• 14/12/2019 9:40 41

Mayor wa Muhanga aravuga ku itonesha bamushinja

Mu biro by’Akarere ka Muhanga mu bigo by’amashuri yisumbuye no kuri bamwe mu bikorera usanga hari abavuga kenshi ko umuyobozi w’Akarere ka Muhanga agira itonesha rikomeye mu bakozi, uyu muyobozi yasubije Umuseke kuri bimwe mu biheruka biri mu byo bashingiraho babivuga.

Ku biro by'Akarere ka Muhanga
Ku biro by’Akarere ka Muhanga

Abantu bagera kuri 20 barimo abakozi ku biro by’Akarere n’abikorera baganiriye n’Umuseke bahamya iki kintu ku muyobozi w’Akarere bavuga ko kibangamiye imikorere.

Abakora mu karere kimwe mu biheruka baheraho ngo ni impinduka ziheruka gukorwa kuri bamwe mu bakozi, bavuga ko zishingiye ku itonesha ku bahinduriwe imyanya kuko ari ‘inkoramutima za ‘Mayor’ Beatrice Uwamariya.

Umwe mu bahinduriwe imyanya ngo agahabwa umwanya wisumbuyeho bavuga ko yari amaze amezi atandatu (6) adakora arwaye, bikavugwa ko ngo yari yararozwe na mugenzi we ukora aha ku karere.

Uyu yagizwe Umuyobozi w’ishami ry’Inama Njyanama, naho uwo yasimbuye kuri uwo mwanya agirwa Umunyamabanga Nshingwabikorwa w’Umurenge, naho uwavanywe ku Murenge ahabwa umwanya wahozemo uriya wari umaze amezi atandatu arwaye.

Abakozi ku karere baganiriye n’Umuseke bavuga ko uko izi mpinduka zakozwe ngo bishimangira itoneshwa rivugwa ku muyobozi w’Akarere.

Umwe muri aba bakozi ati “ Umwe muri aba bakozi yari ararengeje amezi 6 atari ku kazi, undi nibwo yari agitangira imirimo akaba atari yakagejeje mu myaka imwemerera kwimurirwa mu wundi mwanya.”

Avuga ko ibi byakunze kubaho na mbere bigashyirwa muri raporo za Komisiyo y’abakozi ba Leta nk’amakosa yakozwe hirengagijwe itegeko ry’umurimo.

Aba bakozi bavuga ko mu karere hari izangano zisingiye ku butoni kuri Mayor cyangwa se kutabona ibintu kimwe na we.

Bakavuga ko ubu abenshi bahisemo guceceka batinya gutakaza akazi nka bagenzi babo batatu baherutse kwirukanwa, muri bo ngo harimo n’uwavuye ku kazi ahunze bishingiye ku rwango kuruta amakosa yakekwaga gukora nk’uko aba bakozi babivuga.

Mayor yasubije kuri ibi

Uwamariya Béatrice umuyobozi w'Akarere ka Muhanga.
Uwamariya Béatrice umuyobozi w’Akarere ka Muhanga.

Uwamariya Béatrice avuga ko ibi bivugwa nta shingiro bifite, ko nko guhindurira aba bakozi imyanya babanje kubisuzumana n’abatekinisiye basanga nta tegeko bishe.

Ibi ngo byakozwe hashingiwe ku bibazo bya buri umwe muri aba, by’umwihariko ngo kuko hari umwuka mubi wavugwaga hagati y’abavugwaho kuroga no kurogwa.

Uwamariya ati “Ubusanzwe ibyo kuba umuntu yarozwe byemezwa na muganga, gusa ibyavuzwe kuri uwo mukozi nabyo  sinabyirengagiza.”

Umuyobozi w’Akarere avuga ko ibivugwa atari byo kuko nta mukozi w’Akarere bafitanye ikibazo kandi ko no gucikamo ibice byigeze kubaho byabaye mu myaka yashize atari mu gihe cye cy’ubuyobozi.

Bamwe mu bakozi b’Akarere bashima ubufatanye bwa batatu bagize Komite nyobozi y’Akarere.

