• 18/01/2020 6:48 04

MINISANTE ntikora ibyo yemereye Urugaga rw’Abaforomokazi n’Ababyaza

Nyuma yo kwiga, kwinjira mu rugaga rw’iyi myuga bisaba gukora ikizamini ukabona kujya ku isoko ry’umurimo, amafaranga 40 000Frw yacibwaga umunyeshuri y’ikizamini yavanyweho kuva 2016 ku busabe kandi bwa Perezida wa Republika wasabye MINISANTE kuziba icyuho cy’ubushobozi, MINISANTE ngo yarabyemeye ariko ntiyabikora. Ibizami ubu ntibikorwa uko bikwiye, abanyamwuga nabo ntibaboneka uko bikwiye, ingaruka ngo ziragera ku murwayi.

Abaforomo n'ababyeza babishoboye ni abakozi b'ingenzi cyane mu buvuzi hose mu bitaro
Abaforomo n’ababyeza babishoboye ni abakozi b’ingenzi cyane mu buvuzi hose mu bitaro

Iki kibazo cyagarutsweho kenshi n’abakoreshwaga ibyo bizamini bavuga ko ari umutwaro ku munyeshuri ukirangiza, Nzeri 2016 ubwo Perezida Paul Kagame yahuraga n’abanyeshuri bo mu mashuri makuru na Kaminuza nawe bakimugezaho.

Asaba MINISANTE kugikemura ugiye kwinjira mu mwuga ataranakora akazi ntacibwe amafaranga, nyuma MINISANTE yategetse ko ayo mafaranga y’ibizamini ku muneshuri avanwaho  yo ikaziba icyo cyuho itanga ingengo y’imari isabwa mu gutegura ibyo bizamini.

Ibi bizamini by’abinjira muri uyu mwuga wo kwita ku barwayi bitegurwa kugira ngo abarwayi barindwe abatabifitiye ubumenyi. Bikorwa buri gihe hakurikijwe umubare w’abasaba.

Ubu Inama Nkuru y’Abaforomo, Abaforomokazi n’Ababyaza mu Rwanda (National Council of Nurses and Midwives, NCNM) mu bibazo ifite harimo n’iki cy’abagomba kwinjira muri uyu mwuga kuko ibizamini bitagikoreshwa uko bikwiye kuko ingengo y’imari yemewe na MINISANTE itayitanze uko yabyemeye.

Mu nama imaze iminsi ibiri ibahuje biga ku bibazo muri uyu mwuga banabishakira umuti, iki kiri mu byatinzweho.

Amafaranga yatangwaga n’abashaka kwinjira muri uyu mwuga niyo ngo yategurwagamo ibizamini n’ibindi bigendanye nabyo,

Bosco Munyandinda ushinzwe imari muri NCNM avuga ko mu gihe nta bushobozi bwo kuziba icyuho cyo kubona abaforomo babizi koko aho bishya bishyira ari ku muturage witabwaho nabi kwa muganga.

Inama yaganiriye iki kibazo hamwe n'ibindi biri mu mwuga nk'abatanoza neza inshingano zabo
Inama yaganiriye iki kibazo hamwe n’ibindi biri mu mwuga nk’abatanoza neza inshingano zabo

Yavuze ko kugira ngo abanyeshuri 1 000 bakoreshwe ikizamini cyateguwe kugeza bahawe impamyabumenyi hakenerwa nibura miliyoni 44. Ayo mafaranga kuva babuzwa kuyaca abanyeshuri ntibongeye kuyabona na MINISANTE yemeye kuziba icyuho ntiyabikoze.

Kuva ubwo umubare w’abakora ibi bizamini waragabanutse cyane, hato na hato ibitaro bibishoboye bikeneye abaforomokazi cyangwa ababyaza bigafasha NCNM gukoresha ibizamini bacye bishoboye.

Muri Gicurasi uyu mwaka Inteko (Komisiyo y’uburezi) abo muri NCNM bavuze ko ibyo MINISANTE yemeye itabikora.

Nyuma y’igihe gito MINISANTE yahaye miliyoni 12 NCNM ibasha gukoresha ikizami abagera kuri 400, ibemerera n’andi mafaranga nyuma y’amezi atatu kugira ngo hakore n’abandi ariko nabwo ntiyabikora nk’uko byatangajwe muri iyi nama kuri uyu wa kane.

