• 12/12/2019 2:11 20

Minisitiri yasanze hari ‘directeur’ w’ikigo utaragera mu ishuri kuva batangira

Directeur yisobanuye
Minisitiri yasabye ko abihanirwa

Minisitiri w’uburezi Dr Eugène Mutimura uyu munsi mu gitondo yari mu karere ka Rubavu mu bugenzuzi iyi Minisiteri ikora ku mashuri atandukanye. Ku ishuri ribanza rya Kavumu mu murenge wa Gisenyi Minisitiri yasanze umuyobozi w’iri shuri atarasura abarimu n’abanyeshuri mu mashuri kuva uyu mwaka watangira.

Minisitiri hamwe n'abo bagendanye baganira n'umuyobozi w'ishuri rya Kavumu
Minisitiri hamwe n’abo bagendanye baganira n’umuyobozi w’ishuri rya Kavumu

Ni mu bukangurambaga bugamije gukurikirana imyigire n’ireme ry’uburezi ku banyeshuri ubu iyi Minisiteri ikora buri mezi atatu nk’uko Minisitiri abivuga.

Dr Mutimura yavuze ko ari kujya mu mashuri areba cyane cyane ubushobozi bw’abanyeshuri agereranyije n’ikiciro bigamo ndetse na raporo zitangwa.

Ati “Gahunda si ukureba ibiri hanze gusa ni ukujya mu ishuri imbere tukareba uko mwarimu yigisha, ese mwalimu afite ubushobozi?  abana bari kwiga ntibasiba n’ibindi…”

Ku ishuri ribanza rya Kivumu avuga ko yasanze umuyobozi w’ikigo atarasura abarimu mu mashuri ngo amenye imikorere yabo.

Niyitegeka Geraude umuyobozi w’iri shuri yabwiye Minisitiri ko kuva uyu mwaka watangira yagize akazi kenshi ko gushyira abarimu mu myanya n’abanyeshuri mu mashuri ntabone umwanya wo gusura abarimu aho bari mu mashuri. Ibisobanuro bitanyuze Minisitiri.

Ati “ntaho asinya ntaho agaragaza, abana barasiba nta gikurikirana…twasabye ubuyobozi bw’Akarere kumufatira ibihano bikwiriye”.

Mu ishuri rimwe yasanze harimo abana icyenda (9) basibye ku mpamvu mwarimu atazi, ndetse kugeza saa tatu Minisitiri aza muri iri shuri mwarimu yari atarahamagara ngo amenye abasibye.

Minisitiri abaza abana ibyo biga agenzura ubumenyi bwabo
Minisitiri abaza abana ibyo biga agenzura ubumenyi bwabo

Hari ibyo yashimye

Minisitiri Dr Mutimura avuga ko yishimiye gusanga abana bo muwa gatandatu kuri iri shuri bazi neza amasomo biga y’imibare n’indimi mu mwaka bagezemo.

Avuga ko aribyo arimo gusuzuma cyane kuko ngo hari aho Minisiteri ijya bagasanga ubushobozi bw’abanyeshuri mu gusoma cyangwa kwandika n’ibindi buri hasi cyane y’umwaka bigamo.

Minisitiri avuga ko bateganya ko buri mwaka hajya haba isuzumabumenyi ku myaka yose kandi ntibivaneho isuzumabumenyi ritegurwa na REB ku barangije umwaka wa gatandatu w’abanza.

Yavuze kandi ko hari ikibazo cy’abarezi badafite ubushobozi bazagenda bahugurwa ariko ko nyuma y’imyaka itatu ine abo bizagaragara ko nta bushobozi bafite bazafatirwa ingamba.

Asaba kandi ababyeyi b’abana kugira uruhare rutaziguye mu myigire yabo ntibikunde ngo babakoreshe imirimo ituma batabasha kujya kwiga.

Minisitiri mu ishuri yasanze hari abana 9 basibye mwarimu atarabimenya
Minisitiri mu ishuri yasanze hari abana 9 basibye mwarimu atarabimenya
Kuri Groupe Scolaire Amahoro yashimye cyane Smart class room yasahanze ko icunzwe kandi ikoreshwa neza, na we abemerera mudasobwa 10
Kuri Groupe Scolaire Amahoro ho yashimye cyane Smart class room yasahanze ko icunzwe kandi ikoreshwa neza, na we abemerera mudasobwa 10
Ku ishuri ry'incuke ry'Amahoro yasanze abana banywa amata nawe arabaha
Ku ishuri ry’incuke ry’Amahoro yasanze abana banywa amata nawe arabaha

Alain K. KAGAME
UM– USEKE.RW/Rubavu

13 Ibitekerezo

  • Kugenzura imyigishirize y’abarimu umunsi ku wundi bishinzwe Prefet des etudes. Ariko aya matiku yo guhoza abarezi bahembwa urusenda ku nkeke agamije iki ra? Buriya se Ministri we azenguruka ibiro by’abakozi ba MINEDUC agenzura imikorere yabo? Niwe ushinzwe uwo murimo w’ibanze? Abayobozi b’imirimo na PS bagakora iki se?

