyo bavuga ko u Rwanda rufite imisozi aho ni ukugenekereza ariko ni urw’imisozi.

Umuseke: Perezida wa Repubulika muri iyi minsi ari mu ruzinduko mu kihe gihugu?

Joally: ….(ntabwo akizi)

Umuseke: Ibyiciro by’ubudehe ni bingahe? Byashyizweho ngo bimarire iki?

Joally: Ni bitanu(5)…..Mbere bitarashyirwaho hari ukuntu bafatiraga muri rusange ugasanga bahuje uwishoboye n’utishoboye, ubu byafashije wa wundi utishoboye kugira icyo amarira igihugu.

Umuseke: Minisitiri w’intebe w’u Rwanda yitwa nde?

Joally: Dr Ngirente Edouard

Umuseke: Umusozi muremure wa Kilimandjalo uba mu kihe gihugu?

Joally: Muri Tanzania

Umuseke: Umusozi muremure mu Rwanda ni uwuhe?

Joally: Eehehehehheh, ikirunga??? (cyamunaniye)

Umuseke: Miss avuga iki ku mavuta atukuza uruhu Leta y’u Rwanda iherutse guca?

Joally Higiro
Joally Higiro

Joally: Buriya baba bakeneye kwivugurura!!! Gusa bigira ingaruka mbi ku mubiri w’umuntu ariko ababikora buriya baba bafite icyo bashaka gusa ku bwanjye simbishyigikira kandi nshyigikiye ko Leta y’u Rwanda yabica.

Umuseke: Ubona ute cyangwa uvuga iki ku bumwe n’ubwiyunge? Hari umusanzu ubona watanga kuri bwo?

Miss Joally: Ukuntu mbibona mbona ari byiza ukurikije amateka y’u Rwanda kuko bongera kumva ari abantu bamwe nta macakubiri.

Ikiganiro kirambuye na Higiro Joally:

Bonaventure KUBWIMANA
UM– USEKE.RW

5 Ibitekerezo

  • Ahaaaa, biratangaje biranababaje cyane kubona umuntu ushaka kuba miss atanazi ibyiciro by’ubudehe ko ari 4 ndetse ko impamvu byashyizweho ari ukugirango bifashe igihugu mu igenamigambi rishingiye kumwenegihugu hitabwa kukuzamurana mu iterambere noneho akaba avugako afite imishinga izafasha abaturage akaba atazi abaribo.

  • Mu mutwe ni vide basi ! Ariko izi secondaires bigamo iki kweli ku buryo umwana amaramo imyaka 6 agasohokamo umutwe uhubangana nta kintu kirimo ?!

  • Yayayaaaa ! Umuntu utunze smart phone kweli akaba adashobora no gusoma amakuru ngo amenye aho President yagiye kuduhahira ! Ubu se uyu harya afite mishinga nyabaki ? Iyi miss Rwanda 19 nimara kurangira, hanyuma COGEBANK ikaba itarivana muri iyi mafia/fiasco, nzahita mfunga bank accounts zanjye ziri muri COGEBANK kandi nshishikarize n’inshuti zanjye, kimwe n’inhuti zabo kubigenza gutyo ! Ni urukozasoni pe !

  • Aba babatambutsaga bwerere twirebera
    Abana bashoboye barabareka
    None bari kwinyuramo
    Uyu utazi naho papa wacu yagiye
    Nta menye kalisimbi ituzanira amadovize
    Nta menye uko abakene babayeho mu byiciro
    Niwe uzatuzanira iki??? Koko
    Ubumwe nu bwiyongere ho nta numbwo azi icyo bivuga
    Mwagombaga ku mubaza muri francais or anglais niho yari kubimenya
    Ubwo rero ugafata uyu kuko ngo arusha housing mwiseneza we ukamusiga we afite bagage yuzuye
    Umukobwa uzi ubwenge yigeze ibwami
    Nzagwa kuri mwiseneza sindya iminwa

  • Uyumudamu nimwiza ariko numutesi pe yaje mwirushanwa nta cwa kubijyanye nibera Murwagasabo ndagapfusha Rusake

Subiza

Your email address will not be published. Required fields are marked *