Uwaje ahagarariye MINISANTE muri iyi nama yavuze ko ntacyo yavuga kuri iki kibazo kuko adashinzwe gutanga amakuru kandi ataricyo cyamuzanye.

Abari muri iyi nama bagaragaje ko igihe nta bushobozi bubonetse bwo gukoresha ikizamini ku bagiye kuvura abantu ari ingorane ku buzima bw’abatuye igihugu.

Dr Donathile Mukamana uyobora ishami ry’ubuforomo n’ububyaza muri Kaminuza y’u Rwanda yagize ati “Mu gihe nta gikozwe amaherezo yabyo ari ku muturage kuko ubuzima bwe nibwo byose bikorerwaho.

Inama Nkuru y’abaforomo ,abaforomokazi n’ababyaza yashyizweho n’itegeko ryo mu 2008 mu byo ishinzwe harimo kugenzura ireme ry’abakora uyu mwuga mu Rwanda.

Dr Mukamana abona iki kibazo ingaruka zacyo zizagera ku murwayi niba kidakemuwe
Dr Mukamana abona iki kibazo ingaruka zacyo zizagera ku murwayi niba kidakemuwe

Theogene NDAYISHIMIYE
UM– USEKE.RW

0 Igitekerezo

  • Igitekerezo cyawe
    nukuri ni ibisambo kiriya kizami kizaveho burundu nkubu bitubuza gukora muri reta rwose kd twize muri france none batubaza mucyongereza nibatabikosora ntago sante izatera imbere rwose

  • ni akumiro ikizamini gikosorwa na 40.000 kiba kimeze gute ko provisoire ya Polisi tuyibona twishyuye 5.000 Gusa buriya kariya gapapuro batanga karuta Provisoire se ubuse ibizamini byabo birindwa n’imbunda zingahe uziko basetsa barabikomeje babyirengeere ubundi bahora batuma abantu batsindwa bashaka kubakamamo amafrw none inzira zarifunze barimo bararira NJYE NDUMVA 5.000 BATANGA IHAGIJE IBINDI NI UBUJURA UZIKO WAGIRANGO BACUMBIKIRA ABAKORA IBIZAMINJ BAKANABAGABURIRABAKANABATEGERA NTA SONI 40.000 BYOSE KU KIZAMINI

  • @ Uwayo. Ikizamini cyo gutwara imodoka gitandukanye n’ikizamini kivura abantu. Ntukagereranye ibintu bitagereranywa.

  • Ntimugakinishe ubuzima bw’umuntu!! abavuga ngo ni kiveho n’abatravailleur bakoze igihe kirekire mu Bitaro hanyuma bakajyakugura diplomes mu gihugu duturanye ntavuze.
    Turasaba Leta gukurikira ibya diplomes zigurwa mu bihugu duturanye. Leta nitabare.

    Njye nkorera Rusizi, nzi ibibera ku mupaka. hari aba commissionaires bashinzwe kwambuka bakajya kubagurira diplomes. ibi turabyamanye. turasaba Leta gukurikirana ibi bazo biri mu buvuzi nibitaba ibyo abantu bazashira.

    • @gisele wavuga ko abatanga equivalence nta bwenge bagira ukaba Ushaka kubasimbura niba hari uwo uzi wamurega ariko ukareka kwitiranya ibintu ikindi nsubize uwavuze ngo Ikizamini cya Polisi gitandukanye n’icyo kuvuura yego reka mbyemere ariko se waba Uzi icyo byangiriza iyo umushoferi agushije Imodoka yuzuye abantu? ikindi nashakaga kugereranya nshingiye ku bikoresho bakoresha bose bakorera ku mpapuro kandi babaza multiple choice rero nta tandukaniro

      • wowe uvuga abatravailleur barusha kure abaforomo n’ababyaza basohoka muri iyi minsi rwose.icyishe ubuvuzi muriyi minsi nuko bigisha abakuze gukunda abarwayi kandi byaragombaga gutangirira muri humanites secondaires.iki gihe nibwo abana baba bacyumva bagakosoka,bakisubiraho bakumva deontologie proffessionel icyo igamije.murakozw

Subiza

Your email address will not be published. Required fields are marked *