• 14/12/2019 3:32 05

Miriyoni 44 zigiye guhabwa rwiyemezamirimo w’Afurika wahanze udushya

Amadorali y’Amerika ibihumbi 50 ahwanye n’Amanyarwanda asaga miriyoni 44, ni yo azahabwa rwiyemezamirimo wahanze udushya mu birebana n’ikoranabuhanga.

Ni igihembo cyiswe African Innovation Challenge cyateguwe na sosiyete mpuzamahanga yitwa JOHNSON AND JOHNSON.

Umuyobozi Mukuru ushinzwe ishami ry’ikoranabuhanga muri Johnson & Johnson, Josh Ghaim, avuga ko ari igihembo kizegukanwa na rwiyemezamirimo uzaba yitabiriye amarushanwa mu kugaragza imishinga irimo udushya haba mu nzego z’ubuzima, ibidukikije, ikoranabuanga n’ibindi.

Ku birebana n’udushya mu byerekeranye no gucunga imyanda, Umuyobozi Mukuru Wungirije w’Ikigo cy’Igihugu gishinzwe kubungabunga ibidukikije (REMA) Munyazikwiye Faustin, avuga ko kugeza ubu ku ruhande rw’u Rwanda nta kibazo gihari kijyanye n’imicungire y’imyanda ikomoka ku bikoresho by’ikoranabuhanga, aho yatanze urugero rw’amasezerano mpuzamahanga u Rwanda rwashyizeho umukono.

Akomeza agaira ati “U Rwanda rwasinye amasezerano mpuzamahanga agamije gukumira iyinjizwa ry’ibikoresho bifite ibinyabutabire, ku buryo kugeza ubu hagiyeho uruganda mu Karere ka Bugesera rufasha gutunganya imyanda ikomoka ku bikoresho by’ikoranabuhanga ku buryo bishobora kuvanwamo ibindi bikoresho bifite akamaro, bityo iyo myanda aho kuba ikibazo ikaba igisubizo ubwo murumva ko ako kamwe mu dushya mu ikoranabuhanga ku buryo bidashobora gutera ingaruka abaturage.”

Seema Kumar, Visi Perezida ushinzwe guteza imbere itumanaho na gahunda zirebana n’udushya muri sosiyete mpuzamahanga ya JOHNSON, avuga ko ayo marushanwa bayatekereje mu rwego rwo gufasha ba rwiyemezamirimo bo mu karere kugaragaza akamaro kabo mu gushyira mu bikorwa imishinga yagirira akamaro abaturage cyane bo kuri uyu mugabane.

Ati “Ni amarushanwa yateguwe agamije gukemura bimwe mu bibazo bikomeye bikigaragara mu baturage, ahanini bigamije gusubiza ibibazo by’Abanyafurika bikiri mu nzego zitandukanye zubuzima kandi byagiye bitanga umusaruro ufatika’’.

Ibyo bihembo ku birebana n’abatsinze bizatangazwa mu mwaka utaha 2019, hamaze kugaragara rwiyemezamirimo watsinze ayo marushanwa.


Subiza

Your email address will not be published. Required fields are marked *