• 07/12/2019 11:52 30

Martin Fayulu aremeza ko CENI yibiye amajwi Tshisekedi

Nyuma y’amasaha make Komisiyo y’igihugu y’amatora yigenga muri DRC itangaje ko ibyavuye mu matora by’agateganyo byerekana ko Félix Tshisekedi ariwe watsindiye kuba Umukuru w’igihugu, umwe mubo bari bahanganye witwa Martin Fayulu yavuze ko bamwibiye amajwi.

Fayulu avuga ko CENI ariyo yibiye amajwi Tshisekedi

Fayulu yaje akurikiye Tshisekedi  n’amajwi  34,8% umurusha amajwi arenga 4%.

Yabwiye RFI ko abagize Komisiyo y’amatora bibiye amajwi Tshisekedi kandi ko biriya atari ibintu byo kwihanganirwa.

Martin Fayulu yari mu ihuriro ryiswe Lamuka ryahatanaga na Emmanuel Ramazani Shaddary wo ku ruhande rw’amashyaka ari ku butegetsi.

Yabwiye RFI ko abagize Komisiyo y’amatora bibiye Tshisekedi kandi ko biriya atari ibintu byo kwihanganirwa.

Ati: “ Biriya ni ibintu bafindafinze. Ibyo bavuga byavuye mu matora ntaho bihuriye n’uko abaturage batoye. Biriya ni ibyakozwe na Nangaa n’abo afatanyije nabo muri Politiki.”

Yavuze ko imibare nyayo y’ibyavuye mu matora ifitwe n’Inama nkuru ya Kiliziya gatulika, Cenco.

Fayulu avuga ko ibyo CENI yatangaje umuntu yabigereranya n’ikintu abahanga bakoreye muri Laboratoire. Ngo ni nk’uko umufundi yakubaka ikintu akagishyira hariya.

Martin Fayulu avuga ko Nangaa nawe ntawamurenganya kuko ngo ibyo yakoze yabitewe n’igitutu cyo ku butegetsi bwa Kabila.

Yavuze ko atazemera ko intsinzi y’abakongomani bamutoye iburizwamo.

Ngo niba Nangaa Imana avuga ko akorera ari iy’ukuri koko kandi nawe akaba ari umuntu wayo, azazane ibyavuye mu matora muri buri biro by’itora babare uko abantu batoye.

Ngo nibyo bizaba kamarampaka ku baturage.

Corneille Nangaa ubwo yatangazaga ibyavuye mu matora by’agateganyo kuri uyu wa Gatatu

UM– USEKE.RW

2 Ibitekerezo

  • Ariko abanyafrica Politic dukina irasekeje pe ubwo iyo Emmanuel Ramazani atsinda bose bari kuvuga Ko yibiwe na leta iriho none umwe mubo bafatanyije aratsinze ngo bamwibiye,ubwo nawe iyo atsinda Thsisekedi nawe yari kuvuga Ko bamwibye amajwi.
    Bose icyo batwaniraga nukuvana kabila kubutegetsi ku neza none bibaye amahire,Ariko abasakuzaga Ko batamushaka nabo batangiye gushinjana kwibana amajwi.ubwo bihise bigaragara ko nabo badakunda aba congoman nabo icyo bashaka nu kwiba bakajya kubitsa cash Belgique na Paris.Thsisekedi nawe araje ahindure itegeko maze ajye ku karubanda avuge Ko abaturage aribyo bamusabye

  • Ahandi bahinduye itegekonshinga bakabeshya ko ari abaturage babisabye ni he?Ntimukitiranye ibintu cg ibihugu. niba utaranyuzwe nibyabereye iwanyu icecekere iwacu twarabishimye kandi twabisabye tuzi icyo dushaka.

Subiza

Your email address will not be published. Required fields are marked *