  • @Akumiro
    Amashuri abanza nta préfet des études agira. Abo baba mu mashuri yisumbuye nabwo afite abanyeshuri bangana cyangwa basaga 700.Visites pédagogiques mu mashuri abanza zikorwa n’umuyobozi w’ikigo.

  • Ubanza ariko ba Directeurs na Inspecteurs mu burezi barakuweho abantu ntibabimenye! Mineduc ni yo ihindagurika cyane wasanga iyo myanya y’akazi itakibamo da!

  • Ariko ibi ni ubuswa. None se ministre azazenguruka ibigo bose mu Rwanda? Aka si akazi ke rwose, abashinzwe uburezi ku murenge ndetse na ba Dean of studies( préfét des études) ku bigo ni bo bashinzwe ibi. Iyo bigeze kure ni ushinzwe uburezi mu karere ukora iyo descente, apana ministre. Guhuzagurika kuzuye ubuswa!!!

  • @Gasore ,kuvuzengo nakazi ka minister koko akabasanze bimeze gutyo,kuko utibaza impamvu izonzego zose zitakoze akazi nabo kuburyo batungurwa.

  • gusa jye ndashima ibiri gukorwa gusa bagere hose kuko nkaho ntuye iwacu directeur agera kukigo 2 mukwezi ikindi abarimu basiba uko bishakiye ntamwana numwe ujya utsinda murumvako ati ikobazo nikuri primaire ya mwendo mukarere ka huye mumurenge wa rwaniro

  • Nkurikije ubunararibonye bwanjye ibyo Mineduc irimo iratandukira cyane; irimo gusesagura umutungu kubera za missions; gukora inshingano z’imirenge n’akarere; gufata ibyemezo bishoboka ko byihuse bitizwe neza kubera wenda uko uwo nyakubahwa yabyutse ndetse no kwereka mwalimu ko nta gitekerezo yatanga mu migendekere myiza y’akazi. Rwose nibace bugufi baganirize abarezi ntacyo byatwara

    • Nkurikije…, cyane…, neza…, wenda…, ndetse…., imigendekere…, ubunararibonye…, rwose…, ntacyo byatwara….Aya ni amwe mu magambo y’ikinyarwanda aranga igitekerezo gishingiye ku marangamutima, kidafite any intellectual substance in it. Aya magambo umuntu ujijutse wese arayirinda iyo atanga igitekerezo cye, kuko ni red flags.

  • Ndumva nta kibazo kibirimo rwose ki ministre ajya gusura ibigo.ibyo.muvuga ni bimwe byo kumva ko abayobozi bamwe bagomba kuba mu biro kandi aho ikibazo cy uburezi kigeze buri munti wese agomba guhaguruka.ahubwo n abaturage bazabahe uburenganzira bage bajya kwirebera ibitagenda.IKIBAZO NI KIMWE NI UKO ABA BAYOBOZI BASHAKIRA AMAKOSA AHO ATARI NTIBAREBE ROOT CA– USE Y IBI BIBAZO BYO MU BUREZI,UGASANGA BA REPROCHA ABARIMU CG SE BA DIRECTORS B IBIGO AMAFUTI, ARIKO NTIBATAHE NGO NABO BIBAZE KU RUNDI RUHANDE IMPAMVU IBI BIBAZO BITABAGAHO KERA NONE BIKABW BIBA UBU.ARIKO BARABIZI KO ARI UKUBERA IMIBEREHO MIBI ITERWA NO GUHEMBWA UR– USENDA KW ABARIMU, NTA MOTIVATION BAKIGIRA.GUSA ABAYOBOZI BARABYIRENGAGIZA BAKARENZAHO.NI HATARI KABISA

  • Uyu mu Minisitiri arakubita mn ndamwemera cyane.

  • Dore ahondi ntakijya gikanga mwarimu kubera umushara mucye rwose ntibakidukanga bajye baza batahe birangire bityo tumaze kubahaga nibirire mission basigaye batubwira ngo mukarere bazaza umuyobozi wacu ati nibyabikabyo byabo baje muri mission ntimugire ubwoba mukore nkibisanzwe kubona baramutukaguye munama ngo mukigo cyacu bahasanze ibiheri akicecekera kandi nta internat tugira maze akarere kakamubwira ngo aceceke ntasubizanye na minister araceceka baramutuka barangije barataha hhhhhh nakumiro nabo baramutekinika arabakozi be nkaswe.

  • Ndabona uyu mu ministre nta kazi afite kuzenguruka mu mashuli si akazi ke hari abandi babikora.cg arashaka amanota kwa Musehe.
    nyamara ndabona nawe nta mwanya azamara ari ministre

  • Genda MINEDUC waragowe rwose!niyo minisiteri ihoramo akajagari kadashira,ibyemezo buhindagurika uko bwije n’uko bukeye,etc……

Subiza

Your email address will not be published. Required fields are marked *