• 19/01/2020 3:54 57

Min Uzziel ngo umuyobozi uzitwaza isubikwa ry’imihigo ‘agatekinika’ ntibizamuhira

Uyu munsi hari hateganyijwe igikorwa cyo gusinya imihigo ya 2019-2020 no kugaragaza uko iya 2018-2019 yagenze ariko kiza gusubikwa. Minisitiri w’Imari n’Igenamigambi, Dr Uzziel Ndagijimana avuga ko uzitwikira iri subika agashaka gutekinika bitazamuhira kuko imibare yamaze gukusanywa.

Dr Uzziel Ndagijimana avuga ko imihigo y’uyu mwaka ikwiye gukemura ibibazo biri mu baturage

Dr Uzziel Ndagijimana wasobanuraga icyateye iri subika, yavuze ko umukuru w’igihugu yifuje ko inzego zinoza imihigo zikayongeramo ibigomba gukorwa mu rwego rwo kuzamura imibereho y’Abanyarwanda.

Ngo byinshi yifuje ko byagaragara mu mihigo y’inzego ni ibibazo byagarutsweho mu mwiherero w’abayobozi birimo iby’abaturage badafite ubwiherero, abakirarana n’amatungo mu nzu n’iby’abayobozi bategera rubanda ngo bumve ibibazo byabo.

Avuga ko nubwo Imihigo yagiye ivugururwa kandi igateza imbere igihugu mu nzego zitandukanye, ariko hari n’irindi vugururwa rikenewe kugira ngo imibereho y’umuturage igerweho neza.

Minisitiri Dr Ndagijimana avuga ko Minisitiri w’Intebe na we yasabye izindi nzego ko ibi bigomba gukorwa kuva ku rwego rw’Umudugudu.

Avuga ko muri iki gihe k’isubikwa ry’imihigo, nta muyobozi ukwiye kukitwikira ngo atekinike ashaka ko imibare y’akare ke izamuka, akavuga ko n’uwabikora bitamuhira kuko imibare yamaze gukusanywa ikaba izwi.

Ygarutse ku uruhare rw’abaturage mu gutegura imihigo, avuga ko hari ibikorwa bitatanze umusaruro kuko byakorwaga batabanje kuganirirza abaturage.

Umukuru w’igihugu akunze gusura abaturage mu bice bitandukanye akanakira ibibazo byabo bimwe agasiga abimuye ibindi akabiha inzego bireba.

Yavuze ko byinshi muri biriya bibazo biba byoroshye ndetse ko biba bikwiye gukemurwa n’abayobozi bo mu nzego z’ibanze ariko ko batabimenya kuko baba batabegereye.

Minisitiri w’Intebe Dr Edouard Ngirente niwe wari uyoboye inama yahuje aba bayobozi
Abaminisitiri bafite inshingano zikora cyane ku buzima bw’abaturage bari baje muri iyi nama
Abayobozi ku nzego zose bari bitabiriye iyi nama

Jean Pierre NIZEYIMANA
UMUSEKE.RW

7 Ibitekerezo

  • Abaturage benshi b’akarere ka Rwamagana ntabwo twemera ukuntu akarere kacu kabaye aka mbere umwaka ushize.Turi mu turere dukennye,tutagira amazi n’amashanyarazi kuva kera cyane.Muzaze murebe ishuli rikomeye ryitwa APEGA rimaze imyaka irenga 30 ritagira amazi,murebe ukuntu imirenge ya Gahengeri na Fumbwe,Muhazi,etc…abafite amazi meza n’amashanyarazi ari mbarwa.Muzabaze ukuntu abaturage dufungwa kandi tugakubitwa ngo twabuze MUTUEL.Tubisubiremo,abatanga amanota y’IMIHIGO babikora nabi.

  • Nizere ko abayobozi b’uturere bahawe caneva yateguwe bazagenderaho buzuza imihigo.Ibaye idahari imihigo yaba ikiri icyuka kuko imihigo ni quantifiable.Urugero abaturage bararana n’amatungo,abadafite imisarane muzabibubakira?

  • Imihigo ni mesurable ni ukuvuga ngo hagomba kubaho numerator et denominator tutibagiwe na indicators niyo mpamvu navugaga ko ba mayors bagombaga guhabwa list ya za indicators n’ibizakorwa cyane cyane ko aho bizagoranira hari igihe ukora ibimeze nk’ibarura ubara umubare w’ibintu cyangwa abantu.So ibi bintu ni ibyo kwitonderwa bitabaye ibyo tekiniki zizaba nyinshi ahubwo kurusha mbere.

  • Wiriwe Ganza,
    Ariko uzagerageze atumbuke nko ku kare k,iwanyu cyanga aho utuye, yaba no mu mirenge urebe document y,imihigo info wibaza byose birimo. N,Izina ubwaryo imihigo rirahagije kugera ngo wumve ko ugomba kugira aho guhera n,aho wifuza kugera n,uko uzahagera. . Imihigo ntikorwa mu cyuka ni.gahunda ikomeye yatekerejweho ifite aho ikura umuturage imujyana mu cyerekezo cy,iterambere .

  • Muravuga gutekinika,muzegere abayobozi ba WASAC babibire ibanga

  • President Kagame kubona icyo namuha biragoye

  • Kugiirango bizagende neza, hakwiye kubanza kubaho urutonde rw’abafite ibibazo bigomba kukemurwa nko kubaka amazu n’ibindi, noneho ikibazo gikemuwe bakajya bavivura, naho ubundi hashobora kuzamo tekiniki. Muasure Umurenge wa Rurenge, mu karere ka Ngoma, basure icyumba cy’inigigo cyabo ndumirwa. Bafite urutonde rw’abantu bafite ibibazo rumanitse muri icyo cyumba, uko bigenda bikemuka bagenda bavivura. bityo bakamenya ibirangiye n’ibisigaye.

Subiza

Your email address will not be published. Required fields are marked *