MUHIZI ELISEE
UM– USEKE.RW/Muhanga

0 Igitekerezo

  • Twarayobewe kabisa. Prisca niba ari nawe utashatse kuvuga nubundi niwe wamuzanye bakora itekinika nta examen yari gutsinda wari kuvuga no kuri iyo ruswa

    • Ngo “…igihugu cyaramuvunnye…? kurusha nde se? Cyakora ikizwi cyo abanya Muhanga bagira amatiku, kubayobora bisaba amahane!!

  • HARI ABAKOZI ASHAKA KWIRENZA MU MINSI YA VUBA KERETSE NIBA MINALOC IHISE ITABARA

  • Ariko arabayobora neza nibura? Iterambere ni sawa? Njya mwibuka akomanga ku gatuza akijyaho ngo kama jeshi. Kabisa ni umutegetsi rwose wuzuye

  • Ubu se Gad Veterinary w’Akarere ntiyangara mu mahanga kandi ntacyaha yari afite

  • Iterambere rirahari mu Karere ka Muhanga, buriya ni umuntu uba ufite ikibazo ku giti cye

  • Aha ruzaca Imana Bea arasobanutse

  • Nari narayobewe ikintu gituma mukarere ka muhanga imiyoborere yaho idasobanuka gusa nabyumvaga ko bibera hejuru ndetse nimitangire yakazi especially in education izamo za ruswa nikimenyane imyanya bagashyira ku isoko mike iyindi ikajyamo abatakoze ama exams

  • Mumwihorere, umunsi umunuafu w’Imana wamugezehoazarwara imibyimba y’akanyafu. Uwamariya aratonesha kandi akirukana uko yishakiye afatanyije na human resources Patrick. Imana izabahora amarira y’abana mwirukaniye ababyeyi mubaziza ubusa.Umunsi inshuti za Patrick zikora muri PSC zizatahurwa, ari Patrick ari Uwamariya mufite icyumba aho muri gereza iri hafi yanyu. Ndasaba Imana ngo muzashyirwe ahagaragara! Gentille

  • Uyu munyamakuru nawe aba adushyize murujijo pe none kuvuga ngo uwo mukozi wahawe umwanya yitwa Prisca Mukayibanda ni ikibazo kuvuga ko atigeze akora ntabwo ubizi. nuko yagiye mukazise byo ntubizi tekiniki zakozwe ntuzizi. Rekarero nkubwire neza Elyse jya uza utubaze neza amakuru tuyaguhe kdi urayazi None se ko wavuganye twe dukorera hano watubajije kdi ko tuyafite yose

    Sinzi nicyo uba ushaka ibibazo byacu byose nkabakozi twarabigaragaje. Ubwe yivugiye ibintu kdi ko arimo kubishyira mubikorwa, yavuze ko azakorana n’abo ashaka kdi abishyira mubikorwa nka Mayor, mbibutse umuntu wazanye ibaruwa ya Mifotra imuhesha direction mustered akavuga ngo ntiyakorana nuwo atazi boshye umunyamahanga kdi nawe kuza yujuje ibisabwa….yivugiyeko ba Joseph Gonzague na Patrick munama ko atazabaheba yarabikoze ubwo yajyaga muri Ralga arikumwe na col kdi byarakozwe ubwo bagendaga hari kumanywa ikindi ni uko nabo bahuye nabo yabivugaga ko igihugu cyamuvunnye ko ntacyo yashaka gukora ngo abinanirwe kdi ari inkotanyi cyane niko adasiba kubitubwira nkaho twe turi mu mashyaka atemewe mugihugu,

    Yahagaritse ibirombe ateza inzara nubujura mugihe we abayigaramiye ahekenya ayo bamugemuriye iwe murugo abayamuhaye barafunguwe mugihe bbari batse credit uretse yabafashije kwishyura credit bari barafashe.

    Ni byinshi uwo adashatse nyine aramwirenza nkuko abivuga ubu veterinaire aromongana mumahanga azira inks zaguzwe kdi ntasoko yatanze ariko abanyasoko kubera bbabanza kwegeranya bravo babakozeho.ikimenyane cye kirarenze

  • Hahhhh ibi ni ibyabaye umuco mubi my karere. Itoneshwa, ikimenyane,munyangire, nakuritura, nakwirenza….nibyo bikoreshwa mubuyobozi bra muhanga. Ariko twe dukorana hano umunsi kuwundi ntawe uvuga abantu baba bagenda bikandagira ntiwabagira inama ngo bakumve kuko nabo ubwabo ntamikoranire . Niukwirirwa biyemera ngo bagombaga kuba mubambere mumihigo hejuru yibyobyose ngaho namwe nimwiyumvure

