• 21/01/2020 4:28 41

Liverpool itwaye Champions League ya gatandatu mu mukino w’ishiraniro

Ikipe ya Liverpool ikoze amateka akomeye, aho itwaye igikombe cya Champions league itsinze Tottenham Hotspurs ku mukino wa nyuma waberaga i Madrid muri Espagne.

Igikombe cya gatandatu Liverpool yegukanye

Ni umukino wari ukomeye aho impande zombi  zasatiranaga bikomeye.

Ku isegonda rya 38, umukino ugitangira, Liverpool yasatiriye izamu, Sisoko agaruza akaboko igitego cyari cyabazwe, umusifuzi ahita atanga penaliti yaje kwinjizwa neza na Mohamed Salah, icya mbere kiba kiranyoye.

Umukino wakomeje amakipe yombi asatirana ariko biza kurangira igice cya mbere kirangiye ari 1-0.

Igice cya kabiri gitangiye, Tottenham yagaragaje inyota yo ku rwego rwo hejuru yo kwishyura, irasatira bikomeye ariko ntibyahira.

Liverpool na yo yanyuzagamo igasatira ari na ko ihagarara ku gitego yatsinze. Byaje kugera ku munota wa 87 iza kubona igitego cya kabiri gitsinzwe na Divock Origi cyatumye ikizere cya Tottenham kiyoyoka.

Liverpool yegukanye iki gikombe gisanga ibindi bitanu yatwaye mu myaka yashize. Harimo igikombe yatwaye mu 1977, 1978, 1981, 1984 ndetse no mu 2005.

Abakinnyi ba Liverpool bishimira igitego cya mbere
Mohamed Salah ni we wafunguye amazamu
Umukino wari ishiraniro
Abafana bishima bikomeye

Divock Origi yishimiwe bikomye na bagenzi be

UMUSEKE.RW

Subiza

Your email address will not be published. Required fields are marked *