• 08/12/2019 10:11 59

Mauritius yatangiye kugurisha ubwenegihugu n’ibyangombwa by’inzira

Ibirwa bya Mauritius byashyizeho uburyo bwo korohereza abanyamahanga bashaka kubona ubwenegihugu, kujya bishyura miliyoni 1$ bakabihabwa.

Pravind Jugnauth Minisitiri w’Intebe w’Ibirwa bya Maurice

Ayo mafaranga bishyura akabakaba miliyoni 800Frw azajya ashyirwa mu kigega cya Leta  kitwa (national sovereign wealth fund).

Mu gihe ushaka ubwenegihugu azaba ari umugabo wubatse afite n’abana, umugore we n’abana bazasabwa gutanga umusanzu w’ibihumbi 100$ (Asaga miliyoni 80Frw) kuri buri umwe.

Uyu mwanzuro watangajwe na Minisitiri w’Intebe akaba na Minisitiri w’Imari n’Igenamigambi, Pravind Kumar Jugnauth ubwo yatangazaga ingengo y’imari 2018/2019.

Iki kemezo cyamaganiwe kure n’abatavuga rumwe na Leta.

Umuyobozi w’ishyaka Populist Rezistans ek Alternativ party, Ashok Subron, yagize ati “Ubwenegihugu ntabwo ari igicuruzwa. Nta kiguzi bwagira, nta buryo na bumwe bwaba igicuruzwa.”

Ikigo gishinzwe iterambere muri Mauritius (Economic Development Board, EDB) ni cyo kizajya gikurikirana iby’abashaka ubwenegihugu, ndetse kigenzure ko bujuje ibisabwa.

Uyu mushinga uteganya ko abashaka icyangombwa k’inzira (passports) cyo muri Mauritius bazajya bishyura ibihumbi 500$ akajya ashyirwa muri kiriya kigega kigamije iterambere no kwigira muri Mauritius, mu gihe nazaba afite umuryango, buri umwe mu bana n’umugore we azatanga ibihumbi 50$.

Ibirwa bya Mauritius bituwe n’abaturage miliyoni 1,3 ni kimwe mu bihugu bifite umusaruro wa buri muturage ku mwaka uri hejuru, aho nibura yinjiza asaga 11 000$.

Mauritius ni igihugu giteye imbere mu bukerarugendo

BBC

UM– USEKE.RW

2 Ibitekerezo

  • Abo baramurwanyiriza ubusa nubundi yabwimanye,rimwe mumabanga ya america nuko iyo ufite amadolar menshi bitari na cyane rwose ,nkz 20.000 usd,bemera kuguha viza kugirango uyakoresheyo bibahe inyungu.none uyu arasaba millioni mukirwa kiri mumazi hagati !!ahubwo se anywa ibiki ngo nanjye ajye anyiheraho

  • Njya mbona ukunda gufatira aho ubonye hose ukavuga ibya Bibiliya ariko hari Ikintu mbona utitaho “Ihatire kwandika neza Ikinyarwanda, cyane cyane wibuke ko ijambo Imana ritangizwa inyuguti nkuru, iyo ukoresheje inyuguti nto uba Uvuze ikigirwamana”. Ibi bintu ubyiteho.

Subiza

Your email address will not be published. Required fields are marked *