  • Rwose umuntu uba muhanga ntiyazuyaza gukomera amashyi maire Béatrice kuko yakoze byindhi PE ,nakomerezaho zhubwo abadashaka kumufasha birwa mumagambo nabashyire kuruhande.vraiment bravo maire

  • Bjr! Umunyanakuru w’Umuseke niwe utera urujijo n’amatiku muri aka Karere yifashishije bamwe mu bakozi birirwe bakora ubusa, Mayor kuba adashyigikira udukosa twinshi aba bakozi bakora bituma bakora bikanga ko bakwirukanwa, ariko se nka Elisee ubwe uvuga ko Prisca yahawe umwanya uruta uwo yari ariko Kiki utabaza uko structure y’Akarere iteye, umwanya yashyizweho ungana nuwo yariho rwose,ikindi ni uko ibyakozwe byubahirije amategeko, ahubwo Elisee kubera inyungu za cash zo mumatiku apfa kwandika ibyo abonye, ahubwo yaramaze kabiri.

  • Mu bihorere ubu biba byageze muri records ahubwo mujye mudufasha mubike ibimenyetso kuko isaha nisha biba bizakenerwa.

  • Bjr, uyu bita Elisee, wirirwa mu matiku arashaka iki??? harya yaravuze ngo azahangana na mayor beatrice, ndagirango mubwire ko yibeshye, kuko mayor afite abamuhaye akazi ntabwo azakurwaho n’inkuru z’ibinyoma za Elisee ufatanyije na bamwe mu bakozi b’akarere birirwa muri za cordore bavuga amatiku????

  • Mayor nakomerezaho aho, abanyamatiku bo ntibazashira… Bravo mayor wacu

  • Ariko Mana, uyu munyamakuru wagira ngo si uw’umwuga, ni pessimiste kabisa, wagira ngo hari icyo apfa na mayor wagira ngo azamusimbura wenda umunsi yavuyeho, nareke abantu bakore areke amacakubiri kuko ntaho azamugeza, kandi icyo Imana ishaka nicyo kizaba

  • Mumbabarire comment zajye zitabuke ntimuzinyonge

  • BANTU BA MUHANGA MWIKWISHYIRAMO UMUNYAMAKURU,
    Umunyamakuru aravuga ibihari, si ibyo yahimbye ni ibyo yabwiwe kandi ni mwe mwabimubwiye, ndetse anabaza Mayor ubwe ngo bititwa amatiku.

    Nonese umunyamakuru ni we uvugwaho inzangano no kuroga? SIMWE MWE UBWANYU????
    Nonese umunyamakuru niwe uvugwaho kwirukana no kwirukanisha abandi, SIMWE MWE UBWANYU???

    MUTEWE UMUJINYA N’UKO YAGARAGAJE AYA MATIKU N’AMABI MUHORAMO AHO GUKORERA RUBANDA IBYO MWATUMWE

    MUHAME HAMWE MUGARAGARE

  • Ubundi abakozi nka bariya bagombye guhindurwa Njyanama ibizi ariko kuko iyobowe na Theobald we ntacyo amariye Akarere na mba atuma bisa nkaho nta Njyanama iriho i Muhanga

  • Umunyamakuru mumuveho inkuru ye iratomoye,nonese maire we ntiyiyemerera umwuka mubi uburozi biri mu karere ke.ahubwo ibyo yavuze ni bike ugereranyije namabi ahaba elyse mumuveho ni umugabo wanga amanyanga ahubwo abamuharabika nabo barozi batinya itangazamakuru

  • Umunyamakuru Elise turamuzi ni umugabo wiyubashye, ukuze kandi wanga ikibi, kuba we n’ikinyamakuru akorera batinyuka no kubigaragaza ni ubutwari.
    Mu karere ka Muhanga harimo amabi menshi, menshi cyane bikabije, nako iyi kuru irabivugaho nibura gato.
    Ibi bigaragaza ko abaturage mukorera ntacyo mubamarira ahubwo mutonda muje kurebana ay’ingwe, mu matiku ubundi mugategereza ko Leta ibahemba ku kwezi.
    None wamugani mubabajwe n’uko bagaragaje amabi muhoramo

