• 11/12/2019 11:54 34

Kuri Fireman ‘Moral’ ni yose ikibura ngo ni ukugaruka mu buzima busanzwe

Fireman wajyanywe Iwawa kubera gukoresha ibiyobyabwenge yasohoye indirimbo nshya yise  ‘Ntarirarenga’ afatanyije na Safi Madiba na Jay C ivuga ku rubyiruko rukoresha ibiyobyabwenge.

Fireman Iwawa ngo ari kwiga ibijyanye n’ubuhinzi n’ubworozi

Ntarirarenga ni indirimbo ya Fireman yakozwe atarajyanwa Iwawa itunganywa na Producer TrackSlayer naho amashusho yo akorwa na Bob Chris.

Jay C washyize imbaraga mu ikorwa ry’iyi ndirimbo yabwiye Umuseke ko bahisemo kujya kuyikorera Iwawa kuko irimo ubutumwa bwo kurwanya ibiyobyabwenge.

Ati “ Twahisemo kujya kuyikorera Iwawa kuko hari abantu bakoresheje ibiyobyabwenge kugirango nabo bumve ubwo butumwa bumve ko bagifite amahirwe yo kubaho neza ejo hazaza kuko baba bariyemeje kubireka.”

Kujya kuhakorera amashusho y’indirimbo ngo babisabye ubuyobozi bw’ikigo cya Iwawa barabemerera ngo ntabwo higeze hazamo amananiza.

Jay C waganiriye na Fireman yavuze ko ubu ameze neza cyane ngo ikibura ni ukugaruka mu buzima busanzwe.

Ati “Nkuko bigaragara muri Video Fireman afite Morale nyinshi cyane n’imbaraga ni zose kuri we ikibura ni ukugaruka mu buzima bwo hanze aha. Ubu nawe akomeje amasomo ajyanye n’ubuhinzi n’ubworozi ikindi ni umuntu Sosiyete ikeneye naza azakora ibintu byiza bizamufasha ku gite cye n’umuryango.”

Jay C, Fireman na Bob Chris wakoze Video

Bonaventure KUBWIMANA

UMUSEKE.RW

Subiza

Your email address will not be published. Required fields are marked *