• 25/01/2020 8:04 01

Mashami yongerewe amasezerano yo gutoza Amavubi…Yari ahanganye n’Abanyamahanga

Minisiteri ya Siporo n’Umuco yatangaje ko umutoza Mashami Vincent azakomeza gutoza ikipe y’Igihugu y’Umupira w’Amaguru, Amavubi.

Mashami Vincent yongereye amasezerano

Amakuru dukesha ikigo k’Igihugu k’Itangazamakuru, RBA avuga ko Minisiteri yatangaje ko Mashami Vincent yongereye amasezerano yo gutoza Amavubi

Mashami Vincent uvuga ko yari amaze iminsi mu biganiro na Minisiteri y’Umuco na Sports avuga ko aya makuru atarayamenyeshwa ariko ko biramutse ari byo byaba ari inkuru nziza kuri we.

Ati “Usibye na njye n’undi wese hari uwakwanga kugirirwa icyo kizere koko.”

Mashami Vincent wari warangije amasezerano yo gutoza Amavubi, yari ahanganye na Constantine yanigeze kungiriza kuri uyu mwanya wo gutoza ikipe y’igihugu.

Ikipe y’igihugu igomba gutangira gushaka itike yerekeza mu gikombe k’Isi kizabera i Qatar muri 2022, muri Nzeri igomba kuzakina umukino uzayihuza n’ikipe y’ibirwa bya Seychelles.

Minisitri ya Sports n’Umuco yari imaze iminsi iri mu biganiro na FERWAFA ku mutoza ugomba kwemezwa hagati y’aba bombi na Richard Tardy na we wigeze gutoza Amavubi.

Umuseke wagerageje kuvugisha umuvugizi w’Ishyirahamwe ry’Umupira w’Amaguru mu Rwanda (FERWAFA) ariko Telephone ye irafunze [twayigerageje inshuro zirenga eshanu].

UMUSEKE.RW

2 Ibitekerezo

  • ese kuki amasezerano nkaya agirwa ubwiru kd amafaranga azahembwa azava mumisoro y’abanyarwanda mwagakwiye kutubwira ibijyanye namasezerano byose ibyo yemerewe byose iyinkuru nigice kbs

  • turifuza kumenya ibijyanye namafaranga byose yemerewe

Subiza

Your email address will not be published. Required fields are marked *