  • Elyse bamufashe hasi ni umugabo ukunda ukuri none se abo barozi mu karere.promotion zigendeye ku itineshwa.kwirukanwa byakarengane.amanyanga mu bizamini mayor we ntabyemera? Umwuka mubi mu bakozi? Abikoma umunyamakuru ubwo ni abo barozi batinya itangazamakuru ahubwo yanditse bike

  • Hhhhhh, iyi nigahunda yabayobozi benshi mu majyepfo, benshi bigaragara ko bari gushaka kugirabo bikiza no gukuramo ayabo kuko baba bazi nezako iminsi yabo kubuyobozi igerwa ku mashyi!!! Muhanga itonesha nubusahuzi ntibirusha nyaruguru naza nyamagabe, ahenshi usanga ibyemezo bifatwa numuntu umwe utinyitse abandi bagasinya gusa ngo atabirenza cyaneko baba bazi nezako haraho yigerera batagera cg hari umutungo kamere yiofitiye atambutsa mubakomeye!!! Ibyemezo byambura se cg bihereza umukozi runka wagirango biba byafashe bangahe muri nyobozi ko arumuntu umwe, uvuga uti nibajye mumanza nubundi urubanza ruzajya kurangira ndigukuramo akange cg nubundi nibatsinda bazabishyura aya leta sayanjye!!! Wari wabonaho umuyobozi atinyuka kugabira umudaso umurenge ngo nuko bavuka hamwe, ntabyo ashingiyeho, nkubwo mwumva icyo kemezo cyafatwa nabantu batandukanye imitwe koko kubwumvikane hakabura nuwagira abandi inama!!! Ahaaaaaa, jyewe nirukanwe uko ubu ndi mumanza, ariko mbifitemo gihamya rwose, abayobozi dufite ubu ntabayobozi barimo, nabinda gusa rwose abenshi, kdi usanga ntanubuhanga ari akarimi, ruswa cg imitungo bageza kubikomerezwa iyo hejuru!!!

  • Mana we ese ko mbona Elisee akameje gusiga akarere ka muhanga isura mbi arashaka iki koko harya ngo arashaka ko bamureba, ahaaaa nakubwira iki nibakureba uzibura kandi ndabizi neza ko bindatinze ingaruka zibyo urimo uzazibona imana dusenga ntaho yagiye. guhaye igihe gitoya cyane uzaba wabonye ibihembo z’ibyo wirirwamo kuko iteka iyo ufitiye umuntu ishyari nta mahoro ugira guhaye igihe gitoya cyane kitarenze amazi atatu uzambona ko wibeshye, umenye ko aho wirirwa usebya ariho urerera abo wabyaye uwo murage mwiza urimo kububakira bazawusanga imbere bindatinze???????? kuko bibiriya ivuga neza ngo icyo ubiba nicyo uzasarura nubiba amacakubiri niyo uzasarura, nubwo mayor yavaho ntawe uzagukomokaho uzigera ahabwa uriya mwanya, ngenda ngaho rero isi ntisakaye nawe byakugeraho ibyo wirirwa usabira abandi
    ntabwo mpanura ariko elisee muhaye igihe cyamezi atatu ibye bizasobanuka bindatinze mubyandike, uhereye uyumunsi mubare amazi atatu nashyira ibye bitagiye ahagaragara imina senga izaba itabaho

    • Yooooooo Muhanga mukomeje kwigaragaza!!!

      Ngo umuhaye amezi Atatü????? Nawe se ukamuroga nk’uko mubigenzereza abo mwanga? Ukaroga abana be se ko numva nabo ubazanyemo? cg Ukamugambanira nk’uko mubigenza???

      Yewe gayeeeeeeeeeeee sha abantu mukora aho Muhanga muri babi impamo ya mungu?

      Nonese ko wishyizemo umunyamakuru ngo wamugani ibyo yanditse wabonye bahakana ko bitabayeho, hanyuma se urabona ari we wabyibwiye? Nonese ko umujinya n’ubugome byawe ushaka kuba ari we ubitura nkaho ari we nyirabayazana, Burundi tuzi ko mu Kinyarwanda “uvuze ko nyiri urugo yapfuye…..” ariko mwe kubera urwango rwanyu n’ubugome umunyamakuru niwe mubonamo ikibazo, murababaje gusa. Mwarangiza ngo IMANA M– USENGA!! Des Hypocrites

      Ariko rero wowe uha umunyamakuru amezi atatu uribeshya cyane, ese amezi atatu uzi neza ko usava ukiriho? Uzi icyo ejo haguteganyirije wowe? Wizeye neza ko uzahageza wowe? Ariko uratinyuka ugatega undi iminsi.

