• 29/01/2020 1:25 31

Kwishimira igikombe byatangiye Rayon Sports itsinze Kirehe FC 4-0

UPDATE: Mu minota y’inyongera umukinnyi Sarpong Michael yongeye kureba mu rushundura, atsinda igitego cya 4 cy’umukino, ni icya 16 muri Shampiyona, ubu kwishimira igikombe Rayon Sports itwaye ku nshuro ya 9 byatangiye.

Jules Ulimwengu atsinze igitego cya gatatu cya Rayon Sports ni icya kabiri muri uyu mukino, ni icya 19 muri rusange muri Shampiyona, ubu ni 3-0

Kuri penaliti umukinnyi Sarpong Michael atsinze igitego cya kabiri kikaba igitego ke cya 15 muri Shampiyona

Kirehe FC yabanje kwihagararaho ariko Jules Ulimwengu ku munota wa 25 atsinze igitego cya mbere cya Rayon Sports, ni icya 18 kuri muri iyi shampiyona. Ubu ni Rayon Sports 1-0 Kirehe FC

Batunguranye bagaragaza ko baje bgiye i Kirehe bashaka igikombe
Abafana ba Rayon Sports bagiye bambaye imyambaro y’uko batwaye igikombe cy’uyu mwaka
Abakinnyi ba Rayon Sports bishimira igitego cya mbere cya Jules Ulimwengu
Sarpong Michael ni we watsinze igitego cya kabiri cya Rayon Sports kuri penaliti
Ikibuga cya Kirehe FC uko giteye hariya hari amahema niho VIP

 

Kare: Umukino wa 29 wa Shampiyona hagati ya Kirehe FC yakiriye Rayon Sports watangiye, abafana ni benshi cyane bategereje kureba niba Kirehe FC yitambika umuvuduko wa Rayon Sports ikayibuza gutwara igikombe.

Kuri Stade Gisaka umukino ukomeye hagati ya Kirehe FC na Rayon Sports

Igihe Kirehe FC yanganya cyangwa igatsinda Rayon Sports byasaba ko hazategerezwa umukino wa nyuma wa Shampiyona Rayon Sports izaba ikinamo na Marines FC ariko byasaba ko APR FC yaba yitwaye neza mu mikino ibiri isigaranye, uwo izakina ejo na Espoir FC n’usoza Shampiyona izakinamo na Police FC.

Ubu Rayon Sports ifite amanota 66 nitsinda uyu mukino irihita igira 69 bivuze ko iba itwaye igikombe, ariko inganyije yagira amanota 67 hagategerezwa uko APR FC izitwara imbere ya Espoir FC.

Abafana kuri uyu mukino ni benshi cyane bategereje kureba uko urangira.

Mu mpera z’iki cyumweru uko imikino izakinwa:

Ku wa gatanu, tariki 24, Gicurasi 2019
AS Kigali vs Police FC (Stade de Kigali)
Kirehe FC vs Rayon Sports FC (0-4)
Etincelles FC vs Mukura VS (Stade Umuganda)
Gicumbi FC vs AS Muhanga (Gicumbi)
Musanze FC vs Bugesera FC (1-1)

Ku wa gatandatu tariki 25, Gicurasi 2019
APR FC vs Espoir FC (Stade de Kigali)
SC Kiyovu vs Amagaju FC (Stade Mumena)
Marines FC vs Sunrise FC (Stade Umuganda)

Abafana ba Rayon Sports mbere y’uko igitego cyayo kijyamo bategereje
Ikipe ya Rayon Sports yatangiye mu kibuga
Kirehe FC yabanje mu kibuga
Kwinjira bajya kureba umukino ntibyari byoroshye babanzaga kubasaka
Umukino kuwureba birahenze hari abahisemo kurira hejuru kuri karisori z’imodoka ngo babashe kureba
Abafana ba Rayon Sports bavuye i Kigali ari benshi cyane
Mu myanya y’icyubahiro kwinjira yari Frw 15 000 ahakurikiraho Frw 10 000 ahandi hose Frw 3000
Abatoza ba Rayon Sports bayobowe na Robertinho wo muri Brazil
Abafana bo ni benshi cyane ku kibuga
Aha aba bicaye ni mu myanya y’icyubahiro
Kuri Stade ya Gisaka abafana ni benshi cyane

Jean Paul NKUNDINEZA
UMUSEKE.RW

4 Ibitekerezo

  • umuseke.com musigaye mufite amafoto mabi cyane kandi twari dusanzwe tubemera ku mafoto acyeye. Mwisubireho!

  • Ubu koko Kibungo nuku hameze nta stade ihaba peeee!!!kibungo turasebye,ariko nimuhumure turaza kuhubaka vuba

  • Iki kibuga cyari gikwiye guhita gihagarikwa kikazongera gukinirwaho cyamaze gutertwaho ibyatsi! Naho ubundi ni kiza!

  • Ibibazo ntabwo arukuhubaka. Ikibazo nukwimura Stade kuko urabonako hari abantu batuye muri metero zitarenze 5. Ahubwo ninde utanga uburenganzira bwo gukorera match ya division ya mbere muri championnat y’igihugu ahantu hameze gutya?

Subiza

Your email address will not be published. Required fields are marked *