      UBUJIJI bukabije ni uko utazi ko na IP Address ukoresheje bashobora kuyikurikirana bakamenya uwabyanditse ugakurikiranwa ku iterabwoba, iyaba nari umuyobozi w’Umuseke ngo bagukurikirane ejo ube wafashwe kuko ibi ukora bigize icyaha cyangwa umugambi w’icyaha.
      Gusa umuseke bakurusha ubupfura banaguha rugari ukavuga amabi n’ubugome bwawe utega abandi iminsi.

      Mbega Muhanga, mbega akaga abaturage mukorera bafite, mbega mbega igihugu kirimo abantu babi weeeee

    • You are very cheap but also dangerous!

      I hope you don’t work in a public institution otherwise you are poisonous

  • Nibyo hari naho bikabije kurusha muhanga hano mu majyepfo, uyu munyamakuru niba yageraga hose!! Harabusanga bishingikirije ko batura cg bajyana twa envelop munzego zohejuru, ibyo bitariho nyaruguru yakabaye igeze kure koko, ariko ubucuti buhambaye na Kaboneka nabandi hejuraho, bituma ubuyobozi bwaho burangwa no kwica nogukiza, kugezubwo bamwe usanga mu bifite baranimutse no mukarere bakajya gutura ahandi!! Abakihatuye nabo nabahakorera, benshi imitima ntibiri mugitereko!! Ibyo rero sibya muhanga gusa, bigaragarako benshi mubuyobozi baba baharanira kwikuriramo agatike ninshuti, aho guharanira kugiribyo bageza kuri rubanda baragijwe, cyane ko kubatorabyo twese tzuko sisteme ibayabateretsemo!!!!!

  • None se mwashima ko uwo Yanditseho Prisca akomeza kwiba Frw ya rubanda ahembwa adakora? Kuki se ahubwo atanditse ko asanzwe aza gusinya igitondo n’ikigoroba adakora namba akaza gusa gukora muri cya cyuma ngo bigaragare ko akora?

  • Yewe muhanga murivugira ningwe nanwwe muri habits Kigali. Ese iyi website ntikoreramugihugu hose. niba Shinto who buzamanuke iwacu I gisagara abayobozi bacu biyemera kubi baherutse gusohora urutonde rwuko uttered ngotwagombaga gukurikirana gisagara yigize iya gatanu narumiwe pe munyuvire namwe.ariko munama bahrutsemo Min kaboneka yahise amusohora kabisa ntatinzamo ngaho ubwo se bitaniyehe nuwo wamuhanga wivanga mubintu byose none ngo yemera ko amarozi are mu karere ayobora, ngo kosa afite yirirwa atanga akazi kuburyo yiboneye ngo yakurikijeitegeko kandi ari itonesha, ntabwo byumvikana pe ngo yigererayo yewe ndumiwe kabisa

  • Shingiro we vuga neza ni bya envelopppppeeees batanga si ziriya zisanzwea.vuba aha umuntu aherutse kureba ba kibamba abaha agatubutse da ngo hari abandi azareba bamukuriye ngo azamurwaneho narumiweksbida rwose birakabijepe. Elyse aracumbura cyanepeee none se ko uwo yabajije ubona rwose yabivuze nta nkomyi

  • Mbashimiye kubw’akazi no kureba aho bitagenda neza kugirango haboneke ibisubizo.Igitekerezo cyanjye n’uko abantu bava mumatiku ikinyobera cya mwene muntu iyo akazi atarakabona aba ahiga imihigo ngo rwose MANA numfasha nkakabona ariko ntakabonye umurengwe sinakubwira, ngaho bazamuye uyu njye ntibamfashe nibindi.Sintuye mur’aka Karere ariko ikigaragara mubakozi harimo amatiku.Disi muve mumatiku mwiyubakire igihugu,ubushomeri bumeze nabi.

  • Hari igihe nibaza niba ibi bitereka inzego zo hejuru ko hari ikibazo gikomeye mu miyoborere mu turere hafi ya twose tugize igihugu, aho Mayor asq n’aho nta rundi rwego atinya rugomba kugira icyo rumubaza muri ako karere(Njyanama y’akarere)kubera rero zo zq njyanama hafi ya zosr mu gihugu zisa n’izibaho kw’izina gusa, usanga akenshi inshingano zao zisa n’izidashyirwa mu bikorwa. Ubusanzwe umunyamakuru yagombye no kuba yagaragaje icyo uru rwego ngenzuramukorere rwakoze cyangwa ruvuga ku bikomeje gututumba muri Muhanga. Ariko kubera ari urwego rusa n’urwibagiranye cyangwa rwaciwe amazi mu kinyarwanda cya none, ntirwibukwa mu bibazo biremereye akarere. Rwibukwa gusa iyo habaye ukwegura kw’abayobozi rutangaza ko rwabonye ibaruwa yo kwegura. Iyi miyoborere irakabije. Inzego zo hejuru zagombye gusobanurira abaturage niba koko ubutrgetsi ari ubwabo cyangwa babwitirirwa nyamara nta jambo babufitemo; nawe se koko, umuyobozi yikomanga mu gituza imbere y’abo ashinzwe ngo “ni kama jeshi”!? Kuki se nyine atajya kuba “jeshi” ko nabo bafite uko bayoborwa?!

    Nizere ko uri bureke igitecyerezo cyanjye kigahita.

  • Yaaaaa, ndasobanukiwe, najyaga mbyumva bivugwa iyo epfo bikanyobera kweli!! Niba nka Muhanga koko babayeho uko ari mu mujyi hegereye na Kigali, iyo mu mibyuko za Nyaruguru na Nyamagabe koko ubwobo barapfuye, reka ninyeshyamba zibabonerane, zifite ibyuho zinjiriramo ahubwo bazashiduyka hafashwe cyaneko numvako ninzego zumutekano zaho zahingamiye kubuyobozi bubi zikaba corrupted!! Mwihangane, abashoboye nimuve murizo nduru zimiyoborere mibi

  • Igihe cyarageze ngo abantu bave mu nyungu zabo bakorere abaturage. Abavuga ibitagenda neza muri Muhanga mwibuke ko hari inzego zibishinzwe n’abaturage bafite ijambo ryo gushyiraho abaturage no kubakuraho icyizere iyo bibaye ngombwa. Icyo mbona ni uko hari itsinda ry’abantu bacye babuze bashaka kudindiza iterambere ry’Akarere ariko ntibazabigeraho.
    Elysee nawe nakore kinyamwiga areke kuba umu zairois ashaka indonke.
    Kuki abandi nka phocas bataka amafaranga wamwigiyeho ko ari inshuti yawe.
    Icyo uziza mayor ni uko ntacyo aguha kubera ko ntacyo yishinja.
    Mureke duteze imbere Muhanga tureke gutiza umurindi inyangabirama.

  • wowe wiyise SHISHA BABY uvuze ukuri kabisa, ibyavuzwe byose bishingiye ku matiku y’abakozi b’Akarere Elysee akoresha ku nyungu zabo kuko baba bamuhaye cash ngo yandike. mu by’ukuri akore kinyamwuga ajye yandika atihimura kubamwima amafaranga cyangwa batamuziye mu bukwe. gusa Abakozi b’Akarere nabo bakora amanyanga bari mu masoko y’Akarere abandi birirwa bashakamo ayabo bararye bari menjye. ubuyobozi bw’Akarere cyane Komite Nyobozi nibashyire hamwe ubwabo nibumvikana bagakora bataryaryana abakozi nabo bazabareberaho. nibo bafite urufunguzo. Abafite impungenge mureke abaturage n’inzego zibishinzwe basesengure bazafata umwanzuro ariko kugeza ubu ntagikuba cyacitse

  • Ahaaa! Bavandi Imana ijye ibagenda imbere. Nta kindi navuga

  • Manyanga ashakishwe aregwe iterabwoba akorera uyu munyamakuru uri mu kazi ke ndetse n’abana be.
    Niba uwo munyamakuru abeshya, bamwagirize gutara no gukwiza ibinyoma ariko wapi kumutera ubwoba.

Subiza

Your email address will not be published. Required fields are marked *